යුක්තිය මෙහෙයුම මගින් මාසයක් තුළ දී දිවයින පුරා සිදුකළ වැටලීම්වලදී මත්ද්‍රව්‍ය හා අපරාධ වැරදි සම්බන්ධයෙන් 40,590ක් අත්අඩංගුවට ගෙන ඇති බව වාර්තා වේ.

ශ්‍රී ලංකාවේ ඒ්කීය භාවය හා මානව අයිතීන් රැකගැනීම වෙනුවෙන් කැපවී ක්‍රියාත්මක වන ඕස්ට්‍රේලියාවේ සිටින ශ්‍රී ලාංකිකයන්ගෙන් සැදුම්ලත් සංවිධානයක් වන 'ස්පර්' සංවිධානය විසින් හිමාලයා ප්‍රකාශනය හා රනිල් වික්‍රමසිංහ ජනාධිපතිවරයාගේ ප්‍රකාශවල ඇති යටි අරමුණු පිළිබඳව පැහැදිලි කරමින් මාධ්‍ය නිවේදනයක් නිකුත්කර තිබේ.

යාපනයේ අනන්ද ක්‍රිෂ්ණන් නමැති පුද්ගලයා මැලේසියාවේ ප්‍රකට ව්‍යාපාරිකයකු වන අතර, දැනට වසර 40ක් පමණ කාලයක් මැලේසියාවේ ජීවත්වන ඔහුගේ වත්කම් ප්‍රමාණය රුපියල් කෝටි 40,000ක් පමණ වන වන බවයි පැවසෙන්නේ.

ජාතික ජන බලවේගයේ රජයක් යටතේ ගණිකා වෘත්තිය නීති ගතකරන බව එම පක්‍ෂයේ ජාතික විධායක සභික සමන්මලී ගුණසිංහ මහත්මිය පවසයි.

ශ්‍රී ලංකා වරාය අධිකාරිය පවසන්නේ හූති කැරලිකරුවන් රතු මුහුදේ නැව්වලට පහරදීම ආරම්භ කිරීමත් සමග කොළඹ වරාය සංක්‍රමණ ස්ථානයක් ලෙස ​යොදා ගැනීම නිසා තදබදයක් ඇතිවී තිබෙන බවයි.

මධ්‍යම පරිසර අධිකාරිය පවසන්නේ යාපනය, මන්නාරම, කොළඹ හා ගාල්ල ප්‍රදේශ වල වායූ ගුණාත්මකභාවය තවදුරටත් පහළ වැටී ඇති බවයි.

ගාස්තු නොගෙවීම හේතුවෙන් ජල පාරිභෝගිකයින් 80,000කට අධික පිරිසකගේ පසුගිය වසර තුළ ජල සැපයුම විසන්ධි කර ඇති බව ජාතික ජල සම්පාදන හා ජලාපවහන මණ්ඩලය පවසයි.

2015 ජිනීවා මානව හිමිකම් කවුන්සිලය ගෙන ආ ශ්‍රී ලංකාවට එරෙහි 30/1 යෝජනාව අනුව යමින්, 2015 සිට මේ වන විට බෙදුම්වාදී ත්‍රස්තවාදය පැරදවීමේ යුද්ධයට අණ දුන් - නියෝග දුන් හමුදා ප්‍රධානීන් යුද අපරාධකරුවන් කිරීමේ යාන්ත්‍රණය සම්පූර්ණ කිරීමට නීතිමය රාමු හතක් එනම් පනත් හතක් සකස් කර අවසන් බවටත් ජනාධිපති රනිල් වික්‍රමසිංහ මහතා 2024 ජනවාරි පළමුවැනිදා ගැසට් කරනු ලැබූ "ශ්‍රී ලංකාවේ සත්‍ය, සමගිය සහ ප්‍රතිසන්ධානය සඳහා වන කොමිෂන් සභාව' පනත් කෙටුම්පත සම්මත වුවහොත් අදාළ යාන්ත්‍රණය සර්ව සම්පූර්ණ වන බවටත් ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා අනතුරු අඟවයි.

මරණ දඬුවම නියමව රෝහල්ගත කර සිටින දුමින්ද සිල්වා මහතා රෝහල්ගතව සිටින්නේ විශේෂඥ වෛද්‍ය නිර්දේශ මත බව බන්ධනාගාර මාධ්‍ය ප්‍රකාශක බන්ධනාගාර කොමසාරිස් ගාමිණී බී. දිසානායක මහතා පවසා තිබේ.