ලෙබනනයේ හිස්බුල්ලා සංවිධානය පසුගිය පැය 24 තුළ ඊශ්‍රායල හමුදාවට එරෙහිව සටන් මෙහෙයුම් 10 ක් සිදු කර ඇතැයි හිස්බුල්ලා සංවිධානය පවසයි. ඉහළ ගලීලයේ ජනාවාස ඉලක්ක කර එල්ල වූ දැවැන්ත මිසයිල ප්‍රහාරයද මෙම මෙහෙයුම් වලට ඇතුලත් වූ බව හිස්බුල්ල සංවිධානය වැඩිදුරටහ් අද(11) ප්‍රකාශ කළේය. හිස්බුල්ලා සංවිධානයේ ප්‍රකාශයන්ට අනුව, ලෙබනන-ඊශ්‍රායල් දේශසීමාවේ ස්ථානගත කර තිබූ දෘශ්‍ය පාලන පද්ධති කිහිපයක් විනාශ වූ අතර ඊශ්‍රායල හමුදා බලකොටු හතරකටද මිසයිල ප්‍රහාර එල්ල කර ඇත. Sa'ar ප්‍රදේශයේ දී, ඊශ්‍රායල හමුදා සාමාජිකයින් පිරිසක් වෙත එල්ල කරන ලද මිසයිල ප්‍රහාරයක්ද මේ ප්‍රහාර වලට එකතු වන බවද සංවිධානය පවසයි. 08 වනදා සවස ද හිස්බුල්ලා සංවිධානය ඩ්‍රෝන යානා යොදා ගනිමින් සෆෙඩ් නගරයට නිරිත දෙසින් පිහිටි උතුරු හමුදා සැපයුම් කඳවුරකට ප්‍රහාර එල්ල කළේය. හිස්බුල්ල සංවිධානය කළ ප්‍රකාශයකට අනුව ඊශ්‍රායල හමුදාව ලෙබනනයේ ජනාවාස 16කටද පහර දී ඇත.

සමගි ජනබලවේගය සභාපති ධුරයෙන් ෆීල්ඩ් මාර්ෂල් සරත් ෆොන්සේකා මහතා ඉල්ලා අස්වීම හේතුවෙන් එම ධුරයට පාර්ලිමේන්තු මන්ත්‍රී ඉමිතියාස් බාකිර් මාකර් මහතා පත්වීමට නියමිතය.

පාර්ලිමේන්තු මැති ඇමැතිවරුන් 53දෙනකු මෙම වර්ෂයේ (2024) ජුනි මස 30 වැනිදා වන විට සිය වත්කම් හා බැරකම් ප්‍රකාශ ලබා දී නොමැති බැව් අල්ලස් හෝ දූෂණ චෝදනා විමර්ශන කොමිෂන් සභාව විසින් නිකුත්කොට ඇති වාර්තාවක සඳහන් වන බව ජාතික පුවත්පතක දක්වා තිබේ.

ඉදිරියේ පිහිටුවන ජාතික ජන බලවේග රජයක් යටතේ නිවාස සඳහා මුළුතැන්ගෙයක් අවශ්‍ය නොවන බව එම පක්ෂයේ ජාතික විධායක සභික හිටපු පාර්ලිමේන්තු මන්ත‍්‍රී කේ.ඩී. ලාල් කාන්ත මහතා පවසයි.

දෙමළ ජාතික සන්ධානයේ පාර්ලිමේන්තු මන්ත්‍රී ජනාධිපති නීතිඥ එම්. ඒ. සුමන්තිරන් මහතා සහ ශ්‍රී ලංකා පොදුජන පෙරමුණේ ජනාධිපති අපේක්ෂක නාමල් රාජපක්ෂ මහතා අතර සාකච්ඡාවක් ඊයේ (10) පෙරවරුවේ පවත්වා තිබේ.

අරගලකරුවන්ගේ එල්ල වූ දැඩි බලපෑම් හමුවේ බංගලාදේශයේ අගවිනිසුරුවරයා එම ධුරයෙන් ඉල්ලා අස්වී ඇති බව විදෙස් මාධ්‍ය වාර්තා කරයි.

මෙරට ආර්ථිකය කෙසේ හැඩගැස්විය යුතුද, මෙරට රාජ්‍ය අංශය සතුව පවතින්නේ කුමන ආයතනද යන්න මෙරට ජනතාව තීරණය කරන දෙයක් මිස ආත්‍යන්තර මූල්‍ය අරමුදල තීරණය කරන දෙයක් නොවන බවත්, මෙරට ජපාන තනාපතිවරයා එක්තර රැස්වීමක දී පවසා ඇත්තේ කවුරු ජනාධිපති වුවද ජාත්‍යන්තර මූල්‍ය අරමුදල කියන ලෙස වැඩ කළ යුතු බව යැයි ද, එලෙස තානාපතිවරයකුට රටක දේශපාලන කාරණා ප්‍රසිද්ධ රැස්වීමක දී පැවසිය නොහැකි බවද ජ්‍යෙෂ්ඨ මාධ්‍යවේදී, දේශපාලන විශ්ලේෂක මොහාන් සමරනායක මහතා පවසයි.

හිටපු අගවිනිසුරු සරත් නන්ද සිල්වා මහතාගේ අත්දැකීම් මත සකස්කළ ව්‍යවස්ථා සංශෝධන කෙටුම්පත එළිදැක්වීම හෙට (අගෝ. 11) දින සවස 3.30 ට කොළඹ පදනම් ආයතන ශ්‍රවනාගාරයේ දී සිදුකෙරේ.

VFS ආයතනය ඔවුන්ගේ යෝජනා සමග පැමිණ තිබුනේ 2022 පෙබරවාරි මාසයේ දී බවත්, එහිදී මෙම යෝජනා ජනාධිපති කාර්යාලයට යොමුකර ජනාධිපතිකාර්යාලය මගින් විවිධ පුද්ගලයන්ට යොමුකර තිබූ බව මහජන ආරක්ෂක අමාත්‍ය ටිරාන් අලස් මහතා පවසයි.