ඉරානය ඊශ්රායලයට එල්ල කළ ප්රහාරයට රුසියාවේ ප්රතිචාරය
රුසියාවේ විදේශ අමාත්යාංශය ඉරානයෙන් සහ ඊශ්රායලයෙන් ඉල්ලා ඇත්තේ සංයමයෙන් කටයුතු කරන ලෙසත් කලාපයේ සතුරුකම් තවදුරටත් උත්සන්න වීම වළක්වා ගන්නා ලෙසත්ය. සති අන්තයේ ඊශ්රායලයට ටෙහෙරානයේ ඩ්රෝන් සහ මිසයිල ප්රහාර එල්ල කිරීමෙන් පසු ඊයේ(14) ප්රකාශයක් නිකුත් කරමින් රුසියානු විදෙශ අමාත්යවරයා මෙම අභියාචනය කරන ලදී.
මේ මස මුලදී සිරියාවේ අගනුවර වන ඩැමස්කස් නුවර පිහිටි ඉරාන කොන්සල් කාර්යාලයට එල්ල කළ බවට සැක කෙරෙන ඊශ්රායල ගුවන් ප්රහාරයට පළිගැනීමක් ලෙස මෙම ප්රහාර එල්ල වී තිබේ. ඩැමස්කස් නුවර පිහිටි ඉරාන කොන්සල් කාර්යාලයට එල්ල කළ ප්රහාරයෙන් ජෙනරාල්වරුන් දෙදෙනෙකු ඇතුළු ඉහළ පෙළේ ඉරාන නිලධාරීන් කිහිප දෙනෙකු ඝාතනයට ලක් විය. ප්රහාරය සම්බන්ධයෙන් ටෙහෙරානය ඊශ්රායලයට චෝදනා කළේය. ඊශ්රායලය ප්රහාරය සම්බන්ධ වගකීම විවෘතව පිළිගෙන නැති නමුදු ඊශ්රායල ආරක්ෂක අමාත්ය යොඅව් ගැල්ලන්ට් පසුව කළ ප්රකාශයක් මගින් ඇඟවුම් කළේ ඊශ්රායලය “මැද පෙරදිග පුරා විහිදී සිටින තමන්ගේ සතුරන්ට පහර දෙන” බවයි.
මැද පෙරදිග, විශේෂයෙන්ම වර්තමාන පලස්තීන-ඊශ්රායල් ගැටුම හේතුවෙන් පැන නගින අර්බුද, "බොහෝ විට වගකීම් විරහිත ප්රකෝපකාරී ක්රියාවන් මගින් අවුළුවන" බව සඳහන් කරමින්, "කලාපයේ තවත් භයානක ගැටුම් උත්සන්නවීම සම්බන්ධයෙන් අපි ගැඹුරින් කනස්සල්ලට පත්ව සිටිමු" යයි රුසියානු විදේශ අමාත්යාංශය නිවේදනයක් මගින් පැවසීය.
“අපි ඊට සම්බන්ධ සියලුම පාර්ශවයන්ගෙන් ඉල්ලා සිටින්නේ සංයමයෙන් කටයුතු කරන ලෙසයි. දේශපාලන හා රාජ්ය තාන්ත්රික ක්රම මගින් කලාපීය රාජ්යයන් විසින් පවතින ගැටලු විසඳනු ඇතැයි අපි බලාපොරොත්තු වෙනවා,” රුසියානු විදේශ අමාත්යාංශය වැඩිදුරටත් පැවසුවේය.
ඊශ්රායල ආරක්ෂක හමුදාවට (IDF) අනුව, ටෙහෙරානය යුදෙව් රාජ්යයට මිසයිල සහ කමිකේස් ඩ්රෝන 300 කට වැඩි ප්රමාණයක් දියත් කළ නමුත් එල්ල වූ ප්රහාර බොහොමයක් ඊශ්රායල ගුවන් සීමාවට ළඟා වීමට පෙර වෙඩි තබා විනාශ කර තිබුණි.
කෙසේ වෙතත්, ඉරාන නිලධාරීන් කියා සිටියේ මෙම දැවැන්ත ප්රහාරය අපේක්ෂා කළ ප්රමාණයට වඩා සාර්ථක වූ බවයි. ඉරානයේ සන්නද්ධ හමුදා මාණ්ඩලික ප්රධානී මේජර් ජෙනරාල් මොහොමඩ් බගෙරි ඊයේ(14) කියා සිටියේ ටෙහෙරානය සති අන්තයේ සිය කොන්සල් කාර්යාලයට එල්ල කළ ප්රහාරය සම්බන්ධයෙන් ඊශ්රායලයට ප්රමාණවත් “දඬුවමක්” ලැබුණා යැයි සලකන බවත් මෙහෙයුම දිගටම කරගෙන යාමට අදහසක් නොමැති බවත්ය. කෙසේ වෙතත්, ඊශ්රායල ආරක්ෂක හමුදා වෙතින් එල්ලවන අනාගත ප්රහාර වලදී “වඩාත් පුළුල්” ප්රතිචාරයක් දක්වන බවට ඔහු පොරොන්දු විය.
