අයවැයෙන් කළේ "ආර්ථික අර්බුදය" නැමැති "ඇවිලෙන ගින්නට" තව "පිදුරු ගොඩක්" දමපු එකයි - විමල් වීරවංශ
ජනාධිපතිවරයා කවර පුරාජේරු කතා කියූවත් මෙවර අයවැයෙන් සිදු කර ඇත්තේ මේ රට ඇද වැටී ඇති "ආර්ථික අර්බුදය" නමැති "ඇවිලෙන ගින්නට" තව "පිදුරු ගොඩක්" ගෙනැවිත් දැමීම බවත් එමගින් ජනතාවගේ ජීවන බර, බදු බර තවදුරටත් වැඩි කරනු ලැබ ඇති බවත් උත්තර ලංකා සභාගයේ සභාපති, ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පෙන්වා දෙයි.
ඊයේ(23) මීගමුව මහේස්ත්‍රාත් අධිකරණයේ පැවති නඩු කටයුත්තකට පෙනී සිටීමෙන් අනතුරුව මාධ්‍යවේදීන් නැඟූ ප්‍රශ්නවලට පිළිතුරු දෙමින් ඒ මහතා මෙසේ පෙන්වා දුන්නේය.
මාධ්‍යවේදීන් නැඟූ ප්‍රශ්නවලට ව්මල් වීරවංශ මහතා ලබා දුන් පිළිතුරු පහත පරිදිය.
නඩුවට මොකද වුණේ?
අද අධිකරණය විසින් අලුතෙන් චෝදනා සංශෝධනය කිරීමක් සිදු කළා. ඒ අලුත් චෝදනාවට අදාළව මූලික විරෝධතා ඉදිරිපත් කිරීමට අපේ නීතිඥ මහත්වරුන් අවස්ථාව ඉල්ලා සිටියා. එම මූලික විරෝධතා අපේ නීතිඥ මහත්වරුන් විසින් ඊළඟ නඩු දිනය වන 2024 පෙබරවාරි 08 වැනිදා ඉදිරිපත් කිරීමට නියමිතයි.
දැන් මේ ආණ්ඩුව ගෙන යන වැඩපිළිවෙළ අනුමත කරනවා ද?
ආණ්ඩුව ගෙන යන වැඩපිළිවෙළ අනුමත කරනවා නම් අපි ඉන්න ඕනේ ආණ්ඩුව ඇතුළෙනෙ. අපි විපක්ෂයේ ඉන්නේ "ආණ්ඩුව මේ ගෙන යන වැඩපිළිවෙළින්, මේ රට වැටී තිබෙන ප්‍රපාතයෙන් ගොඩඑන්නේ නැහැ" කියන මතය දරන නිසයි. මේ යන්නේ "එදා වේල ටුවර්ස් ගමනක්" මිසක් මේ ගැඹුරු ආර්ථික අර්බුදයෙන් මේ රට ගොඩගන්න ගමනක් නොවෙයි. අයවැයෙනුත් කළේ බදු බර-ජීවන බර තවත් වැඩි කරපු එක. ඒ කියන්නේ "ආර්ථික අර්බුදය" කියන "ඇවිලෙන ගින්නට" තව "පිදුරු" ගෙනැවිත් දමපු එක.
විපක්ෂයට අයවැය පරාජය කරන්න පුළුවන් ද?
අයවැය පරාජය කිරීමට පාර්ලිමේන්තුව තුළ විපක්ෂයට සංඛ්‍යාත්මක බලයක් තිබෙනවා ද? කියන එක නොවෙයි වැදගත්. මේ අයවැයෙන් මේ රට වැටී තිබෙන ප්‍රපාතයෙන් ගොඩගැනීමේ සේයාවක්වත් පෙනෙනවා ද? කියන එකයි වැදගත්.
කොහොම වුණත් වැටුණු තැනින් රට ඉස්සරහට ගෙන යන්න ආණ්ඩුව දැන් විපක්ෂයේ සහාය ඉල්ලනවානේ...
මේ ආණ්ඩුව සහාය ඉල්ලනවා කියන්නේ 'ඇමැති කටු සූප්පු කරන්න එන්න' කියන එකයි.
ජනාධිපතිවරයා පවසනවා, "2024 වසරේදී ජනාධිපතිවරණය සහ මහ මැතිවරණය යන දෙකම පවත්වන්න කටයුතු කරනවා" කියලා...
නීතියට අනුකූලව ජනාධිපතිවරණය නම් ඊළඟ වසරේ අගභාගය වන විට පැවැත්විය යුතුයි. මහ මැතිවරණය පවත්වනවා නම් ඔහු එය පැවැත්වීමට බලාපොරොත්තු වන්නේ ජනාධිපතිවරණයෙන් අනතුරුවයි. ජනාධිපතිවරණය නිසැක ලෙසම පැවැත්වීමට සිදු වෙනවා. කල් දැමීමට පුළුවන් උප්පරවැට්ටියක් සොයා ගැනීමට හැකිවේවි, කියා අපට පෙනෙන්නේ නැහැ. ඒ නිසා තමයි ජනාධිපතිවරයා ඔය අදහස පළ කරන්න ඇත්තේ.
ශ්‍රී ලංකාවේ ක්‍රිකට්වලට මොකද වෙන්න යන්නේ?
ක්‍රිකට්වල ඇති වෙලා තිබෙන පිරිහීම නැති කරන්න පුළුල් රැඩිකල් ක්‍රියාමාර්ග ගත යුතුව තිබෙනවා. සාම්ප්‍රදායික පාලන ව්‍යුහයකින් ඒක ගොඩදාන්න පුළුවන් වෙයි, කියලා මම විශ්වාස කරන්නේ නැහැ.
