හිටපු පාර්ලිමේන්තු මන්ත්‍රී විමල් වීරවංශ මහතා තලංගම පොලිසිය විසින් අත්අඩංගුවට ගෙන තිබේ.

මැයි 22 වනදා රාත්‍රියේ, යුක්‍රේන (කියෙව්) පාලනය විසින් එල්.පී.ආර්. (LPR) හි ස්ටාරොබෙල්ස්ක් නුවර පිහිටි ලුගාන්ස්ක් රාජ්‍ය අධ්‍යාපනික විශ්වවිද්‍යාලයට අයත් විද්‍යාල ගොඩනැගිල්ලකට සහ එහි නේවාසිකාගාරයට ඩ්‍රෝන යානා 4ක් යොදාගෙන දරුණු ත්‍රස්ත ප්‍රහාරයක් එල්ල කර ඇත.

මේ මොහොත වන විට ඩොලරය වැඩිවී රුපියල බිඳවැටෙමින් පවතින බවත්, රට හමුවේ ඇති ආර්ථික අර්බුදය දැඩි බවත් දෙවන පරපුර දේශපාලන පක්ෂයේ නායක උවිඳු විජේවීර මහතා පවසයි.

ඩොලර් මිලියන 680ක් වැනි ආදායමක් හිමිවී ඇති මෙරට තේ කර්මාන්තය නගාසිටුවීම සඳහා මේ රජය පත්වන විටම යෝජනා ඉදිරිපත් කළ බවත්, මැදපෙරදිග රටවල්ම කේන්ද්‍රකරගෙන පමණක් මෙරට තේ කර්මාන්තය නගසිටුවිය නොහැකි බව රජයට පෙන්වාදුන් බවත් ගොවි ජනපවුර සංවිධානයේ කැඳවුම්කරු නලින්ද සේනාරත්න මහතා පවසයි.

දේශීය මුදල් වෙළෙඳපොළ තුළ ඇමරිකානු ඩොලරයේ අගය සීඝ්‍රයෙන් ඉහළ යාම පාලනය කිරීම සඳහා ශ්‍රී ලංකා මහ බැංකුව මැදිහත් වෙමින්, ඩොලරය සඳහා නිල නොවන මට්ටමේ උපරිම මිලක් (Capped Price) නියම කිරීමට පියවර ගෙන ඇති බව ශ්‍රී ලංකා මානව හිමිකම් කේන්ද්‍රයේ විධායක අධ්‍යක්ෂ රජිත් කීර්ති තෙන්නකෝන් පවසයි.

රුසියානු ජනාධිපති ව්ලැදිමිර් පුටින් ගේ චීන සංචාරය පිළිබඳව අදහස් දක්වමින් ජාත්‍යන්තර දේශපාලන විශ්ලේෂක ආචාර්ය ජගත් චන්ද්‍රවංශ මහතා පවසන්නේ රුසියාව සහ චීනය අතර මෙම සමීප සම්බන්ධය ඇති වීමට ඓතිහාසික වශයෙන් මෙන්ම නූතන වශයෙන් බොහෝ හේතුසාධක ඇති බවය.

මැතිවරණයක් පැවැත්විය යුතුද නැද්ද යන්න තීරණය කිරීමේ බලය ඇත්තේ පාර්ලිමේන්තුවට සහ මැතිවරණ කොමිෂන් සභාවට මිස දේශපාලන පක්ෂවල ලේකම්වරුන්ට නොවන බව ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

වත්මන් ජනාධිපති අනුර කුමාර දිසානායක මහතාගේ වත්මන් පුනරුද රජය නීතිය ක්‍රියාත්මක කිරීමේදී රටේ සෙසු පොදු ජනතාවට එක එක විදියකුත් ගජමිතුරු කූඨ ව්‍යාපාරික පැළාන්තියට තව විදියකුත් වශයෙන් දෙබිඩි පිලිවෙතක් අනුගමනය කරන බවත්, මෙරට දැවැන්ත ව්‍යාපාරික ප්‍රභූ පැලැන්තිය සමඟ එක්ව ව්‍යාජ “නව වාම ප්‍රභූ පන්තියක්” නිර්මාණය කරමින් රටේ ධනය සූරාකෑමේ නිරත වන බවත් ජාතික නිදහස් පෙරමුණේ නායක, හිටපු පාර්ලිමේන්තු මන්ත්‍රී විමල් වීරවංශ මහතා දැඩි ලෙස විවේචනය කරමින් අවධාරණය කරයි. බත්තරමුල්ලේ පිහිටි ඒ මහතාගේ පක්ෂ කාර්යාලයේදී පැවැති විශේෂ මාධ්‍ය හමුවකට එක්වෙමින් වීරවංශ මහතා මේ බව කියා සිටියේය.

මාලිමාවේ වේදිකාවේ සිට ගනිමින් මාලිමාවට ඡන්දය දෙන්න යැයි කියූ පුද්ගලයා අපරාධ පරීක්ෂණ දෙපාර්තමේන්තුවේ ලොක්කා කර, අපරාධ පරීක්ෂණ දෙපාර්තමේන්තුවත් මාලිමාව පැත්තට ගෙන ඇති බවත්, රාජපක්ෂලාගේ කාලයේ එසේ කළානම් මාලිමාවේ අය කෑගසිමින් දඟලනු ඇති බවත් නීතිඥ මනෝජ් ගමගේ මහතා පවසයි.