පසුගිය මහ මැතිවරණයෙන් මාක්ස්වාදීන්ට නැඹුරු ජාතික ජන බලවේගය ජයග්‍රහණය කිරීමට ජනවාර්ගික සුළුතර දෙමළ ජනතාව ‘නිවැරදි තීරණයක්’ ගෙන ඇති බව ශ්‍රී ලංකාවේ චීන තානාපති Qi Zhenhong උතුරු පළාතේ සංචාරයක නිරත වෙමින් කියා සිටියේය.

දකුණු ඉන්දියාවේ තමිල්නාඩු ප්‍රාන්තයට ආසන්නතම ශ්‍රී ලංකා භූමිය වන උතුරු පළාත හින්දු ආගම, දෙමළ භාෂාව සහ සංස්කෘතිය හේතුවෙන් ඉන්දියාවට වඩාත් සමීප වී ඇත.

ඉතිහාසය දෙස බැලීමේදී උතුරේ දෙමළ ජනතාව තමන්ගේම වාර්ගික සුළු ජාතික නායකයන්ට ඡන්දය දී ඇතත්, ඔවුන් ප්‍රධාන වශයෙන් මෙවර ඡන්දය දුන්නේ ආණ්ඩු පක්ෂයටය.

ජාතික ජන බලවේගය ඡන්ද අඩු ප්‍රමාණයක් ලබා ගත්තද, ඔවුන් උතුරු පළාතේ ආසන12න් 5ක් දිනා ගත්තේ බහුතර සිංහලයන්ගේ සහාය ඇති ප්‍රධාන දේශපාලන පක්ෂයකට පෙර නොවූ විරූ ජයග්‍රහණයක් ලබා ගනිමිනි.

තානාපති Zhenhong ගේ සංචාරය මැතිවරණයෙන් දින හතරකට පසුව සිදු විය.

“දෙමළ ප්‍රජාව නිවැරදි තීරණයක් ගෙන ඇති බව මම විශ්වාස කරනවා,යාපනය දිස්ත්‍රික්කයේ පවා අපට මුලින්ම පෙනෙන්නේ ජාතික ජන බලවේගය. දෙමළ ප්‍රජාව තම සම්ප්‍රදායන් අභිබවා ගොස් අනාගතය දෙස බැලීමේදී විශාල චිත්‍රයක් වැළඳගෙන ඇති බව මෙයින් පෙන්නුම් කරනවා ” යැයි Zhenhong එහිදී වාර්තාකරුවන්ට පැවසීය.

“අපි අලුත් වෙනසක් දකිනවා. රටේ සියලුම ජන කොටස්, සියලුම ජනවර්ග සහ සියලුම ආගම් දැන් සහයෝගයෙන් කටයුතු කරන බව එයින් පෙන්නුම් කරන්නේ. එය රටේ යහපත් අනාගතයක් සඳහා හේතුවන බව මම විශ්වාස කරනවා. මා පේදුරුතුඩුවට ගිය අවස්ථාවේ එහි ලියා ඇති ‘විවිධත්වයේ ඒකීයත්වය ශ්‍රී ලංකාවේ ශක්තිය’ යන සටන් පාඨය මාගේ සිත් ගත්තා. මම හිතන්නේ මෙය ඉතා නිවැරදියි, මම හිතන්නේ මෙතන තමයි බලාපොරොත්තුව තියෙන්නේ. එමෙන්ම මෙම මෑත කාලීන මහ මැතිවරණයෙන් මෙම සටන් පාඨය මනාව පිළිබිඹු වුණා” යනුවෙන් ඔහු පැවසීය.

විදේශ ප්‍රතිපත්ති විශ්ලේෂකයන් පැවසුවේ විදේශීය රාජ්‍ය තාන්ත්‍රිකයන් සාමාන්‍යයෙන් දේශීය දේශපාලනය පිළිබඳ සෘජුව අදහස් ප්‍රකාශ නොකරන නමුත් විදේශීය රාජ්‍ය තාන්ත්‍රිකයන්ගේ දේශපාලන ඇඟිලි ගැසීම් පසුගිය කාලයේ සිදු වූ බවයි.

