ජවාරම්කරුවන් පිරිසක් නඩත්තු කිරීමට පවතින ආනයන ප්‍රචලිත කිරීමේ කුමවේදයෙන් රටට සිදුවූ වින්නැහිය වෛද්‍ය වසන්ත බණ්ඩාර පැහැදිලි කරයි

Dec 1, 2023 at 08:40 PM

|

Lanka Leader

ජාත්‍යන්තර මූල්‍ය අරමුදලේ ණය ආධාර නොමැතිව මෙරට පවතින සම්පත් නිවැරදිව කළමනාකරණය කර ගනිමින් රටේ ආර්ථික අර්බුදයෙන් මිදීමට හැකි ක්‍රමවේදය දේශහිතෛෂී ජාතික ව්‍යාපාරයේ මහලේකම් වෛද්‍ය වසන්ත බණ්ඩාර මහතා පැහැදිලි කරයි.

රූපවාහිනී සංවාදයක දී වෛද්‍ය වසන්ත බණ්ඩාර මහතා පවසන්නේ රටේ ගොඩබිම මෙන් අට ගුණයක් විශාල මෙරටට අයත් සාගරයේ ඇති සම්පත් වලින් නිසි ප්‍රයෝජනයක් තවමත් ගෙන නොමැති බවයි.

සාගරයෙන් මෙන්ම මෙරට පවතින මිනිරන් හා ඛනිජ වැලි වැනි වටිනා සම්පත්වලින්ද රටේ ආර්ථිකයට දැවැන්ත මුදලක් ඉපයිය හැකි බවත්, ජාවාරම්කරුවන් පස්හය දෙනෙකු නඩත්තු කරන ආනයන ප්‍රචලිත කිරීමේ ක්‍රමවේදයෙන් මිදී රටේ සම්පත් නිවැරදිව කලමණාකරණය කිරීම මගින් ආර්ථික අර්බුදයෙන් මිදිය හැකි බවත් ඒ මහතා මෙහිදී පෙන්වා දෙයි.

රටේ පවතින ප්‍රධාන අර්බුද තුන වන ගෙවුම් ශේෂ හිඟය, ණය අර්බුදය, රාජ්‍ය ආදායම් අර්බුදය විසඳා ගැනීමට රටේ සම්පත් මෙන්ම කර්මාන්ත පද්ධතිය මගින්ද සුවිසල් දායකත්වයක් ලබාගත හැකි බවද වසන්ත බණ්ඩාර මහතා මෙහිදී පවසයි.

ගෙවුම් ශේෂ අර්බුදය මතුවන්නේ වෙළෙඳ හිඟය නිසා බවත්, 1978 වන විට මෙරට ධන වෙළෙඳ ශේෂයක් තිබූ බවත් එයට හේතු වූයේ 1970 සිට දේශීය ආදායම් ආරක්ෂා කිරීමට පැනවූ නීති හා ප්‍රතිපත්ති බවත් ඒ මහතා සඳහන් කරයි.

එහෙත් 1978 න් පසුව එම තත්ත්වය සහමුලින්ම වෙනස් වූ බවත්, විවෘත්ත ආර්ථිකය හරහා එම තත්ත්වය නිර්මාණය වූ බවත් ඔහු පවසයි.

ආර්ය ශීලි වික්‍රමනායක මහතා වැනි දේශීය කර්මාන්ත කරුවන් නොසිටින්න මෙරට කිරි ගොවීන් ද අන්ත අසරණ තත්ත්වයකට පත්වන බවද වෛද්‍ය වසන්ත බණ්ඩාර මහතා මෙහිදී සඳහන් කළේය.

මෙම රූපවාහිනී සංවාදය සඳහා පැල්වත්ත කිරි සමාගමේ සභාපති ආරිය ශීලි වික්‍රමනායක මහතා ද එක්ව සිටි අතර, ඒ මහතාද රට ආර්ථික අර්බුදයෙන් ගලවා ගැනීමට අනුගමනය කළ යුතු වැඩපිළිවෙල පිළිබඳව දීර්ඝ පැහැදිලි කිරීමක් සිදුකළේය.

සවිස්තරාත්මක වීඩියෝව නරඹන්න...