ජාතික ජන බලවේගයේ ජනාධිපති අපේක්ෂක අනුර කුමාර දිසානායක අගරදගුරු අති උතුම් මැල්කම් කාදිනල් රංජිත් හිමියන් බැහැදැක තිබේ.

පාර්ලිමේන්තු මැති ඇමැතිවරුන්ට අවශ්‍ය නම් ගිනි අවියක් ලබාගත හැකි බව ආරක්‍ෂක අමාත්‍යාංශයෙන් දැනුම්දීමක් කර ඇතැයි කථානායක මහින්ද යාපා අබේවර්ධන මහතා පවසයි.

ජනාධිපතිවරණයේදී ඡන්දදායකයෙකු සඳහා වියදම් කළ හැකි උපරිම මුදල රුපියල් දහසක් දක්වා ලබාදෙන්නැයි ප්‍රධාන පෙළේ අපේක්ෂකයින් ඉල්ලීම් කර ඇති බව මැතිවරණ කොමසාරිස් ජනරාල් සමන් ශ්‍රී රත්නායක මහතා පවසයි.

රාජ්‍ය සේවකයන්ගේ වැටුප 2025 වර්ෂයේ සිට රුපියල් 25,000 කින් ඉහළ දැමීමට රජය ගත් තීරණයෙන් මැතිවරණයේදී රාජ්‍ය සේවකයන්ට ඍජු බලපෑමක් එල්ල වන බව පැෆරල් සංවිධානය මැතිවරණ කොමිෂන් සභාවට පැමිණිලි කර ඇත.

ශ්‍රී ලංකාව සහ ඉන්දියාව අතර මගී ප්‍රවාහන යාත්‍රා සේවයක් කන්කසන්තුරේ සිට ඉන්දියාවේ නාගපට්ටිනම් දක්වා ආරම්භ කර ඇත.

සජිත් ප්‍රේමදාසට ඡන්දය නොදිය යුත්තේ ඇයි දැයි දැනගන්න අවශ්‍ය නම් රටේ ජනතාව කළ යුත්තේ පාඨලී චම්පික රණවක පසුගිය වසර දෙක තුල කී කතා ඇසීම බවත්, චමිපිකට ඡන්දය නොදිය යුත්තේ ඇයි කියා දැන ගන්න අවශ්‍ය නම් කල යුත්තේ ඉදිරි මාස එකහමාරේදී චම්පික සජිත් ගැන කියන කතා ඇසීම බවත් පිවිතුරු හෙළ උරුමයේ නායක නීතිඥ උදය ගම්මන්පිල මහතා පවසයි.

එළැඹෙන ජනාධිපතිවරණයට ඉදිරිපත්ව සිටින කිසිදු අපේක්ෂකයෙකුට සහයෝගයක් ලබා දීමට තමන් තීරණය කර නොමැති බව හිටපු ජනාධිපති මෛත්‍රිපාල සිරිසේන මහතා පවසයි.

මෙවර ජනාධිපතිවරණයේදී ඡන්දය ප්‍රකාශ කිරීම කළ යුත්තේ ඉලක්කම් වලින් බව මැතිවරණ කොමිෂන් සභාව සඳහන් කරයි.

ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතාට සහාය පළ කරමින් "පුළුවන් ශ්‍රී ලංකා” සම්මුතියට පක්ෂ හා සන්ධාන 34ක් අත්සන් කර තිබේ.