වෙළෙඳ අසමතුලිතතාවයන් විසඳීමට අමෙරිකා එක්සත් ජනපදය සමඟ ආර්ථික සබඳතා දැඩි කිරීමට ශ්‍රී ලංකා රජය දැඩි කැපවීමෙන් කටයුතු කරනවා- මුදල් අමාත්‍යාංශය නිවේදනයක් නිකුත් කරමින් පවසයි
ශ්‍රී ලංකාවේ වාර්ෂික අපනයනයෙන් ඩොලර් බිලියන 3 ක ප්‍රමානයකට දායකත්වය දක්වන ඇමරිකා එක්සත් ජනපදය විසින් පනවා ඇති 44% ක වෙළඳ තීරුබදු පිළිබඳව රට තුළ මතුව තිබෙන කනස්සල්ලට ප්‍රතිචාර වශයෙන්, එක්සත් ජනපදය සමඟ ආර්ථික සබඳතා ශක්තිමත් කිරීම සඳහා ශ්‍රී ලංකා රජය සිය දැඩි කැපවීමක කරන බව ඊයේ(04) තහවුරු කළේය.
මුදල් අමාත්‍යාංශය විසින් නිවේදනයක් නිකුත් කරමින් රජය මෙලෙස සිය ස්ථාවරය පැහැදිළි කළේය.
රජය වෙළඳ අසමතුලිතතාවයන් විසඳීමට එක්සත් ජනපද පරිපාලනය දරන උත්සාහයන් පිළිගත් අතර වෙනස්වන ගෝලීය භූ වෙළඳ තත්වයන් හඳුනා ගෙන ඇති බව නිවේදනය කළේය. ශ්‍රී ලංකාවේ අපනයන මත පදනම් වූ ප්‍රකෘතිමත් වීම කෙරෙහි තීරුබදු වල විභව බලපෑම පිළිබඳව කනස්සල්ල පළ කරන අතරම, අන්‍යෝන්‍ය වශයෙන් වාසිදායක සහ සාධාරණ ආකාරයකින් වෙළඳ සබඳතා කළමනාකරණය කිරීම සඳහා එක්සත් ජනපද නිලධාරීන් සමඟ ඵලදායී සංවාදයක යෙදීමට රජය සූදානමින් සිටින බවද නිවේදනය ප්‍රකාශ කළේය.
“වෙළඳාම සහ ආයෝජනයට බාධා කරන තීරුබදු සහ තීරුබදු නොවන බාධක දෙකම අඩු කිරීමට ශ්‍රී ලංකාව තවමත් කැපවී සිටිනවා.” ප්‍රකාශයේ සඳහන් විය. “නව්‍යකරණය ප්‍රවර්ධනය කරන, වාණිජ හවුල්කාරිත්වයන් දිරිමත් කරන සහ දෙරටටම අවස්ථා විවෘත කරන පරිසරයක් පෝෂණය කිරීම අපගේ අරමුණයි.” යනුවෙන් මුදල් අමාත්‍යාංශය නිකුත් කළ නිවෙදනය මගින් අවධරණය කළේය.
ශ්‍රී ලංකාවේ ආර්ථික ප්‍රතිසාධන ප්‍රයත්නවල පුළුල් සන්දර්භය ද අදාළ නිවේදනය මගින් රජය විසින් ඉස්මතු කරන ලදී. 2023 මාර්තු මාසයේදී IMF විස්තීර්ණ අරමුදල් පහසුකමට (EFF) එක්වූ දා සිට, රට සැලකිය යුතු ප්‍රගතියක් ලබා ඇති අතර, වැඩසටහනේ තුන්වන සමාලෝචනය සම්පූර්ණ කර ශ්‍රි ලංකාවේ ආර්ථිකය ස්ථාවර කර ඇත. 2024 සඳහා ආර්ථික වර්ධන වේගය 5% ක් ලෙසද පුරෝකථනය කර ඇත.
විශේෂයෙන් බාහිර ණය ප්‍රතිව්‍යුහගත කිරීමේදී එක්සත් ජනපදයේ අඛණ්ඩ සහයෝගය සඳහා මුදල් අමාත්‍යාංශය සිය නිවේදනය මගින් ස්තූති කර තිබේ. “එක්සත් ජනපදය දිගුකාලීන මිතුරෙකු සහ විශ්වාසදායක වෙළඳ හවුල්කරුවෙකු වී ඇත. එහි සහයෝගය අපගේ ආර්ථිකය ප්‍රකෘතිමත් වීමට උපකාරී වී ඇත.” මුදල අමාත්‍යාංශයේ නිවේදනය වැඩිදුරටත් පවසයි.
ගෝලීය ඉල්ලුම මන්දගාමී වීමේ සලකුණු පෙන්නුම් කරන මේ අවස්ථාවේදී, තවදුරටත් වෙළඳ සීමාවන් පැනවීම ශ්‍රී ලංකාවේ ආර්ථිකය ප්‍රකෘතිමත් වීම නතර කළ හැකි බවට මුදල් අමාත්‍යාංශයේ නිවේදනය මගින් කනස්සල්ල පළ කළේය.
