ව්‍යාපාරික දිනේෂ් ෂාෆ්ටර් මහතා ගේ මරණයට හේතු සෙවීම සඳහා අධිකරණය මඟින් පත් කළ විශේෂඥ පංච පුද්ගල වෛද්‍ය කමිටුවේ වාර්තාව ඊයේ (31) කොළඹ අතිරේක මහේස්ත්‍රාත් රජින්ද්‍රා ජයසූරිය මහත්මිය වෙත බාර දී තිබේ.

උතුරේ සිංහල ජනතාව තම අයිතිවාසිකම් වෙනුවෙන් අද වව්නියාවේ දිස්ත්‍රික්කය ලේකම් කාර්යාලය ඉදිරි පිට විරෝධතා ව්‍යාපාරයක් සවිධානය කර තිබිණි.

විදුලි බිල වැඩි කිරීමට එරෙහිව අද උදේ දිවුලපිටියෙන් ආරම්භ කළ පා ගමන අතරතුරදී ඊට නායකත්වය දුන් විදුලිය පාවිච්චි කරන්නන්ගේ සංගමයේ ලේකම් සංජීව ධම්මික ඇතුළු ගරුතර ස්වාමීන් වහන්සේ නමක් පොලීසිය විසින් අත් අඩංගුවට ගෙන පා ගමන විසුරුවා හැර ඇති බව වාර්තා වේ.

විදුලිය පාවිච්චි කරන්නන්ගේ සංගමය ඇතුළු සංවිධාන කිහිපයක් එක්ව සංවිධානය කළ අනීතික විදුලි බිලට එරෙහි පා ගමන දිවුලපිටිය නගරයේදී පැවැත්වෙන අතර, මේ වන විට දිවුලපිටිය නගරය හා අවට දැඩි පොලිස් රැකවල් යොදා ඇති බව ද වාර්තා වේ.

ශ්‍රීලන්කන් ගුවන් සේවය ප්‍රතිව්‍යුහගත කිරීම සඳහා ටෙන්ඩර් කැඳවා ඇති බව වාර්තා වේ.

දැනට ක්‍රියාත්මක වන එකතු කළ අගය මත බදු (වැට්) අනුපාතය ලබන වසරේ (2024) ජනවාරි 01 දින සිට සියයට 18 දක්වා වැඩි කිරීමට අමාත්‍ය මණ්ඩලය තීරණය කර ඇති බව වාර්තා වේ.

ඉන්දීය මුදල් අමාත්‍ය නිර්මලා සීතාරාමන් මහත්මිය නිල සංචාරයක් සඳහා අද (01) දිවයිනට පැමිණීමට නියමිතව ඇති බව වාර්තා වේ.

චීනයේ හුනාන් ප්‍රාන්තයේ පසුගිය ඔක්තෝම්බර් 29 හා 30 දිනවල පැවැති දෙවැනි ගෝලීය ආර්ථික සංවර්ධනය හා ආරක්ෂක සංසදයේ, (2nd Global Economic Development and Security Forum) සමුළුව, ශ්‍රීලංකා පාර්ලිමේන්තුවේ ආරක්ෂාව පිළිබඳ ආංශික අධීක්ෂණ කාරක සභාවේ සභාපති, හිටපු අමාත්‍ය පාර්ලිමේන්තු මන්ත්‍රී රියර් අද්මිරාල් (විශ්‍රාමික) ආචාර්ය සරත් වීරසේකර මහතා අමතනු ලැබීය.

රටේ යුද්ධයක් නොමැති අවස්ථාවක, සාමකාමී පසුබිමක් තුළ තම ගම්මානයට පිටස්තර ඥාතීන්ට හිතවතුන්ට මෙන්ම පරිත්‍යාගශීලින්ට දින කිහිපයක සිට පැමිණීමට නොහැකි වන පරිදි ශ්‍රී ලංකා යුද හමුදාව මගින් මාර්ග බාධක යොදා තිබීම හේතුවෙන් තමන් දැඩි අසීරුතාවට පත්ව සිටින බව පොලොන්නරුව මඩකළපුව මායිම්ව හේන් වගාවේ නිරතව ජීවත්වන දිඹුලාගල දිවුලපතාන ගම්වාසීහු චෝදනා කරති.