ගුවන්තොටුපළ හා ගුවන් සේවා සමාගමේ ගුවන්තොටුපළ ඒකාබද්ධ වෘත්තීය සංගමයේ සාමාජිකයන් (සභාපති හා ලේකම් ඇතුළු) 23 දෙනෙකු අනිවාර්ය නිවාඩු යවා ඇති බව වාර්තා වේ.

සේවාවලට බාධා කරන හෝ ලංකා විදුලිබල මණ්ඩලයේ කළමනාකාරීත්වය විසින් නිකුත් කර ඇති මාර්ගෝපදේශ කඩකරමින් ක්‍රියාකරන ඕනෑම සේවකයකුගේ වැඩ තහනම් කර සුදුසු විනය ක්‍රියාමාර්ග ගන්නා ලෙස විෂය භාර ඇමැති කංචන විජේසේකර ලංවිම කළමනාකාරිත්වයට උපදෙස් ලබාදී ඇත.

හිමාලයා ප්‍රකාශනයේ දිගුවක් ලෙස ක්‍රියාත්මක කිරීමට යන සත්‍ය සෙවීමේ කොමිසම් පනත බලාත්මක කිරීමෙන් 13 වැනි සංශෝධනය සම්පූර්ණ වශයෙන් ක්‍රියාත්මක කිරීමට අවස්ථාව නිර්මාණය වන බවත්, 2009 දී රට බෙදීම වළක්වා ලැබූ යුද ජයග්‍රහණය හේතුවෙන් බෙදුම්වාදීන්ගේ කේවල් කිරීමේ බලය අහෝසි වුවද, මේ හරහා නැවත එම කේවල් කිරීමේ බලය බෙදුම්වාදීන්ගේ අතට ලැබෙන බවත් වෛද්‍ය වසන්ත බණ්ඩාර මහතා පවසයි.

රිමාන්ඩ් භාරයේ පසුවූ දේවගැති ජෙරම් ප්‍රනාන්දුට කොටුව මහෙස්ත්‍රාත් අධිකරණය මගින් අද (03දා) ඇප ලබාදී තිබේ.

පෙබරවාරි මස 01 වැනිදා සිට ජංගම බැංකු ගිණුමක් විවෘත කිරීමේදී, ගොඩනැගිලි සැලසුම් සඳහා අනුමැතිය ඉල්ලා සිටින විටදී, රථ වාහනයක් ලියාපදිංචි කිරීමේදී, රථවාහන ආදායම් බලපත්‍රයක් අලුත් කිරීමේදී සහ ඉඩමේ අයිතිය ලියාපදිංචි කිරීමේදී බදු හඳුනාගැනීමේ අංකය ඉදිරිපත් කිරීම අනිවාර්ය කර තිබේ.

පාර්ලිමේන්තු මන්ත්‍රී ඩිලාන් පෙරේරා මහතා සඳහන් කරන්නේ නිදහස ජනතා සභාවේ නායක ඩලස් අලහපෙරුම මහතා ඉදිරියේදී ජාතික ජන බලවේගය සමග එක්වීමට ඉඩ ඇති බවයි.

පසුගිය දා කහවත්තේදී පසුගියදා වයෝවෘද්ධ කාන්තවක ඝාතනය කිරීම සම්බන්ධයෙන් ජනමාධ්‍ය ඔස්සේ ඉලක්ක කර තිබුනේ මියගිය කාන්තාවගේ දියණියකි.

2022 මාර්තු මාසයේ දී පැවැත් වූ මානවහිමිකම් සැසියේ දී ශ්‍රී ලංකාව එරෙහිව ඉදිරිපත් කළ යුද අපරාධ චෝදනා සම්බන්ධයෙන් ගන්නා ක්‍රියාමාර්ගය කුමක්දැයි එවකට ජනාධිපතිවරයාව සිටි ගෝඨාභය රාජපක්ෂ මහතාගෙන් විමසූ විට ඔහු පැවසුවේ දෙමළ මධ්‍යස්ථ ඩයස්පෝරාව සම්බන්ධකර ගනිමින් එයට විසඳුම් සපයා ගනු ලබන බව යැයි ගෝලීය ශ්‍රී ලාංකික සංසදයේ විධායක කමිටු ලේකම් යසස් ධර්මදාස මහතා සඳහන් කරයි.

‍2009 ජනවාරි 02 දා මානුෂික මෙහෙයුමේ හැරවුම් ලක්ෂය වූ කිලිනොච්චිය ත්‍රස්තවාදීන්ගෙන් මුදාගැනීමට හැකි වූ බවත්, එහි සතුට පසුගිය වසර දක්වාම තිබුන ද එළඹුනු වසරේ දී ඒ සතුට වෙනුවට ඇත්තේ දැඩි කණගාටුවක් බවද විශ්‍රාමික ලුතිතන් ජෙනරාල් ජගත් ඩයස් මහතා පවසයි.