සාමාන්‍ය පරිදි හෙට සහ අනිද්දා දිනවල බෙදුම්කරුවන් වෙත ඉන්ධන බෙදා හැරීම් සිදු නොකරන බව ලංකා ඛනිජ තෙල් නීතිගත සංස්ථාව පවසයි.

සැප්තැම්බර් 21 වැනිදාට පෙර ජනාධිපති අනුර කුමාර දිසානායක මහතා සිදුකළ ප්‍රකාශ සහ වර්තමාන ක්‍රියාකලාපය අතර දැඩි පරස්පරතාවයක් පවතින බව හිටපු අමාත්‍ය පාඨලී චම්පික රණවක මහතා පවසයි.

ආණ්ඩුව ගල් අඟුරු මිලදී ගන්න යන Taranjot කියන ඉන්දියානු සමාගම තියෙන්නේ අසාදු ලේඛනයේ ඇත්තේ අසාදු ලේඛනයේ බවත්, මෙම සමාගමේ දේශීය ඒජන්තවරයා වන්නේ ධම්මික පෙරේරා බවත් පෙරටුගාමී සමාජවාදී පක්ෂයේ සභික දුමින්ද නාගමුව මහතා පවසයි.

පසුගිය දා ධුරයෙන් ඉල්ලා අස්වූ අමරිකානු ප්‍රතිත්‍රස්ත ඒකකයේ ප්‍රධානියා මාධ්‍යවේදියකු සමග පැවැත් වූ සම්මුඛ සාකච්ඡාවක දී ඉරානයට එරෙහි යුද්ධය සහ අමෙරිකාවේ පරිපාලනය විවේචනයට ලක්කර තිබේ.

මැදපෙරදිග යුද තත්ත්වය සම්බන්ධයෙන් ආණ්ඩුව ගනුලබන පියවරවල පවතින දුප්පත්කම සහ මෙම යුද තත්ත්වය ඇති වීමටත් පෙර සිට මෙරට බලශක්ති ක්ෂේත්‍රයේ වංචා දුෂණ සහ ආණ්ඩුවේ ගජමිතුරු ව්‍යාපාරිකයන්ගේ අවශ්‍යතා ඉටුකිරීම මෙන්ම රනිල් වික්‍රමසිංහ මහතා ආරම්භ කළ විදුලිබල මණ්ඩලය පෞද්ගලීකරණය කිරීමේ වැඩපිළිවෙල මේ ආණ්ඩුව විසින් ඉදිරියට ගෙනයාම නිසා රටේ අර්බුද ගණනාවක් මේ වන විට මතුව ඇති බව දේශහිතෛෂී ජාතික ව්‍යාපාරයේ මහලේකම් වෛද්‍ය වසන්ත බණ්ඩාර මහතා පවසයි.

අල්ලස් හා දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල්වරයා විසින් තමන් බිය ගන්වා කටඋත්තර ලබා ගත් බව මේ වනවිට රක්ෂිත බන්ධනාගාර ගත කර සිටින ශ්‍රීලන්කන් ගුවන් සමාගමේ හිටපු ප්‍රධාන විධායක නිලධාරී කපිල චන්ද්‍රසේන මහතා පවසයි.

යුද්ධය අවසන්වී වසර ගණනාවක් ගතවුවත් උතුරු පළාතේ ප්‍රදේශවල සිංහල ජනතාවට පදිංචිවීම අහිමිකර ඇති බවත්, එම පළාතේ මහා සංඝරත්නය පෙරටුකරගෙන උතරු පළාත් ආණ්ඩුකාර කාර්යාලයට පැමිණියේ ඒ සම්බන්ධයෙන් ආණ්ඩුකාරවරයාට සංදේශයක් භාරදීමට බවත් සසුන රැකුමට ගෝලීය සිංහල එකමුතුව සංවිධානයේ කෝසල පත්තිනිගේ මහතා පවසයි.

ඉරාන ආරක්ෂක ප්‍රධානී අලි ලරිජානිගේ දියණියක අමෙරිකාවේ එමරි විශ්වවිද්‍යාලයේ දැරූ තනතුරෙන් ඉවත් කර ඇති බව Califoia Post පුවත්පත වාර්තා කර ඇතැයි නිව්යෝර්ක් පෝස්ට් සඳහන් කරයි.

ශ්‍රී ලංකාවේ නීතිය ක්‍රියාත්මක කරන ආයතන විසින් චීන ජාතිකයන් ඇතුළු මාර්ගගත වංචා සම්බන්ධයෙන් විදේශීය සැකකරුවන් ගණනාවක් අත්අඩංගුවට ගත් බවට මෑතකදී පළ වූ වාර්තා චීනය සමීපව නිරීක්ෂණය කරමින් සිටියි.