සමස්ත ලංකා බිත්තර වෙළෙඳ සංගමය බිත්තරයක මිල අද (12) සිට ඉහළ නැංවීමට තීරණය කර ඇති බව වාර්තා වේ.

ජනාධිපතිවරයා ආණ්ඩු පක්ෂයේ මන්ත්‍රීවරුන් සමග එට්කා ගිවිසුම පිළිබඳව වචනයක් හෝ කතාකර නැති බවත්, එම භයානක ගිවිසුම ඔහු හිතුවක්කාර ලෙස අත්සන් කිරීමට යන බවට පාර්ලිමේන්තු මන්ත්‍රී, අද්මිරාල් සරත් වීරසේකර මහතා චෝදනා කරයි.

මාර්ගගත ක්‍රමවල සුරක්ෂිතභාවය පිළිබඳ පනතේ වගන්ති කිහිපයක් සංශෝධනය කිරීමට නියමිතව ඇති බව වාර්තා වේ.

මීගොඩ ආර්ථික මධ්‍යස්ථානයට අද (12) අලුයම කඩාවැදුණු අවිගත් පුද්ගලයන් දෙදෙනෙකු වෙළෙඳසලක් කොල්ලකා පළාගොස් ඇති බව වාර්තා වේ.

රටෙන් පිටට දෙන ඩොලර් ප්‍රමාණය අඩුකර, එයට සරිලන නිෂ්පාදනය රටේ වැඩිකර ගැනීම ආර්ථික අර්බුදයට ඇති ප්‍රධාන විසඳුමක් බවත්, එයට ඉඩක් නොදෙමින් රනිල් වික්‍රමසිංහ ජනාධිපතිවරයා වැට් බද්ද වැඩිකර දේශීය කර්මාන්ත වසා දමන තැනට වැඩ සිද්ධ කර ඇති බවත් ජානිපෙ නායක පාර්ලිමේන්තු මන්ත්‍රී විමල් වීරවංශ මහතා පවසයි.

මෙරට ජනතාවගේ ජෛවමිතික දත්ත ඉන්දියාවට ලබාගත හැකි ආකාරයට ඉලෙක්ට්‍රොනික හැඳුනුම්පත් ටෙන්ඩරය ඉන්දියානු සමාගමකට ලබාදීමට සූදානම් බව පෙරටුගාමී සමාජවාදී පක්ෂය චෝදනා කරයි.

ප්‍රසම්පාදන ක්‍රියාවලිය යටතේ මාස කීපයකට පෙර ගෙන්වන ලද රුපියල් මිලියන ගණනක් වටිනා ඖෂධ වෛද්‍ය සැපයුම් ඒකකය මගින් භාර නොගැනීම නිසා එම ඖෂධ වරායේ හා ගුවන්තොටුපළේ අනාරක්‍ෂිත ලෙස ගබඩා කර තැබීමෙන් ඖෂධ තොග විනාශවීමේ අවදානමක් පවතින බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානයේ සභාපති වෛද්‍ය චමල් සංජීව මහතා පවසයි.

රේගුව මගහැර වාහන 400කට ආසන්න සංඛ්‍යාවක් ලියාපදිංචි කළ බව කියන මෝටර් රථ ප්‍රවාහන දෙපාර්තමේන්තුවේ කාර්ය මණ්ඩල සාමාජිකයන් පස්දෙනෙකු ඇතුළු පුද්ගලයන් හත්දෙනකුට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව විමර්ශන ආරම්භ කර ඇති බව වාර්තා වේ.

රුසියාව හා ශ්‍රී ලංකාව අතර ද්විපාර්ශ්වික සබඳතාවල වර්තමාන තත්වය සම්බන්ධයෙන් සෑහීමකට පත්වන බවත්, එසේ සෑහීමට පත්ව සිටින බව පෙන්වන හොඳම නිදසුන ඉහළ පෙළේ රුසියානු නියෝජිත පිරිස පසුගියදා ශ්‍රී ලංකාවේ කළ සංචාරය බවත් ශ්‍රී ලංකාවේ රුසියානු තානාපති ලිවාන් දගාරියන් මහතා පවසයි.