ICCය කියනවානේ, "මෙතැන දේශපාලන අතපෙවීමක් තිබෙන්නේ" කියා...
මේක දේශපාලන අත පෙවීමක් කියලා අර්ථකථනය කරන්න බැහැනේ. අද මේ ක්‍රිකට්වල ඇති වෙලා තිබෙන තත්වය පිළිබඳව ආණ්ඩු පක්ෂය, විපක්ෂය කියා භේදයකින් තොරව එක මතයක් තිබෙනවා. එක දේශපාලන මතයක් නොවෙයි. ඒක මේ රටේ ක්‍රිකට් ක්‍රීඩාව යළි ඉහළට ඔසවා තැබීම පිළිබඳ අභිලාෂයක්. ඒ නිසා "මෙතැන දේශපාලන අතපෙවීමක්, ඇඟිලිගැසීමක් තිබෙනවා" කියන එක මම නම් විශ්වාස කරන්නේ නැහැ.
(අනුරුද්ධ බණ්ඩාර රණවාරණ)
මාධ්‍ය ලේකම්,
ජාතික නිදහස් පෙරමුණ
සම්බන්ධිත පුවත් | Related News
ප්‍රධාන පුවත්
රුසියානු හමුදාවට අවශ්‍ය උපකරණ විකිණීම හේතුවෙන් එක්සත් ජනපදය ඉන්දියානු සමාගම්වලට සම්බාධක පනවයි
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි!- ඊශ්‍රායල ජන මාධ්‍ය පවසයි.
මැදපෙරදිග සාමය ඇතිකිරීම වෙනුවෙන් රුසියාවේ මැදිහත් වීම ඊශ්‍රායලයට අවශ්‍යයි ඊශ්‍රායල ජන මාධ්‍ය පවසයි.
තුන්වැනි සමාලෝචනයට අයි.එම්.එෆ්. පිරිසක් ළඟදීම ශ්‍රී ලංකාවට
සුමන්තිරන්ට විදේශ ඇමැතිකම දී ඉලංකෙයි තමිල් අරසු කච්චි පක්ෂයේ රට බෙදන කොන්දේසිවලට ආණ්ඩුව එකඟ වෙලා - ගම්මන්පිලගෙන් ආණ්ඩුවට ප්‍රබල චෝදනාවක් (වීඩියෝ)
සහල් ඒකාධිකාරයක් පවත්වාගෙන යන්නේ මේ රටේ මහා පරිමාණ මොල්හිමියො පස් දෙනෙක්... ගොවියා සූරා කාලා, පාරිභෝගිකයා විනාශ කරලා, ආණ්ඩු මට්ටු කරන ඔවුන්ගේ සෙල්ලමට තිත තියන්න ඕනේ - අනුරාධ තෙන්නකෝන්
ආණ්ඩුව එක්ක එකට වැඩකරන්න සුමන්තිරන්ලා සූදානමින්
දශක ගණනාවකට පසු ස්පාඤ්ඤයේ දරුණුතම ගංවතුරෙන් දුසිම් ගනනක් මිය යයි (වීඩියෝ)
ශ්‍රී ලංකාවේ සංවර්ධන අවශ්‍යතා පිළිබඳ සම්පූර්ණ ඇගයීමක් කිරීමට චීනය කටයුතු කරනවා - ශ්‍රී ලංකාවේ චීන තානාපති
බොරු කියපු නිසා හරිනි අග්‍රාමාත්‍ය ධුරයෙන් ඉල්ලා අස්විය යුතුයි - හිටපු ජනපති රනිල් කියයි
"The Island" පුවත් පතේ ලින් ඔකර්ස් දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන්නෙක්දැයි සැකයි - ශ්‍රී ලංකාවේ රුසියානු තානාපති කාර්යාලය
කියුබාවට අත නොතබනු!එක්සත් ජාතීන්ගේ සංවිධානයේදී ලෝක ජනයා ඇමරිකාවට තදින් කියයි
පාස්කු ප්‍රහාර විමර්ශන කමිටු වාර්තාවලින් චෝදනා ලැබූ රවි, ශානි රජයේ ඉහළ තනතුරුවල රඳවා ගැනීම සදාචාරාත්මක ද? - ගෝලීය ශ්‍රී ලාංකික සංසදය ජනපති අනුරගෙන් අසයි
මග පෙන්වන විපක්ෂයක භූමිකාව ඉෂ්ඨ කිරීම වෙනුවෙන් මැතිවරණයට ඉදිරිපත් වෙනවා... තරුණ්‍යයේ හීන මියගිය බිමක එම හීන යථාර්ථයක් කිරීම වෙනුවෙන් කැප වෙනවා - උවිඳු මහනුවරදී කියයි
රන්ජන්ගේ පක්ෂය පුපුරයි! ඇතුළේ ගේම් රැසක් හෙළිවෙයි (වීඩියෝ)
රවි සහ ශානි පාස්කු ප්‍රහාරයේ විමර්ශන සිදු කළ යුතුම යැයි ආණ්ඩුව කියන්නේ ඊබ්‍රහීම්ව බේරගන්න... තමන්ගේ සගයන් බේරාගන්න ආණ්ඩුව රටේ නීතියේ ආධිපත්‍ය කුඩුපට්ටම් කරන්න සැරසෙනවා - ගම්මන්පිලගෙන් ආණ්ඩුවට දැඩි ප්‍රහාරයක් (වීඩියෝ)