උද්ධමනය පුරෝකථනය කළ මට්මට වඩා ඉහළ යෑම සඳහා අවදානම් කිහිපයක් හේතු විය හැකි බව මහ බැංකුව පවසයි.

මේජර් ජනරාල් තුවාන් සුරේෂ් සලේ මහතා අත්අඩංගුවට ගැනීම යනු රටේ ජාතික ආරක්ෂාව සහ රාජ්‍යයේ පැවැත්ම බිඳවට්ටමින් දෙමළ ඩයස්පෝරාවේ උවමනාවන් ඉටු කිරීම සඳහා දියත් කර ඇති “දේශපාලන මෙහෙයුමක්” බව ජාතික නිදහස් පෙරමුණේ නායක විමල් වීරවංශ මහතා අද (27) ප්‍රකාශ කළේය. බත්තලමුල්ලේ පිහිටි පක්ෂ මූලස්ථානයේ පැවති මාධ්‍ය හමුවකදී ඒ මහතා මේ බව අවධාරණය කළේය.

ඊයේ (26) දින එක්සත් ජනපදයේ ෆ්ලොරිඩා ප්‍රාන්තයේ ලියාපදිංචි නාවික යාත්‍රාවක සිටි පුද්ගලයින් 10 දෙනෙකු සම්බන්ධ කර ගනිමින් ත්‍රස්තවාදී අරමුණු සඳහා කියුබාව ආක්‍රමණය කිරීමට ගත් උත්සාහය සම්බන්ධයෙන් ප්‍රකාශයක් නිකුත් කරමින් කියුබා ජනරජයේ නියෝජ්‍ය විදේශ අමාත්‍ය කාලෝස් ෆර්නැන්ඩෙස් ද කොසියෝ පවසන්නේ මෙය හුදකලා සිද්ධියක් නොවන බවත්, වසර 60 කට වැඩි කාලයක් කියුබාව ආක්‍රමණශීලීත්වයට සහ ගණන් කළ නොහැකි ත්‍රස්තවාදී ක්‍රියාවලට ගොදුරු වී ඇති අතර, ඒවායින් බොහොමයක් එක්සත් ජනපදය විසින් සංවිධානය කර, අරමුදල් සපයා සහ සිදු කර ඇති බවත් ය.

යුද හමුදාව යාපනයේ ක්‍රියාත්මක කරන කිසිදු ව්‍යාපාර කටයුත්තකට මහ ජනතාවට සහභාගී විය නොහැකි බවට නීතියක් පේදුරුතුඩුව ප්‍රාදේශීය සභාව සම්මත කරගෙන තිබේ.

ප්‍රමිතියෙන් තොර ගල්අඟුරු ප්‍රසම්පාදන ක්‍රියාවලිය සහ එමඟින් රටට සිදුව ඇති පාඩුව පිළිබඳ විමර්ශනයක් සිදුකරන්නැයි ඉල්ලා සිවිල් සංවිධාන නියෝජිතයින් පිරිසක් විසින් අපරාධ පරීක්ෂණ දෙපාර්තමේන්තුවට අද (27) පැමිණිල්ලක් ඉදිරිපත් කළේය.

සිංහල බෞද්ධ ජනතාව ජාතිවාදීන් ලෙස ලේබල් අලවමින්, දෙමළ ඩයස්පෝරාව සතුටු කරමින් වර්තමාන ආණ්ඩුව යන ගමන තුළ මෙතෙක් ජනාධිපතිවරු 8 දෙනෙකු නොකළ දේ සිදුකිරීමේ අනතුර ඇති බවත්, එම අනතුර පෙන්වාදෙමින් ජනාධිපතිවරයාට ජාතික සංවිධාන විසින් පෙත්සමක් ද භාරදීම සිදුකළ බවත් දේශහිතෛශී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ශ්‍රී ලංකන් ගුවන් සමාගමේ ආයතනික විනය කාර්ය පටිපාටිය උල්ලංඝනය කරමින් දූෂිත ඉහළ නිලධාරීන් නිදහස් කර සුළු සේවකයින්ට දඬුවම් ලබාදීමට සැරසෙන බවට හෙළි කරමින් ගුවන් සමාගමේ කර්ය මණ්ඩලය විසින් ජනාධිපති අනුර කුමාර දිසානායක මහතා වෙත ලිපියක් යොමුකර තිබේ.

පාස්කු ප්‍රහාරය පිළිබඳව නැවත වරක් අත්අඩංගුවට ගැනීම් සිදුවෙමින් ඇති පසුබිමක මෙවර සිදුවන ක්‍රියාවලිය සම්බන්ධයෙන් අදහස් දක්වමින් දේශහිතෛශී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසන්නේ පාස්කු ප්‍රහාරය මාසය ලංවන විට මොනවා හෝ සංදර්ශනයක් පෙන්වා කතොලික සභාව සතුටු කිරීම සඳහා පමණක් නොව මෙවර දෙමළ බෙදුම්වාදී ඩයස්පෝරාව පිනවීම සඳහා ද කටයුතු සිදුවෙමින් පවතින බව ය.

ග්‍රාම නිලධාරීවරුන්, තාක්ෂණික නිලධාරීන් සහ ආපදා සහන සේවා නිලධාරීන් අද (27) සිට සියලු‍ ආපදා සහන කටයුතු වලින් ඉවත් වීමට තීරණය කර තිබේ.