තවද, අවදානම් අවම කිරීම සහ ද්විපාර්ශ්වික වෙළඳාම වර්ධනයේ සහ සමෘද්ධියේ ධාවකයක් ලෙස පවතින බව සහතික කිරීම සඳහා එක්සත් ජනපදය සමඟ ඉක්මනින් සම්බන්ධ වීමේ වැදගත්කම රජය අවධාරණය කළේය.
සම්බන්ධිත පුවත් | Related News
ප්‍රධාන පුවත්
සතොස සභාපතිට සහ සමාගම් දෙකකට බරපතළ දූෂණ චෝදනා - බෙල්ලටම හිරවෙයි
ආරක්ෂක අවබෝධතා ගිවිසුම රහසිගතව සඟවා ඇත! මහජනතාවට එහි ඇත්තේ කුමක්දැයි දැනගැනීමේ අයිතියක් ඇත!- ජිහාන් හමීඩ්
ඉන්දියා – ශ්‍රී ලංකා ආරක්ෂක හවුල්කාරිත්වය ඔස්සේ ශ්‍රී ලංකාවේ ආරක්ෂාව සම්බන්ධයෙන් අමිල මෙහෙවරක් සිදු කරනවා- ආරක්ෂක ලේකම් සම්පත් තුයියකොන්ත
වැඩබලන පොලිස්පතිවරයා බිංගිරිය පොලිස් ස්ථානධිපතිවරයා ස්ථාන මාරුකර ඇත්තේ නීතියට පටහැනිවයි- පොලිස් කොමිසම දැනුම් දෙයි
වෙළෙඳ අසමතුලිතතාවයන් විසඳීමට අමෙරිකා එක්සත් ජනපදය සමඟ ආර්ථික සබඳතා දැඩි කිරීමට ශ්‍රී ලංකා රජය දැඩි කැපවීමෙන් කටයුතු කරනවා- මුදල් අමාත්‍යාංශය නිවේදනයක් නිකුත් කරමින් පවසයි
ඉන්දු ලංකා ගිවිසුමෙන් උපන් 13 වැනි සංශෝධන මර උගුලේ සුලමුල මෙන්න..(වීඩියෝ)
මෝදි වෙනුවෙන් අද(04) රාත්‍රියේ සිට ඉරිදා(06) දක්වා කොළඹ සහ අනුරාධපුරයේ මාර්ග කිහිපයක් වසා දැමේ
අමෙරිකාව පැනවූ තීරු බද්ද අපට "ෂොක් " එකක්- අමාත්‍ය සුනිල් හඳුන්නෙත්ති
මේ සිදුවෙමින් පවතින්නේ ඓතිහාසික පාවාදීමක් ද? - ජිහාන් හමීඩ්
කොටස් වෙළෙඳ පොළ පැයක් ඇතුලත 2.41%කින් කඩා වැටිලා
අමෙරිකා එක්සත් ජනපදයේ නව තීරු බදු ඉහළ නැංවීම ශ්‍රී ලංකාවේ ආර්ථික ස්ථාවරයට දැඩි බලපෑමක් එල්ල කරනවා- ශ්‍රී ලංකා වාණිජ මණ්ඩලය
අමෙරිකා එක්සත් ජනපදයේ නව තීරු බදු ඉහළ නැංවීම ශ්‍රී ලංකාවේ ආර්ථික ස්ථාවරයට දැඩි බලපෑමක් එල්ල කරනවා- ශ්‍රී ලංකා වාණිජ මණ්ඩලය
ඉන්දියාව සමග ආරක්ෂක ගිවිසුමක්... පලස්තීන ජනතාවට අද සිදුවන දේ අනාගතයේ අපිට? - වෛද්‍ය වසන්ත බණ්ඩාර (වීඩියෝ)
ඉන්දීය අග්‍රාමාත්‍ය නරේන්ද්‍ර මෝදි අද දිවයිනට
රටේ ස්වෛරීභාවය සහ ජාතික ආරක්ෂාව මෙන්ම භූ දේශපාලන ස්වාධීනත්වය අනතුරට ලක්කිරීමේ බරපතළ දේශපාලන වරද පිළිබඳව ජාතික සංවිධාන ජනාධිපතිට ලියයි
ආරක්ෂක හමුදා ප්රධානීන්ට එරෙහිව බ්‍රිතාන්‍ය රජය විසින් සම්බාධක පැනවීම පිළිබඳව නිසි පිළිතුරු ලබා නොදීමේ වරද සහ අවසන් අරමුණ කුමක්දැයි තේරුම් නොගැනීමේ වරද පිළිබඳව... ඇමති විජිතට ජාතික සංවිධාන ලියයි