බෝයිං ගුවන් යානා සම්බන්ධයෙන් සාමාන්‍ය පරිදි කටයුතු කරන්නේ නැහැ - එක්සත් ජනපද ගුවන් සේවා නියාමන අධිකාරිය

Jan 26, 2024 at 02:50 PM

|

Lanka Leader

එක්සත් ජනපද ෆෙඩරල් ගුවන් සේවා පරිපාලනය (FAA ) මගීන්ගේ ආරක්‍ෂාව ගැන සඳහන් කරමින් බෝයිං සමාගමට එහි 737 MAX ගුවන් යානා නිෂ්පාදන ධාරිතාවය පුළුල් කිරීම තාවකාලිකව තහනම් කර ඇත.

මෙම තීරණය ගෙන ඇත්තේ, සමාගමේ එක් යානයක කොටසක් අහිමි වූ ජනවාරි මාසයේ සිදු වූ පිපිරීමක් හේතුවෙන් බව වාර්තාවේ.

ජනවාරි 5 වන දින, පෝට්ලන්ඩ්, ඔරිගන්හි සිට කැලිෆෝනියා වෙත ගමන් කරමින් සිටි ඇලස්කාන්ගුවන් සේවයේ 1282 ගුවන් යානයට හදිසි ගොඩබෑමක් කිරීමට සිදු වූ ජනේල පුවරුවක් ගැලවී යාමේ සිද්ධියයි. මෙම සිදුවීමෙන් බරපතල සිදුවීම කිසිවක් සිදු නොවූ අතර, එක්සත් ජනපද ෆෙඩරල් ගුවන් සේවා පරිපාලනය විසින් දැඩි පරීක්‍ෂා කිරීම් සඳහා  බෝයිං 737-9 MAX වර්ගයේ ගුවන් යානා 171 ක් දැනටමත් ගුවන්ගත කිරීම් අත්හිටුවා ඇත. කෙසේ වුවද බෝයිං සමාගම විසින් සිය "වැරැද්ද" පිළිගෙන ඇත.

ඇලස්කා ගුවන් සේවයට අයත් ගුවන් යානයේ තිබූ ගැටලුවට සමානම දෝෂ අවම වෂයෙන් තවත් ගුවන් සමාගම් දෙකකට අයත් බෝයිං ගුවන් යානාවල ඇති බවට දැනටමත් වාර්තා වී තිබේ. 

පසුගිය 24 වනදා ප්‍රකාශයක් නිකුත් කරමින් එක්සත් ජනපද ගුවන් සේවා නියාමකයා අවධාරණය කළේ එවැනි තත්වයන් “නැවත කිසිදා සිදු නොවිය යුතු” බවයි. 

"737-9 MAX ඇතුළුව බෝයිං ගුවන් යානා වල  කිසිදු නිෂ්පාදන ප්‍රසාරණයක් ලබා නොදෙන" බව බෝයිං සමාගම වෙත දැනටමත් දන්වා ඇති බව එක්සත් ජනපද ගුවන් සේවා නියාමකයා වැඩිදුරටත් සඳහන් කළේය. 

බෝයිං ගුවන් යානා වල නව ගොඩබිම්ගත කිරීම් සහ ආරක්ෂණ පරීක්ෂාවන් සම්බන්ධයෙන් රෙගුලාසි පනවා ඇත්තේ බෝයිං නැමැති එක්සත් ජනපද ගුවන් යානා නිෂ්පාදකයා මීට වසර කිහිපයකට පෙර  ඔවුන් නිෂ්පාදකයා කළ ගුවන් යානා දෙකක් ඉතියෝපියාවේ (2019) සහ ඉන්දුනීසියාවේ (2018) කඩා වැටී පුද්ගලයින් 346 දෙනෙකු මරු මුවට පත් වීමත් සමඟය. එම ඛේදවාචක දෙකේ ප්‍රතිඵලයක් ලෙස 737 MAX ගුවන් යානා මාස 20ක් පුරා ගුවන්ගත නොකර සිටීමට ගුවන් සමාගම් කටයුතු කරනු ලැබීය.

https://www.rt.com/news/591249-boeing-no-business-usual-faa/