පසුගිය ඔක්තෝම්බර් මාසයේදී ගාසා තීරයේ ඊශ්රායල-හමාස් යුද්ධය ආරම්භ වූ දා සිට ඊශ්රායලය සහ ඉරානය අතර ආතතීන් උත්සන්න විය. බටහිර ජෙරුසලම ටෙහෙරානයට චෝදනා කළේ ගැටුම අවුලුවාලූ මාරාන්තික වැටලීමේ ප්රධානියා ලෙසත්, හමාස්, හිස්බුල්ලා සහ කලාපයේ අනෙකුත් පලස්තීන හිතවාදී සටන්කාමී කණ්ඩායම්වලට සහාය දුන් බවටත්ය.මේ අතර ටෙහෙරානය ඔක්තෝබර් ප්රහාරයට සම්බන්ධ බව ප්රතික්ෂේප කළ නමුත් හමාස් සහ අනෙකුත් පලස්තීන කණ්ඩායම්වලට දිගටම සහාය දෙන බවට ප්රතිඥා දුන්නේය.
Russia responds to Iran’s attack on Israel
සම්බන්ධිත පුවත් | Related News
ප්රධාන පුවත්
සලේ වෙනුවෙන් අද සිට අඛණ්ඩ සත්යග්රහයක්..
සුරේෂ් සලේ රෝගී තත්ත්වයකින් කොළඹ ජාතික රෝහලට..
වීදුරු ගෙවල් වල හිඳිමින් අනුන්ට ගල් ගහන්න එපා!- ශ්රී ලංකාවේ රුසියානු තානාපතිගෙන් ශ්රී ලංකාවේ යුරෝපා සංගමයේ නියෝජිතයන්ට අවවාදයක්
යාපනයේ ජාතිවාදය අවුස්සන හැටි මෙන්න.. ආණ්ඩුව මොකද කියන්නේ? - අරුන් සිද්ධාර්ත්
ආණ්ඩුවේ ආයුෂ උතුරු නැගෙනහිර පළාත් සභා ඡන්දය තියන තුරු විතරයි.. - වෛද්ය වසන්ත බණ්ඩාර
මනෝගෙන් අතිශය ආන්දෝලනාත්මක ප්රකාශයක්..- පළාත් සභා උභතෝකෝටිකය!
මහ බැංකුව වගකීම් විරහිත ආයතනයක් වෙලා.. මහ බැංකු අධිපති පැනල යන බව කළින් කියා පැනල යයිද? - විමල් ප්රශ්න කරයි..
ඇමරිකා අලුත් බද්දෙන් ලංකාව අමාරුවේ..- ලංකා වාණිජ මණ්ඩලය
මහා සංඝරත්නයට, සම්බුද්ධ සාසනයට ද්වේෂසහගතව අගෞරව කිරීම පිළිබඳව කුප්රකට
ගම්මන්පිල සහ ඉන්දීය නීති සමාගමේ පාලන හවුල්කරු සුරනා අතර හමුවක්.. සාකච්ඡාව පිටුපස සැඟවුනු ඉන්දීය න්යාය පත්රයක් තිබුනාද?
චීනය සහ ශ්රී ලංකාව දේශසීමා හරහා සිදුවන මාර්ගගත සූදු හා විදුලි සංදේශ වංචා මර්දනය කිරීමට දැඩිව එක්ව ක්රියා කරනවා!-ශ්රී ලංකාවේ චීන තානාපති කාර්යාලය
චීන ජනපති ලබන සතියේදී උතුරු කොරියාවේ සංචාරයකට සැරසෙයි..
සිංහල ජාතිකවාදී රාජ්ය ජාතිය ආගම පදනම්කර ගෙන වර්ග සංහාරයක් සිදුකළා.. දෙමළ ජනතාවට එරෙහිව වර්ග සංහාරයක් සිදුකළා කියලා උතුරු පළාත් සභා ප්රකාශනයෙන් කියවෙනවා.. - ජීවන්ත පීරිස් පූජකවරයා යළිත් කියයි..
භාණ්ඩාගාර කොල්ලය ගැන භාණ්ඩාගාර වාර්ෂික වාර්තාවේ කිසිම සඳහනක් නෑ.. - රජිත් කීර්ති තෙන්නකෝන්
සහල් ආනයනය කරන්නේ ජනතාවට සහන සැලසීමේ අරමුණින් නොවේ.. නිලධාරීන්ගේ සහ ඇමතිවරුන්ගේ අතයට කොමිස් ලබාගැනීමේ "ජානගත බැඳීමක්" නිසා.. - ජාතික ගොවිජන එකමුතුවෙන් චෝදනා
ජනපති අනුර හන්දි හන්දි ගානේ කියන ඩොලර් මිලියන 1,000 ක සංචිතයක් නෑ.. - රජිත් කීර්ති තෙන්නකෝන්