ජනාධිපති අනුර කුමාර දිසානායක මහතා අද (10) එක්සත් අරාබි එමීර් රාජ්‍යයේ නිල සංචාරයක නිරත වීමට නියමිතය.

පළාත් පාලන මැතිවරණය පැවැත්විය හැක්කේ සිංහල දෙමළ අලුත් අවුරුද්දෙන් පසුව පමණක් බව මැතිවරණ කොමසාරිස් ජනරාල් සමන් ශ්‍රී රත්නායක පවසයි.

සමුපකාර තොග වෙළෙඳ සංස්ථාවට අයත්ව තිබී විකිණූ ලොරි රථ 51න් 43ක්ම විකුණා ඇත්තේ ගැනුම්කරුවන් දෙදෙනකු වෙත පමණක් බැව් ජාතික විගණන කාර්යාලය මගින් නිකුත් කර ඇති විගණන වාර්තාවක සඳහන් වෙයි.

බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා පොලිස් පරිගණක අපරාධ විමර්ශන කොට්ඨාසයට පැමිණිල්ලක් ඉදිරිපත් කර තිබේ. ව්‍යාපාරික මිතුරකු සිංහරාජ පිවිසුමේ හොර පතලක් දාලා යනුවෙන් සමාජ මාධ්‍යයේ අසත්‍ය පුවතක් පළ කිරීම සම්බන්ධයෙන් අදාල පැමිණිල්ල කළ බව අමාත්‍ය සුනිල් සෙනෙවි මහතා කීය.

ලංකා විදුලිබල මණ්ඩලයට අයත් පානදුර ග්‍රිඩ් උපපොළේ ඇතිවූ හදිසි තත්ත්වයක්, දිවයින පුරා සිදුවූ විදුලි බිඳ වැටීමට හේතු වී ඇති බව බලශක්ති අමාත්‍යංශය පවසයි.

2022 අරගලය මෙහෙයවනු ලැබුවේ ශ්‍රී ලංකාවේ ආර්ථික අර්බුදයට රාජපක්ෂවරුන් වගකිව යුතු බවට වන පදනම මතය. කාදිනල්තුමා සහ පල්ලියේ ප්‍රධානීන් විසින් මෙහෙයවන ලද එම “කැරැල්ල” දේශපාලනඥයින් 43 දෙනෙකුගේ නිවාස, වාහන සහ දේපළ විනාශ කරමින් බදු ගෙවන්නන් රුපියල් බිලියන 1.22 ක අලාභයක් සිදු කිරීමට වගකිව යුතු බව මේ සම්බන්ධයෙන් කරුණු අනාවරණය කරන පර්යේෂනාත්මක මාධ්‍යවේදිනියක් සඳහන් කරයි.

2025 සඳහා ප්‍රධාන ප්‍රමුඛතා ලෙස මෙම ක්ෂේත්‍ර ඉස්මතු කරමින්, අඩු උන්නතාංශ ප්‍රවාහනය සහ කෘත්‍රිම බුද්ධිය (AI) තුළ මාර්ග සහ ගුවන් සහයෝගීතාව සඳහා ප්‍රමිතීන් සංවර්ධනය කිරීම කඩිනම් කිරීමට උත්සාහ කරන ලෙස චීනයේ ප්‍රවාහන අමාත්‍යාංශය (MOT) ඉල්ලා තිබේ.

සමගි ජන බලවේග පක්ෂය සහ එක්සත් ජාතික පක්ෂය පළාත් පාලන මැතිවරණය සදහා එක්ව තරග කිරීමට වන සාකච්ඡා පසුගිය දිනවල පැවැත්විණ. එහෙත් නායකත්වය හා ලාංඡනය පිළිබඳව සාකච්ජා කළද සමගි ජන බලවේගය විසින් ටෙලිෆෝනය මිස වෙනත් කිසිදු ලාංඡනයකට එකඟ නැතැයි එක්සත් ජාතික පක්ෂයට දැනුම් දී ඇති බව වාර්තා වේ.

රජයේ සහතික මිලට වඩා වැඩි මිලකට පෞද්ගලික අංශය වී මිලදී ගනිමින් සිටින බැවින් එයින් අදහස් වන්නේ රජයට සැලසුම් කර ඇති පරිදි වී තොග සුරක්ෂිත කර ගැනීමට නොහැකි වනු ඇති බව සමස්ත ලංකා කුඩා හා මධ්‍ය පරිමාණ මෝල් හිමියන්ගේ සංගමයේ සභාපති යූ.කේ.සේමසිංහ පවසයි.