ජාතික ජන බලවේගය ආර්ථිකය සම්බන්ධයෙන් එක් මතයකට පැමිණෙන්නේ නම් අනුර කුමාර දිසානායක මහතා විවාදකයක් සඳහා තමාට කළ අභියෝගය භාර ගැනීමට තමන් සූදානම් බව, ජනාධිපති ධුර අපේක්ෂක රනිල් වික්‍රමසිංහ මහතා පවසයි.

1988 ජනාධිපතිවරණයේ දී සුළු ජාතික පක්ෂවල ඡන්දය ලබාගැනීම සඳහා එවකට බලයේ සිටි රණසිංහ ප්‍රේමදාස මහතා මාස 6ක් තුළ රටට ඉතාම හානිකර ව්‍යවස්ථා සංශෝධන 3ක් සම්මත කළ බව ජ්‍යෙෂ්ඨ නීතිඥ කල්‍යානන්ද තිරාණගම මහතා හෙළිකරයි.

තමන් වරදක් සිදුකර නැතිනම් ජනතාව හමු වී ඔවුන් අසන ප්‍රශ්නවලට පිළිතුරු ලබාදීමට බිය වීමට කිසිදු හේතුවක් නොමැති බව මව්බිම ජනතා පක්ෂයේ උත්තරීතර මණ්ඩල සාමාජික සහ යාපනය දිස්ත්‍රික් ප්‍රධාන සංවිධායක අරුන් සිද්ධාර්ත් මහතා පවසයි.

ශ්‍රී ලංකාවේ මූල්‍ය අංශයේ ස්ථාවරත්වය සහ ප්‍රතිසංස්කරණ වැඩසටහනේ දෙවන උප වැඩසටහන යටතේ ආසියානු සංවර්ධන බැංකුවෙන් ඇමෙරිකානු ඩොලර් මිලියන 200ක ණය මුදල ලබා ගැනීම පිණිස මුදල්ල ආර්ථික ස්ථායීකරණ සහ ජාතික ප්‍රතිපත්ති අමාත්‍ය වශයෙන් ජනාධිපති රනිල් වික්‍රමසිංහ මහතා දිරිපත් කළ යෝජනාවට කැබිනට් අනුමැතිය හිමිව ඇත.

අද සිට ක්‍රියාත්මක වන පරිදි මිල්කෝ සමාගම හයිලන්ඩ් කිරිපිටි මිල ගණන් පහත දමා ඇත.

වඳුරු උණ ලෙස සාමාන්‍ය ව්‍යවහාරයේ හැඳින්වෙන mpox වෛරසය ආසාදනය වී ඇති බවට සැකකෙරෙන රෝගියකු ඉන්දියාවෙන් වාර්තා වීමත් සමඟ මෙරට සෞඛ්‍ය බලධාරීන් සිය සුපරීක්ෂාකාරීත්වය තවදුරටත් ඉහළ නංවා තිබේ.

ශ්‍රී ලංකාව සම්බන්ධයෙන් එක්සත් ජාතීන්ගේ මානව හිමිකම් කවුන්සිලය විසින් ඉදිරිපත් කර ඇති වාර්තාව පිළිගන්නා බව යුරෝපා සංගමය පවසයි.

ශ්‍රී ලංකාවේ සෞඛ්‍ය පද්ධතිය යහපත් වුවද, පිටරටින් ඖෂධ ගෙන්වීමේ ක්‍රියාවලියේ ගැටලු පවතින බවත්, තමන් විසින් ඒ සඳහා ජර්මනියේ ඉහළ මට්ටමේ ‍ඖෂධ නිෂ්පාදන කර්මාන්ත ශාලාවක් ලංකාවට ගෙනඒමට උත්සාහ දැරූව ද දේශපාලකයන්ගේ දැඩි බලපෑම නිසා එය ක්‍රියාත්මක කිරීමට නොහැකි වූ බවද අපේ ජනබල පක්‍ෂයේ ජනාධිපති අපේක්‍ෂක කීර්ති වික්‍රමරත්න මහතා පවසයි.

කියුබාව ත්‍රස්තවාදී ලයිස්තුවෙන් ඉවත් කර ගැනීම වෙනුවෙන් අමෙරිකා එක්සත් ජනපදයට දැඩි බලපෑමක් එල්ලකිරීම සඳහා අන්තර්ජාලය හරහා ලෝකවාසී ජනයාගෙන් සහයෝගය ලබාගැනීමේ දැවැන්ත වැඩසටහනක් මේ වන විට ක්‍රියාත්මක කර තිබේ.