2020 පාර්ලිමේන්තු මැතිවරණයෙන් ආසන හයක් දිනාගත් උතුරේ ප්‍රධාන සුළුතර පක්ෂය වන ඉලංකෙයි තමිල් අරසු කච්චි (ITAK) මෙවර එම පළාතෙන් දිනා ගත්තේ ආසන දෙකක් පමණි.

පසුගිය රජයේ ඇමැතිවරුන් පවසා ඇත්තේ ආරක්‍ෂාව පිළිබඳ කරුණු දක්වමින් උතුරේ චීන ආයෝජන සහ ක්‍රියාකාරකම් වැඩි කිරීම පිළිබඳ ඉන්දියාව කණස්සල්ල පළ කර ඇති බවයි.

“අද මම මෙතන ඉන්නේ විශේෂ අරමුණක් නැතිව. අද අපි මෙහි පැමිණ සිටින්නේ මෑතක සිට උතුරේ ජන ජීවිතය කෙබඳු දැයි බැලීමටයි, විශේෂයෙන් උතුරු පළාතේ සිටින අපගේ සහෝදර සහෝදරියන්ගේ ජීවිත දැකීමටයි,” යනුවෙන් තානාපතිවරයා පැවසීය.

“ඉතිහාසයේ ප්‍රථම වතාවට මැතිවරණය ජයග්‍රහණය කිරීම සඳහා යාපනය ප්‍රථම වතාවට දකුණේ පක්ෂයක් වන ජාතික ජන බලවේගයට සහාය දුන්නේ මේ වසරේ. මේ සියල්ලෙන් පෙන්නුම් කරන්නේ යාපනය සහ මුළු උතුරු පළාතම වෙනස්කම් කරමින් සිටින බව සහ මේ සියල්ල අපගේ සංචාරය වඩාත් අර්ථවත් කරන බව,” යඊ ද ඔහු පැවසීය.

චීනය උතුරේ මුහුදු කූඩැල්ලන් වගාවක් සඳහා ආයෝජනය කර ඇති අතර එම නිෂ්පාදන සඳහා අපනයන වෙළෙඳපොළක් ද සහතික කර තිබේ.

ඉන්දීය ධීවරයන් විසින් බොටම් ට්‍රෝල් කිරීම නිසා උතුරු මුහුදේ මසුන් ඇල්ලීම දුර්වල වීම මත උතුරේ ඇතැම් ධීවරයන් ක්‍රමයෙන් මුහුදු කූඩැල්ලන් වගාවට යොමු වී ඇත.

උතුරේ ජනතාව සඳහා වියළි සලාක, නිවාස ඒකක සහ ධීවර දැල් ලබාදීමේ ක්‍රියාවලිය සඳහා ද චීනය සහාය වෙයි.

යාපනය විශ්වවිද්‍යාලයේ උපාධි අපේක්ෂකයන් සඳහා ශිෂ්‍යත්ව වැඩසටහනක්ද තානාපති කාර්යාලය විසින් ආරම්භ කර ඇත.

ආරක්ෂක තර්ජන සම්බන්ධයෙන් ඉන්දියාව පැමිණිලි කිරීමෙන් පසු නිසි ටෙන්ඩර් ක්‍රියාවලියක් හරහා චීන සමාගමක් විසින් දිනාගත් පුනර්ජනනීය බලශක්ති ව්‍යාපෘතියක් අවලංගු කිරීමට ශ්‍රී ලංකා රජයට සිදු වූ බව ශ්‍රී ලංකා විදේශ අමාත්‍යාංශයේ නිලධාරීන් පවසා තිබේ.

ඉන්දියාව සහ අමෙරිකාව විසින් මතු කරන ලද ආරක්‍ෂාව පිළිබඳ කරුණු සළකා බැලීමෙන් පසු පර්යේෂණ කටයුතු සඳහා ශ්‍රී ලංකාවට පැමිණෙන චීන යාත්‍රා පසුගිය රජය විසින් තහනම් කරන ලදී.

කෙසේවෙතත්, එම වසරක තාවකාලික තහනම ලබන මාසයේ අවසන් වේ.

අනුර කුමාර දිසානායක ජනාධිපතිවරයා යටතේ ශ්‍රී ලංකාවේ නව රජය නොවැම්බර් 14 මහ මැතිවරණයෙන් පසු පර්යේෂණ නෞකාව තීරණය කරන බව පවසා තිබිණි.

මූලාශ්‍ර - ceylonwire