ඉරාන ජනපති ආචාර්ය ඊබ්‍රාහිම් රාසි මැතිතුමන් ඇතුළු ඉරාන ජන නායකයන්ගේ හදිසි අභාවය පිළිබඳව ජාතික නිදහස් පෙරමුණ තම සාතිශය සංවේගය පළ කරමින් මෙරට ඉරාන තානාපතිවරයා වෙත ශෝක පණිවිඩයක් නිකුත්කර තිබේ.

එම පිණිවිඩය පහළින්...

ගරු ඉරාන තානාපති
ආචාර්ය අලිරෙසා ඩෙල්ඛොශ් මැතිතුමා,
ශ්‍රී ලංකාවේ ඉරාන තානාපති කාර්යාලය, 
43, ජාවත්ත පාර,
කොළඹ 05.

ගරු තානාපතිතුමනි,

ඉරාන ජනපති ආචාර්ය ඊබ්‍රාහිම් රාසි මැතිතුමන් ඇතුළු ඉරාන ජන නායකයන්ගේ හදිසි අභාවය පිළිබඳව ජාතික නිදහස් පෙරමුණේ සාතිශය සංවේගය පළ කිරීමයි

පසුගිය 19 වනදා ඉරාන ජනපති අචාර්ය ඊබ්‍රාහිම් රාසි, විදේශ අමාත්‍ය හුසේන් අමිර් අබ්දුල්ලාහින්, නැගෙනහිර අසර්බයිජාන ප්‍රාන්තයේ ආණ්ඩුකාර මලික් රහමති සහ අධ්‍යාත්මික නායක අයතුල්ලා අලි කුමෙයිනිගේ නියෝජිත ඉමාම් මොහොමඩ් අලි අල් හසෙම් ඇතුළු හෙලිකොප්ටර් යානයේ ගමන් ගත් කාර්ය මණ්ඩලය ජීවිතක්ෂයට පත් වූ පුවත අසා අපි ඉමහත් කම්පාවට පත් වුණෙමු. එලෙසම ඉරාන නායකයන්ගේ මරණය හේතුවෙන් ශෝකාකූලව සිටින ඉරාන ජනතාවට අපගේ සාතිශය සංවේගය පළ කිරීමට ද මෙය අවස්ථාවක් කර ගනිමු.

අධිරාජ්‍යවාදීන් සිය ගමන් මගේ අවසන් සැතපුම් කණුව ලෙස සටහන් කර ඇති නව ලිබරල්වාදය අවසන් කර සමස්ත ලෝක ජනයාට නිදහසෙන්, සාමයෙන් ජීවත් විය හැකි ලෙස නුදුරු අනාගතයේදී නිර්මාණය වන බහුධ්‍රැවීය ලෝකය තුළ ඉරාන භූමිකාවේ විශ්වීය සලකුණ සටහන් කිරීමට වත්මන් ඉරාන ජනපතිතුමන් මහත් කැපවීමෙන් කටයුතු කළ බව මේ අවස්ථාවේදී අපි සිහිපත් කරමු. චීනය, රුසියාව ඇතුළු ප්‍රගතිශීලී කඳවුර සමඟ අත්වැල් බැඳ ගනිමින් බ්‍රික්ස් සංවිධානය තුළ කැපී පෙනෙන කාර්යභාරයක් ඉටු කිරීමට අභාවප්‍රාප්තවූ ආචාර්ය ඊබ්‍රාහිම් රාසි මැතිතුමා විශාල මෙහෙයක් ඉටු කළ බව මෙහිලා සිහිපත් කරමු.

උමා ඔය සංවර්ධන ව්‍යාපෘතියට ආධාර දෙමින් ශ්‍රී ලංකාවේ ජනයාගේ ජීවන තත්වය ඉහළ නැංවීමට අභාවප්‍රාප්ත ඉරාන ජනපතිතුමන් දැක්වූ සහයෝගය ද මෙම ශෝකාකූල අවස්ථාවේදී ඉරාන ජනයාට ගෞරව පූර්වකව සිහිපත් කරන්නෙමු.

එලෙසම එතුමා සිය ජීවිතයට සමු දීමට පෙර සිය ජාත්‍යන්තර වගකීම ඉටු කරලීමට අසර්බයිජානයට යාමෙන් එතුමා තුළ වන අසල්වැසි රාජ්‍යයන් සුඛිත මුදිත කරලීමේ උවමනාව මනාව පැහැදිලි වන බව ද අවධාරණය කරමු.

අවසන් වශයෙන් ඉරාන ජනපතිතුමන් ඇතුළු  පිරිසගේ ජිවිත අහිමි කළ හෙලිකොප්ටර් යානා අනතුර පිටුපස යම් ආකාරයක  කුමන්ත්‍රණකාරී ක්‍රියාවක් වේදැයි සොයා බලා එවැන්නක් සිදුව ඇතිනම් එයට වගකිවයුත්තන්ට දැඩි දඬුවම් පැමිණවීමට කටයුතු කළ යුතු බව ද අවධාරණය කරමු.

ස්තුතියි,
මෙයට විශ්වාසී,
විමල් වීරවංශ(පා.ම.)
නායක,
ජාතික නිදහස් පෙරමුණ,

His Excellency the Ambassador for Iran Dr. Alireza Delkhosh,

Iranian Embassy in Sri Lanka

No. 43., Jawatta Road,

Colombo  05,

Sri Lanka,

H.E. The Ambassador,

It is to express the deepest condolences of the National Freedom Front at the sudden passing away of the Hon President Ebrahim Raisi and the National leaders.

We were deeply shocked by hearing the death of Dr. Ebrahim Raisi the President of Iran, Iranian Foreign Minister Hossein Amir-Abdollahian, The Governor of East Azerbaijan Province, Malik Rahmati and Supreme Leader Ayatollah Ali Khamenei’s Representative in Tabriz, Imam Mohammad Ali Al- Hashem along with Helicopter crew. Let us also use this opportunity to give solace to the Iranians, who are mourning the death of their beloved leaders.

 At this time of bereavement, let us recall  that the Iranian President dedicated himself to establish place of Iran to eliminate the last milepost of neo-liberalism and, to create a multi-polar world in the near future so that the global community can live in peace and harmony. We reminisce the fact that HE Dr Ebrahim Raisi played a pivotal role within the BRICS with the progressive camp of Russia and China.

It is with great respect and honor we wish to remind the people of I ran that the President Ebrahim extended his support for Uma Oya Development project, which was aimed at improving the living condition of the people of Sri Lanka.

The President Ebrahim’s commitment to the cause of promoting the living conditions of neighboring countries is absolutely clear by his last visit to Azerbyjan.

Further we wish to emphasize the need to investigate whether there was any act of sabotage involved over the reported accident with a view to expose the culprits so that they can be punished.

Thank you.

Yours Faithfully 

Wimal Weerawansa (MP)

Chairman,

National Freedom Front 

21-05-2024