ආගමික නායකයින් පාස්කු ප්‍රහාරය හරහා දේශපාලනය කරනවා.. - සුරේෂ් සලේගේ මව සත්‍යග්‍රහයට එක්වෙමින් කියයි
පාස්කු ඉරිදා ප්‍රහාරය සම්බන්ධ පරීක්ෂණ සඳහා රැඳවුම් නියෝග මත අපරාධ පරීක්ෂණ දෙපාර්තමේන්තුවේ රඳවාගෙන සිටින හිටපු බුද්ධි අංශ ප්‍රධානී සුරේෂ් සලේ මහතා වෙනුවෙන් පිටකොටුව දුම්රිය ස්ථානය ඉදිරිපිට පැවැත්වෙන සත්‍යග්‍රහයට අද (08) ඔහුගේ මව සහභාගී විය.
එහිදී ඇය මාධ්‍ය වෙත අදහස් දක්වමින් තම පුත්‍රයාට සිදුවන අසාධාරණය පිළිබඳව ඉතා සංවේදීව කරුණු පැහැදිලි කළාය.
තම පුත්‍රයා රට වෙනුවෙන් විශාල සේවයක් කළ දරුවෙකු බවත්, ඔහු කමාන්ඩෝ බලකායේ සේවය කරමින් සිටියදී මුළු ප්ලැටූනයම විනාශ වී ඔහු ඇතුළු තිදෙනෙකු පමණක් දිවි බේරාගත් අවස්ථාවන් තිබූ බව ඇය සඳහන් කළාය.
එම සටන් වලදී සිදු වූ දරුණු පිපිරීම් හේතුවෙන් ඔහුගේ එක් කනක ඇසීම පවා දුර්වල වී ඇති බව ඇය වැඩිදුරටත් පැවසුවාය.
යුද්ධය පැවති වසර 30ක කාලය පුරාම ඔහු රට වෙනුවෙන් කැපවී කටයුතු කළ බවත්, ඔහු කිසිවිටකත් තමා කරන සේවය ප්‍රදර්ශනය කිරීමට හෝ ප්‍රශංසාවට කැමති අයෙකු නොවන බවත් ඇය අවධාරණය කළාය.
70 වන වියේ පසුවන තමා, තම දරුවා වෙනුවෙන් පෙනී සිටීමට රෝහලේ සිට මෙහි පැමිණි බව පැවසූ ඇය, "මිනිස්සු පුතාට මෙච්චර ආදරෙයි නම්, වදාපු අම්මාට කොච්චර වේදනා ඇද්ද?" යනුවෙන් විමසා සිටියාය,.
රාත්‍රී කාලයේදී පවා තමාට තම පුතාගේ හඬ ඇසෙන බවත්, ඔහු සිරගතව සිටින බව මතක් වූ විට දරාගත නොහැකි වේදනාවක් දැනෙන බවත් ඇය කඳුළු පිරි දෑසින් පැවසුවාය.
තම පවුලේ දරුවන් හතර දෙනාගෙන් තිදෙනෙකුම හමුදාවේ සේවය කළ බවත්, ඔවුන් හැමවිටම රටට ගෞරවයක් ගෙන දුන් දරුවන් බවත් ඇය මෙහිදී මතක් කර දුන්නාය.
පාස්කු ප්‍රහාරය සම්බන්ධයෙන් සිදුවන මෙම පරීක්ෂණ පිටුපස දේශපාලන අරමුණු ඇති බවට ඇය චෝදනා කළාය.
විශේෂයෙන්ම ඇතැම් ආගමික නායකයින් මේ හරහා දේශපාලනය කරන බවත්, ඔවුන්ට මවකගේ හැඟීම් තේරුම් නොගන්නා බවත් ඇය සඳහන් කළාය.
"මම ඉපදුණේ කතෝලිකයෙක් විදිහට, මම ජේසුට වඳිනවා, කොච්චිකඩේ පල්ලියට හැමදාම ගියා. ඒත් මේගොල්ලෝ කරන්නේ ආගම ධර්මය නෙමෙයි, දේශපාලනය," යැයි ඇය දැඩිව ප්‍රකාශ කළාය.
රට වෙනුවෙන් රහසිගතව සේවය කළ බුද්ධි අංශ නිලධාරීන් මෙලෙස අපරාධකරුවන් සේ සලකා කටයුතු කිරීම රටට කරන අහිතකර බලපෑමක් බව ඇය පැවසුවාය.
සම්බන්ධිත පුවත් | Related News
ප්‍රධාන පුවත්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්
උතුරු-නැගෙනහිර බෙදුම්වාදී ක්‍රියා වහා පාලනය කිරීමට මැදිහත්වන්න.. - ජාතික නිදහස් පෙරමුණෙන් ජනපති අනුරට ලිපියක්
වහබ්වාදී ආගමික අන්තවාදය ශ්‍රී ලංකා භූමියෙන් මුලිනුපුටා දැමීම සඳහා වූ ගෝඨාභය රාජපක්ෂ යෝජනාවලිය යනු කුමක් ද?
''භික්ෂුවගේ සිවුර ඉවත් කිරීම සංඝ සභාවේ තීරණයක් විය යුතුයි'' - කෝට්ටේ සංඝ සභාවෙන් බන්ධනාගාර කොමසාරිස්ට ලිපියක්
සරම්ප වසංගතය දරුණු වෙයි: නිව්යෝර්ක් හදිසි ආපදා තත්ත්වයක් ප්‍රකාශ කරයි! ඇමරිකාවේ සරම්ප රෝගීන් 3,887ක් – පෙන්සිල්වේනියා මරණ වාර්තා සම්බන්ධයෙන් සෞඛ්‍ය ලේකම් රොබට් එෆ්. කෙනඩි ජූනියර් ප්‍රශ්න කරයි
දේශප්‍රේමී සළුවලින් සැඟවුණු “ඩෙල්සි මාදිලියේ පාවාදීමකට” අනුරගේ ආණුඩුව සූදානමින්.. - විමල්ගෙන් විශේෂ හෙළිදරව්වක්..
ගලගොඩඅත්තේ ඥානසාර හිමියන් වෙනුවෙන් සිහි බුද්ධිය ඇති සිංහල, දෙමළ, මුස්ලිම් සෑම ශ්‍රී ලාංකිකයෙකුම කඳුළක් සැලිය යුතුයි.. - ජාතික සංවිධාන කියයි
බ්‍රැම්ප්ටන් නගරාධිපති පැට්‍රික් බ්‍රවුන්ගේ ප්‍රකාශයක් නිසා කැනඩාවේ සහ ශ්‍රී ලංකාවේ නැවතත් ජාතිවාදී නොසන්සුන්තාවයක් මතු වීමේ අවදානමක්..
රුසියාවෙන් නේටෝවට ප්‍රබල අනතුරු ඇඟවීමක්.. ස්වෛරීභාවයට තර්ජනයක් වුවහොත් න්‍යෂ්ටික අවි භාවිතයට සූදානම්.. - ආචාර්ය ජගත් චන්ද්‍රවංශගෙන් අනාවරණයක්
යේමන හමුදා ආරම්භ කළ දැවැන්ත මෙහෙයුම හමුවේ වුවද නව ප්‍රදේශ අත්පත් කරගත්තා- හූති කැරලිකරුවෝ අවධාරණය කරති