පාර්ලිමේන්තු මන්ත්‍රීන් නිලන්ති කොට්ටචි මහත්මිය සම්බන්ධයෙන් එල්ල වන චෝදනා පෞද්ගලික ගැටළු බව කෘෂිකර්ම ඇමති කේ.ඩී. ලාල් කාන්ත මහතා සඳහන් කරයි.

ජාතික තරුණ සේවා සභාව සංවිධානය කළ ‘ස්මාර්ට් යූත්’ නමැති සංගීත සංදර්ශන මාලාවක් වෙනුවෙන් රු.323,393,249ක මුදලක් වැයකර ඇතැයි අනාවරණය වේ.

ජීවන වියදම ඉහළයෑම, රැකියා අවස්ථා හිඟවීම සමඟ රට තුළ පවති ආර්ථික අර්බුදය බොහෝ කාන්තාවන්ට ආර්ථිකමය වශයෙන් අනපේක්ෂිත ගැටළු සඳහා මුහුණපෑමට සිදුව තිබේ.

පාර්ලිමේන්තුවේ ඉහළ තනතුරුවලට නිලධාරීන් බාහිරෙන් බඳවා ගැනීමට සාකච්ඡා ආරම්භ වීමෙන් ඊට පාර්ලිමේන්තු සේවකයන්ගේ දැඩි විරෝධය මතුව ඇතැයි එහි ආරංචි මාර්ග සඳහන් කළේය.

පාරිභෝගික කටයුතු අධිකාරිය විසින් ඉකුත් ඔක්තෝම්බර් මාසයේ සිට නිතිපතා කරන ලද විමර්ශනවලදී සහල් මෝල් හිමිකරුවන් සතුව සැඟවුණු තොග ඇති බව සොයාගැනීමට නොහැකි වූ බව එහි වැඩබලන අධ්‍යක්ෂ ජනරාල් තිලකරත්න බණ්ඩාර පවසයි.

චීනයේ ව්‍යාප්ත වන බව කියන නව වෛරසයක් පිළිබඳව ශ්‍රී ලංකාවේ ජනමධ්‍ය ඔස්සේ විශාල ප්‍රචාරයක් සිදුකෙරෙමින් පවතී. සෞඛ්‍ය අමාත්‍යංශයද මේ සම්බන්ධයෙන් දැඩි අවධානයෙන් පසුවන බව පවසා ඇත.

සභාපතිවරයාගේ කට වචනයෙන් සිදු කරන අනීතික නියෝග ක‍්‍රියාත්මක නොකිරීම හේතුවෙන් තම ධුරයෙන් ඉවත් වන ලෙස ඔහු විසින් බලපෑම් සිදු කළ බව, ශ‍්‍රී ලංකා රක්ෂණ සංස්ථාවේ මානව සම්පත් නියෝජ්‍ය සාමාන්‍යාධිකාරී තිළිණ හිරිපිටිය විසින් මුදල්, ක‍්‍රම සම්පාදන සහ ආර්ථික සංවර්ධන අමාත්‍යාංශ ලේකම්වරයා වෙත පැමිණිල්ලක් සිදු කොට තිබේ. පසුගිය දෙසැම්බර් 22 වැනි දින මේ පැමිණිල්ල ලිඛිතව අමාත්‍යාංශ ලේකම්වරයා වෙත යොමු කර ඇති අතර, එහි පිටපත් ජනාධිපති ලේකම්, ශ‍්‍රී ලංකා මානව හිමිකම් කොමිසමේ සභාපති, කම්කරු කොමසාරිස් ජෙනරාල්, රාජ්‍ය ව්‍යාපාර දෙපාර්තමේන්තුවේ අධ්‍යක්ෂ ජෙනරාල්, ශ‍්‍රී ලංකා රක්ෂණ සංස්ථාවේ සභාපති සහ ප‍්‍රධාන විධායක නිලධාරී යන නිලයන් වෙත ද යොමු කර තිබේ.

සහල්වල උපරිම සිල්ලර මිල ඉවත් කරනවාද නැද්ද යන්න තීරණය කරන්නේ සහල් ආනයනයට පසුව බව පාරිභෝගික කටයුතු අධිකාරිය පවසයි

ඉන්ධන ලීටරයකින් රුපියල් 162 කොමිස් මුදලක් හිටපු අමාත්‍යවරයෙකුගේ සාක්කුවට යන බවක් ජනාධිපතිවරයා හෝ තම ආණ්ඩුවේ කිසිවෙකු පෙර කියා නැතැයි වෙළඳ, වාණිජ, ආහාර, සුරක්ෂිතතා හා සමූපකාර අමාත්‍ය වසන්ත සමරසිංහ මහතා සඳහන් කරයි.