මින් ඉදිරියට රේගු ආඥා පනතේ විධිවිධාන අනුව පමණක් කටයුතු කරන ලෙස ශ්‍රී ලංකා රේගු වෘත්තීය සමිති සන්ධානය සිය සාමාජිකත්වයට දැනුම්දී තිබේ.

ජනතා විමුක්ති පෙරමුණේ නිර්මාතෘ රෝහණ විජේවීර මහතා ඝාතනය කර අදට (13) වසර 35ක් සපිරෙයි.

ශ්‍රී ලංකාවට එරෙහිව ආර්ථික සම්බාධක පනවන ලෙස එරට නාම් තමිලර් කච්චි ප්‍රධානී සීමන් ඉන්දීය රජයෙන් ඉල්ලා ඇතැයි ‘ද හින්දු’ වාර්තා කරයි.

ආචාර්ය ගුණදාස අමරසේකර මහතාගේ 96 වැනි ජන්ම දිනය නිමිත්තෙන් ඒ මහතාගේ නාවල, කොස්වත්තේ පිහිටි නිවසේ දී විශේෂ ආගමික වැඩසටහනක් ඊයේ(12) දිනයේ දී පැවැත්විණි.

මෙරට 10වැනි පාර්ලිමේන්තුවට මන්ත්‍රීවරුන් තෝරාපත් කරගැනීම වෙනුවෙන් පැවැත්වෙන මහ මැතිවරණය හෙට (14) පැවැත්වෙයි.

පාර්ලිමේන්තු මැතිවරණය නිහඬ කාලය තුළ ජංගම දුරකථන වෙත කෙටි පණිවුඩ යවමින් මැතිවරණ ප්‍රචාරක කටයුතු කළ අපේක්‍ෂකයන්ට එරෙහිව ඉදිරියේදී නීතිමය ක්‍රියාමාර්ග ගන්නා බව මැතිවරණ කොමිසමේ සභාපති ආර්. එම්. ඒ. එල්. රත්නායක මහතා පැවැසීය.

මහ මැතිවරණයේ ආරක්‍ෂාව සඳහා පොලිස් නිලධාරීන් ඇතුළු ආරක්‍ෂක අංශ සාමාජිකයන් 90,000ක් යෙදවීමට කටයුතු කර ඇති බව මැතිවරණ කටයුතු භාර ජ්‍යෙෂ්ඨ නියෝජ්‍ය පොලිස්පති අසංග කරවිට මහතා පවසයි.

පාර්ලිමේන්තු මන්ත්‍රීවරුන්, පළාත් සභා මන්ත්‍රීවරුන්, විවිධ දේශපාලන පක්ෂ නායකයන් හා දේශපාලන සංවිධානවලට මෙන්ම, රජයේ විධායක තනතුරු දැරූ නිලධාරීන් වෙත විවිධ කාලවකවානුවලදී නිකුත් කළ ගිනිඅවි දෙසැම්බර් මස 30 වැනිදාට පෙර නැවත භාරදෙන ලෙස ආරක්ෂක අමාත්‍යාංශය නිවේදනයක් නිකුත් කරමින් සඳහන් කරයි.

නැවත දැනුම් දෙනතුරු ආරුගම්බේ ප්‍රදේශයේ සංචාරය කිරීමෙන් වළකින ලෙසට නිකුත් කළ අනතුරු ඇඟවීමේ නිවේදනය ඉවත් කරන මෙන් විදේශ කටයුතු අමාත්‍යාංශය ඇමෙරිකානු තානාපති කාර්යාලයෙන් ඉල්ලීමක් කර තිබේ.