උමාඔය ජල විදුලි නිෂ්පාදනයේ පරීක්ෂණ මට්ටමේ මෙහෙයුම් ඇරඹේ
උමාඔය බහුකාර්ය සංවර්ධන ව්‍යාපෘතියේ ඉදිකිරීම් අවසන් වී ජල විදුලිය නිෂ්පාදනය සඳහා පරීක්ෂණ මට්ටමේ මෙහෙයුම් ආරම්භ කර තිබෙන බව ව්‍යාපෘති අධ්‍යක්ෂ ඉංජිනේරු D.C.S ඇළකන්ද මහතා ප්‍රකාශ කරයි. ඒ මහතා පෙන්වා දෙන්නේ මීට මාසයකට පමණ ඉහත දී මෙලෙස මෙහෙයුම් කටයුතු ආරම්භ කළ බවයි.
මේ වන විට වානිජ මට්ටමේ මෙහෙයුම් ද ආරම්භ කර ඇති බව සඳහන් කරන ව්‍යාපෘති අධ්‍යක්ෂ ඉංජිනේරු D.C.S ඇළකන්ද මහතා, එම පරීක්ෂණ කාලය තුල පමණක් රුපියල් මිලියන 1000 ක වටිනාකමින් යුත් විදුලි බලයක් උත්පාදනය කර ජාතික විදුලි බල පද්ධතිය ට එක් කිරීම ට හැකි වූ බව ද කියා සිටියි.
මේ වන විට සමස්ත ව්‍යාපෘතියේ ඉදිකිරීම් අවසන් වී තිබෙන බවත් එළඹෙන අප්‍රේල් 24 දින විවෘත කිරීම ට සැලසුම් කර තිබෙන බව ත් හෙතෙම කීය.
උමාඔය බහුකාර්ය සංවර්ධන ව්‍යාපෘතියේ නේවාසික ප්‍රධාන ඉංජිනේරු ප්‍රියන්ත නානායක්කාර මහතා පෙන්වා දෙන්නේ උමාඔය බහුකාර්ය සංවර්ධන ව්‍යාපෘතියේ ප්‍රධාන අරමුණ වී ඇත්තේ, මෙගාවොට් 120 ක විදුලිය ධාරිතාවක් නිෂ්පාදනය කර ජාතික විදුලි බල පද්ධතිය ට එක්කිරීම වන බව යි.
එමෙන්ම කෘෂිකාර්මාන්තය සහ පානීය ජලය සැපයීම ද අනෙකුත් ප්‍රධාන අභිලාෂයන් අතර වන බව ද හෙතෙම සඳහන් කළේ ය.
උමාඔය බහුකාර්ය සංවර්ධන ව්‍යාපෘතිය 2011 වසරේ ආරම්භ කරනු ලැබූ අතර, ඒ සඳහා ඇස්තමේන්තු කළ මුදල ඇමරිකානු ඩොලර් මිලියන 514කි.
එයින් ඩොලර් මිලියන 450 ක් ඉරාන රජයේ ණය ආධාරයක් ලෙස ලැබීමට නියමිතව තිබුණි, එහෙත් ඉරාන රජයට බලපෑ සම්භාධක ගැටළුව හේතුවෙන් එරට ආර්ථිකය දැඩි අර්බුදයකට ලක්විය. ඒවන විටත් අමෙරිකානු ඩොලර් මිලියන 50ක පළමු වාරිකය ලැබී මෙම බහුකාර්ය ව්‍යාපෘතියේ ඉදිකිරීම් ආරම්භ කර තිබූ හෙයින්, එය අතරමග නවතා නොදමා ශ්‍රී ලංකාවේ මහා භාණ්ඩාගාර ප්‍රතිපාදන මත උමාඔය බහුකාර්ය ව්‍යාපෘතියේ කටයුතු අඛණ්ඩව පවත්වාගෙන යන ලදී.
ඉරාන රජයේ කොන්ත්‍රාත් සමාගම ක් වන ෆරාබ් ආයතනය මඟින් සියළු ඉදිකිරීම් සිදුකරන අතර වාරිමාර්ග අමාත්‍යාංශය, වෙනුවෙන් (Central Engineering Consultancy Bureau) ඉංජිනේරුමය කාර්‍ය න් පිළිබඳව මධ්‍යම උපදේශන කාර්‍යංශය නිරීක්ෂණ කටයුතු සිදුකරයි.
