“ඉතිහාසය නැවත නැවතත් සිදු වේ - යුක්රේනය පුටින්ගේ චෙකොස්ලොවැකියාවයි” යනුවෙන් විජය චන්ද්‍රසෝම මහතා විසින් “the Island” පුවත්පතට ලියූ ලිපියක් සම්බන්ධයෙන් ශ්‍රී ලංකාවේ රුසියානු තානාපති කාර්යාලය ප්‍රතිචාර දක්වා තිබේ.

2025/25 අයවැය ලේඛනය හුදු ගිණුම් සටහනක් මිස ආර්ථික උපායමාර්ගික හැරවුමකට මඟපෙන්වන ප්‍රතිපත්තිමය ප්‍රකාශනයක් නොවන බව දේශහිතෛෂී ජාතික ව්‍යාපාරය පවසයි.

දිවයින පුරා පැවති අයහපත් කාලගුණික තත්ත්වය හේතුවෙන් ඇති වූ ආපදා තත්ත්වය පිළිබඳව ආපදා කළමනාකරණ මධ්‍යස්ථානය නිකුත් කළ නවතම වාර්තාව (පෙ.ව.10.00) අනුව, ජීවිතක්ෂයට පත් වූ පුද්ගලයින්ගේ සංඛ්‍යාව 355 ක් දක්වා ඉහළ ගොස් තිබේ.

'දිට්වා' සුළි කුණාටුවෙන් ශ්‍රී ලංකාවේ ඇති වූ දරුණු ගංවතුර සහ නායයෑම් හේතුවෙන් විශාල ජීවිත හා දේපළ හානි සිදුවීමෙන් පසු, චීන රජය විසින් අමෙරිකානු ඩොලර් 100,000 ක මුදලක් මෙරට වෙත ප්‍රදානය කර තිබේ.

දිවයිනේ දිස්ත්‍රික්ක 25ටම බලපා ඇති ආපදා තත්ත්වය හේතුවෙන් සිදුවු ආපදා මරණ සංඛ්‍යාව 334ක් දක්වා ඉහළ ගොස් ඇතැයි ආපදා කළමණාකරණ මධ්‍යස්ථානය පවසයි.

අයහපත් කාලගුණ තත්ත්වය හේතුවෙන් පීඩාවට පත් ජනතාව ගලවා ගැනීමේ මෙහෙයුම්වල නිරතව සිටියදී ඊයේ (30) පස්වරුවේ ලුණුවිල ප්‍රදේශයේ දී අනතුරට ලක් වූ හෙලිකොප්ටර් යානයේ ගුවන් නියමුවා ජීවිතක්ෂයට පත්ව තිබේ.

ආපදා මුදාගැනීමේ මෙහෙයුම් සඳහා එක්ව සිටි ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයක් අනතුරට ලක්ව තිබේ.

දිවයින පුරා ඇදහැලුණු අධික වර්ෂාපතනය හමුවේ ඊයේ පස්වරු 6 වන විට මෙරට පවුල් 234,503 ආපදාවට පත්ව ඇතැයි ජාතික ආපදා සහන සේවා මධ්‍යස්ථානයේ සහකාර ලේකම් ජයතිස්ස මුණසිංහ මහතා පවසයි.

කැලණි ගඟේ ජල මට්ටම මේ වනවිට ඉහළ යාම හේතුවෙන් ස්ථාන කිහිපයක වෙසෙන පහත්බිම්වල ජනතාවට ඉන් ඉවත් වන ලෙස නිවේදනය කර තිබේ.