එක්සත් ජනපද උප ජනාධිපති ‘ශිෂ්ටාචාරමය සියදිවි නසාගැනීම්’ සම්බන්ධයෙන් යුරෝපා සංගමයට අනතුරු අඟවයි

Mar 15, 2025 at 06:17 PM

|

Lanka Leader

ළිහිල් දේශසීමා පාලන ප්‍රතිපත්ති සහ නිදහස් භාෂණයට ඇති සීමාවන් හේතුවෙන් බොහෝ යුරෝපීය රටවල් “ශිෂ්ටාචාරමය සියදිවි නසාගැනීමේ” අද්දරට පැමිණිය හැකි බවට එක්සත් ජනපද උප ජනාධිපති ජේ.ඩී. වාන්ස් අනතුරු ඇඟවීය. එම අනතුරු ඇඟවීම පසුගිය මාසයේ මියුනිච් ආරක්ෂක සමුළුවේදී ඔහු කළ ප්‍රකාශය නැත ප්‍රතිරාවය නැංවීමක් බව දේශපාලන විෂ්ලේශකයෝ පවසති.

ඊයේ(14) ප්‍රකාශයට පත් කරන ලද ෆොක්ස් නිවුස් ප්‍රවෘත්ති නාලිකාව සමඟ සම්මුඛ සාකච්ඡාවකට එක් වෙමින්, වාන්ස් එක්සත් ජනපදය සහ යුරෝපය අතර ගැඹුරු සංස්කෘතික හා ආගමික සබඳතා ඉස්මතු කරමින් කරුණු දැක්වූ ඔහු යුරෝපා මහාද්වීපය “බටහිර ශිෂ්ටාචාරයේ තොටිල්ල” ලෙස සඳහන් කළ අතර, යුරෝපා මහාද්වීපය දැන් විශාල අවදානමක පවතින බවට ඔහු කරුණු ගෙන හැර පෑවේය.

“ඇමරිකා එක්සත් ජනපදය පිහිටුවීමට හේතු වූ ක්‍රිස්තියානි ශිෂ්ටාචාරය පිළිබඳ සමස්ත අදහසම යුරෝපයේ නිර්මාණය වූවා. සංස්කෘතික බැඳීම්, ආගමික බැඳීම් වැනි දෑ දේශපාලන එකඟ නොවීම්වලින් ඔබ්බට පවතිනු ඇත.” වාන්ස් පැවසීය.

නීතිවිරෝධී සංක්‍රමණ වැනි ගැටළු සම්බන්ධයෙන් පුරවැසියන් විරෝධතා දක්වන විට නිදහස් භාෂනයට සීමා දැමීමට ගන්නා උත්සාහයන් සමඟ ඒකාබද්ධව දේශසීමා පාලනය කිරීමට ඇති අකමැත්ත හෝ නොහැකියාව බරපතල ප්‍රතිවිපාක ඇති කළ හැකි බවට වාන්ස් අනතුරු ඇඟවීය.

“ [එක්සත් ජනපද ජනාධිපති] ඩොනල්ඩ් ට්‍රම්ප් සහ යුරෝපීය නායකයින් ගණනාවක් තේරී පත් වූ දේශසීමා ආක්‍රමණය වැනි මාතෘකා පාදක කරගෙන වුවද ඔවුන්ට ඔවුන්ගේ දේශසීමා පාලනය කිරීමට නොහැකි හෝ අකමැති - බොහෝ රටවල් .. එම පුරවැසියන් ඔවුන්ට එරෙහිව  විරෝධතා දක්වන විට, ඔවුන් තමන්ගේම පුරවැසියන්ගේ අදහස් දැක්වීමේ නිදහසට සීමා පැනවීමට පටන් ගන්නා බව ඔබට නිරීක්ෂනය කළ හැකියි.” උප ජනාධිපතිවරයා පැහැදිලි කළේ යුරෝපීය රටවල් මෙම ගැටළු විසඳීමට පටන් ගනු ඇතැයි බලාපොරොත්තුව පළ කරමිනි.

ඔහුගේ ස්ථාවරය එක්සත් ජනපදය සහ එහි යුරෝපීය හවුල්කරුවන් අතර සබඳතා පළුදු කළ හැකි බවට එල්ල වන විවේචනවලට ප්‍රතිචාර දක්වමින්, මිත්‍ර පාක්ෂිකයින් අතර අවංක සාකච්ඡා අත්‍යවශ්‍ය බව වාන්ස් තර්ක කළේය.

“ඔබට ජර්මනිය වැනි රටක් සැලකිල්ලට ගත හැකි නම්, ඔබට ජර්මනිය සමඟ සංස්කෘතික වශයෙන් නොගැලපෙන රටවලින් තවත් මිලියන කිහිපයක් සංක්‍රමණිකයන් පැමිණෙන්නේ නම්, යුරෝපය ගැන මා සිතන දේ වැදගත් නොවේ,” ඔහු පැවසීය.

යුරෝපා සංගමය තුළ පාලනය නොකළ සංක්‍රමණ එක්සත් ජනපදයට ප්‍රතිවිපාක ඇති කළ හැකි බව වාන්ස් තවදුරටත් පැවසීය. මන්ද සමහර පුද්ගලයින් අවසානයේ ඇමරිකාවට ඇතුළු වීමට උත්සාහ කළ හැකි යැයි ඔහු අවධාරණය කළේය.

“යුරෝපය සමෘද්ධිමත් වීම දකින්නට මට අවශ්‍යයි. ඔවුන් අමෙරිකාවේ වැදගත් සගයෙකු වීම දැකීමට මට අවශ්‍යයි. එලෙස නවගමනක එක් කොටසක් වනුයේ යුරෝපය තමන්ගේම ජනතාවට ගරු කිරීම, තමන්ගේම ස්වෛරීභාවයට ගරු කිරීමයි. තේරුම්ගත යුතු කාරණය නම් ඇමරිකාවට ඔවුන් වෙනුවෙන් එම කාර්යය කළ නොහැකි වීමයි.” ඔහු පැවසීය.

පෙබරවාරි මාසයේදී, මියුනිච් ආරක්ෂක සමුළුවේදී වාන්ස් ආන්දෝලනාත්මක දේශනයක් පැවැත්වූ අතර, යුරෝපීය නායකයින් තමන්ගේම ඡන්දදායකයින්ට බිය වීම සහ ප්‍රජාතන්ත්‍රවාදී වටිනාකම් ආරක්ෂා කිරීමට අපොහොසත් වීම සහ "වැරදි තොරතුරු" වලට එරෙහිව සටන් කිරීමේ මුවාවෙන් විරුද්ධ හඬවල් වාරණය කිරීම සම්බන්ධයෙන් විවේචනය කළේය.

"යුරෝපයට සාපේක්ෂව මම වැඩිපුරම කනස්සල්ලට පත්වන තර්ජනය රුසියාව නොවේ, එය චීනය නොවේ, එය වෙනත් කිසිදු බාහිර නළුවෙකුද නොවේ... මම කනස්සල්ලට පත්වන්නේ ඇතුළතින් එන තර්ජනය සම්බන්ධවයි." වාන්ස් පැවසූ අතර පසුව ට්‍රම්ප් පවසා සිටියේ වාන්ස් "ඉතා දක්ෂ" කරුණු දැක්වූ කතාවක් බවයි.

Vance warns EU of ‘civilizational suicide’