උමාඔය බහුකාර්ය සංවර්ධන ව්‍යාපෘතිය යටතේ මුලින්ම පුහුල්පොල ජලාශයේ වේල්ලක් ඉදිකර එහි රැස්වන ජලය කිලෝමීටර් 04 ක උමං මාර්ගයක් ඔස්සේ ඩයරබා ජලාශයට ගෙන එනු ලැබේ. ඩයරබා ජලාශයේ වේල්ලක් ඉදිකර පුහුල්පොල ජලාශයේ සිට ගෙන එන ජලය එහි ගබඩා කර පසුව එම ජලය කිලෝමීටර් 15.5 ක දිග උමං මාර්ගය ක් ඔස්සේ, ඇල්ල කරඳගොල්ල ප්‍රදේශයේ භූගතව ස්ථානගත කර ඇති ටර්බයින් යන්ත්‍ර දෙකක් වෙත රැගෙන ඒම සිදුවේ.
එම ටර්බයින යන්ත්‍ර දෙකේ මෙගාවොට් 60 බැගින් වෙන් වෙන් වශයෙන් ජල විදුලබලය නිෂ්පාදනය වන අතර, ඒ අනුව මෙගාවොට් 120ක විදුලි ධාරිතාවයක් මේ හරහා ජාතික විදුලිබල පද්ධතියට එක්කෙරේ. මෙලෙස නිෂ්පාදනය කෙරෙන විදුලිය අධිබලැති විදුලි රැහැන් කුළුණු 65 ක් ඔස්සේ කිලෝමීටර් 23 පමණ දුර බදුල්ල දක්වා ගෙන ගොස් ජාතික විදුලි බල පද්ධතිය ට සම්බන්ධ කෙරේ.
විදුලිබල උත්පාදනයෙන් පසු එම ජලය තවත් කිලෝමීටර් 04 ක උමං මාර්ගයක් ඔස්සේ අලිකොට ආර ජලාශය වෙත ගෙන ඒම සිදුකෙරේ. අනතුරු එම ජලය හඳපානාගල හා කුඩාඔය ජලාශ දක්වා රැගෙන එනු ලැබේ. ඒ මගින් පැරණි කුඹුරු හෙක්ටයාර් 1500 ක් සහ නව කුඹුරු හෙක්ටයාර් 4500 ක් ලෙස දළ වශයෙන් කුඹුරු අක්කර 15000 කට පමණ යල සහ මහ දෙකන්නය සඳහාම ජලය සැපයීම සිදුකෙරේ.
කිරිඳිඔය ද්‍රෝණිය හරහා ඌව වෙල්ලස්ස ගොවි බිම් සශ්‍රීක කරමින් බදුල්ල හා මොනරාගල, හා බණ්ඩාරවෙල දිස්ත්‍රික්ක වල ජනතාවගේ පානීය ජල අවශ්‍යතාව ද පූර්ණ කිරීමට මෙමගින් හැකියාව ලැබෙනු ඇත.
සිසිර විජේසිංහ
මාධ්‍ය ලේකම්
සම්බන්ධිත පුවත් | Related News
ප්‍රධාන පුවත්
මාලිමාවේ ඡන්ද පදනම කඩා වැටීම ලෝක වාර්තාවක්.. තව අවුරුද්දකින් ඡන්ද පදනම පරණ පුරුදු 3%ට වැටෙනවා - උදය ගම්මන්පිල
පළාත් සභා මැතිවරණයත් හැකි ඉක්මනින් කැඳවන්න යයි..
ඉන්දියාව සමඟ අත්සන් කළ ගිවිසුම්වලට එරෙහිව පෙත්සමක්..
කෙහෙලිය මැයි 20 දක්වා රිමාන්ඩ්
සර්වඥ ධාතුන් වහන්සේලා අළෙවි කළ නොහැකියි... වෙසක් සතියේ ධාතු වෙන්දෙසිය වහා නවත්වන්න. ඉන්දියාවට බාර දෙන්න.
මෙතෙක් ප්‍රකාශිත ප්‍රතිඵල මෙන්න
විවෘත වරෙන්තු පිට සිටි, හිටපු රාජ්‍ය ඇමති ප්‍රසන්න අධිකරණයට භාරවෙයි
ඉන්දීය ජෙට් යානා දෙකකට සහ ඩ්‍රෝන යානයකට ප්‍රහාර එල්ල කළා - පාකිස්ථාන හමුදා මාධ්‍ය ප්‍රකාශක කියයි
පළාත් පාලන ආයතන ඡන්ද විමසීම ඇරඹෙයි
දේශීය ඖෂධ කර්මාන්තය බිඳවැටෙන අවදානමක් - ඇමති නලින්දගේ හැසිරීම ගැන සංගම් තුනකින් විරෝධය..
දැඩි බෞද්ධ විරෝධය මැද ශාක්‍යයන්ට අයත්ව තිබූ බෞද්ධ ධාතු හොංකොංවලදී වෙන්දෙසි කිරීමේ සූදානමක්..
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)