හිමාලය ප්‍රකාශනය භාර නොගැනීමට ජනපති අනුර නොපැමිණීම අගය කරනවා- දේශ හිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර

Dec 21, 2024 at 09:52 AM

|

Lanka Leader

බෞද්ධ භික්ෂූන් වහන්සේලා හත් නමක් විසින් දෙමළ බෙදුම්වාදීන්ගේ අභිලාෂයන් ඉටු කරමින් සකස් කරන ලද හිමාලය ප්‍රකාශය ජනපති අනුර කුමාර වෙත පිළිගැන්වීමට සංවිධානය කළ උත්සවයකට ජනපති නොපැමිණි බව වාර්තා විය.

ඒ සම්බන්ධයෙන් ලංකා ලීඩර් පුවත් වෙබ් අඩවිය දේශ හිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතාගෙන් සිය මතය විමසනු ලැබුවා.

එහිදී අදහස් දක්වමින්, " පළමු කොටම ජනාධිපති අනුර කුමාර දිසානයක මහතා බෙදුම්වාදීන්ගේ මර උගුලට පය නොතැබීම සම්බන්ධයෙන් අපගේ ස්තුතිය පල කරනවා. ඒ වගේම යුද්ධයෙන් දිනා ගත නොහැකි වූ වෙනම රාජ්‍යය දෙමළ ජාතික සංධානයේ හිටපු නායක සම්බන්ධන් විසින් 2012 වර්ෂයේ තරම් ඈත කාලයක ප්‍රකාශ කළ සාමාකාමී උපක්‍රම මගින් තම බෙදුම්වාදී අරමුණු මුදුන් පමුනුවා ගැනීමේ මෙහෙයුම අප සමාජය අවබෝධ කර ගැනීමත් හොඳ ප්‍රවනතාවයක්. මහාචාර්ය පූජ්‍ය මැදගොඩ අභයතිස්ස හිමි මහාචාර්ය පූජ්‍ය ඉඳුරාගාරේ ධම්මරතන හිමි ඇතුළු විද්වතුන්ගේ මුලසුනින් යුතුව විවිධ ජාතික සංවිධාන 55 කට ආසන්න සංඛ්‍යාවක නායකයන් අත්සන් කළ "බෙදුම්වාදීන්ගේ මාර්ග සිතියම අභියස නව විධායක ජනපතිඳුන්ගේ අභියෝගය හෙවත් මහජන සංදේශය" පසුගිය 17 වනදා අපි ජනාධිපති තුමාට භාර දුන්න. ඒ වගේම පසුගිය 19 වෙනිදා කොළඹ ජානකී හෝටලයේ පැවැති හිමාලය ප්‍රකාශකයන්ගේ වැඩමුළුවට එරෙහිවත් විවිධ ජාතික සංවිධාන විරෝධය පල කළා. එම පිරිස් ඊයේ බණ්ඩාරනායක සම්මන්ත්‍රණ ශාලාව ඉදිරිපිටදීත් විරෝධය දක්වා තිබුනා. මෙයින් පෙනෙනවා සමාජය බෙදුම්වාදීන්ට දොල පිදේනි  දීමට එකඟ නැති බව.නැවත වතාවක් ජනාධිපති තුමා හිමාලයා ප්‍රකාශකයන්ගේ උත්සවයට නොපැමිනීම හොඳ දෙයක් බව අවධාරණය කරනවා. අපි එතුමාගේ ක්‍රියාව අගය කරනවා."

ආශ්‍රිත පුවත්..

ජනාධිපති හමුවේ දිග හැරෙන බෙදුම්වාදී මාර්ග සිතියම... රට මුහුණ දෙන අනතුර හමුවේ කුමක් කළ යුතුද? - මහජන සංදේශය සම්මුතියක් ලෙස අත්සන් තැබීමේ අවස්ථාව (ඡායාරූප)