ජාතික ජන බලවේග පාලනයක් යටතේ මෙරට ණය අර්බුදය විසඳීම සඳහා ජාත්‍යන්තර මුල්‍ය අරමුදල සමග සාකච්ඡා කරන බව එම පක්ෂයේ පාර්ලිමේන්තු මන්ත්‍රී විජිත හේරත් මහතා සඳහන් කරයි.

ශ්‍රී ලංකාව ඇතුළු විවිධ රටවල සිය බල විහිදීමේ හැකියාවන් ඉහළ නැංවීමට සහ ජාතික අවශ්‍යතා ආරක්ෂා කර ගැනීමේ ප්‍රයත්නයෙන් හමුදා පහසුකම් පිහිටුවීමේ හැකියාව චීනය විසින් ගවේෂණය කරමින් සිටින බව එක්සත් ජනපද බුද්ධි ප්‍රජාවේ නවතම වාර්තාවක් අනාවරණ කරයි.

ණය ලබාගෙන පැහැර හැරි පුද්ගලයන්ගෙන් දේපොළ අත්පත් කර කරගෙන වෙන්දේසි කිරීමට මූල්‍ය ආයතන වලට බලය ලැබුණු පරාටේ නීතිය තාවකාලිකව අත්හිටුවීම සම්බන්ධයෙන්වූ පනත් කෙටුම්පත පිළිබඳ ගැසට් නිවේදනය නිකුත් කරනු ලැබ ඇත.

අද (14) දිනයේ සිට දුම්රිය ආසන වෙන්කිරීම සම්පුර්ණයෙන්ම මාර්ගගත ක්‍රමය ඔස්සේ සිදුකළ හැකි බව දුම්රිය දෙපාර්තමේන්තුව සඳහන් කරයි.

කොළඹ සිටින ඉන්දීය මහ කොමසාරිස්වරයා ශ්‍රී ලංකා පොදුජන පෙරමුණේ ජාතික සංවිධායක හිටපු මුදල් ඇමැති බැසිල් රාජපක්ෂ මහතා හමුවී තිබේ.

එට්කා ගිවිසුම මතුපිටින් බැලූ විට හුදු වෙළෙඳ ගිවිසුමක් ලෙස පෙනුනද මෙය භූ දේශපාලනික න්‍යායපත්‍රයක් බව දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

දෙවන පරපුර විසින් සංවිධානය කරනු ලබන 'ඉන්දීය 19 වැනි ආක්‍රමණයත් පරදවමු' යන මැයෙන් කොළඹින් දළදා හාමුදුරුවෝ අභියසට දැවැන්ත රථ පෙළපාලියක් හෙට (මාර්තු 15) දිනයේ පැවැත්වීමට කටයුතු සූදානම්කර තිබේ.

මහ බැංකුවේ අත්තනෝමතික වැටුප් වැඩි කර ගැනීම අවලංගු කිරීම සහ මහ බැංකුවේ සේවක වැටුප් වැඩි කිරීමේ දී මුදල් ඇමැතිවරයාගේ එකඟතාවය ලබාගැනීම අනිවාර්ය කිරීම අරමුණු කරගත් පාර්ලිමේන්තු මන්ත්‍රී උදය ගම්මන්පිල මහතා විසින් ගෙන එනු ලබන පනත් කෙටුම්පත ඊයේ දින (13 දා) පාර්ලිමේන්තුවේ දී පාර්ලිමේන්තුවේ වැඩ බලන මහ ලේකම් හංස අබේරත්න මහතා වෙත භාරදෙන ලදී.

රටේ ආර්ථිකය පිළිබඳ සත්‍ය අවබෝධ කර නොගෙන, බලය ලබා ගැනීම වෙනුවෙන් ලබාදුන් දේශපාලන පොරොන්දු නිසා රටේ ජනතාවට දැඩි පීඩාවකට ලක්වීමට සිදු වූ බව ජනාධිපති රනිල් වික්‍රමසිංහ මහතා පැවසීය.