78 වන නිදහස් දිනය “කළු දිනයක්” ලෙස ප්රකාශයට පත් කිරීමට දරන උත්සාහය හෙළා දකිනවා - අරුන් සිද්ධාර්ථ්
සර්වජන බලය පක්ෂයේ යාපනය දිස්ත්රික් සංවිධායක සහ ප්රමුඛ සමාජ ක්රියාකාරිකයෙකු වන අරුන් සිද්ධාර්ථ් මහතා ප්රකාශ කළේ, 2026 පෙබරවාරි 04 වන දිනට යෙදෙන ශ්රී ලංකාවේ 78 වන නිදහස් දිනය “කළු දිනයක්” ලෙස ප්රකාශයට පත් කිරීමට උත්සාහ කරමින් විශ්වවිද්යාල සිසුන් ලෙස පෙනී සිටින ඇතැම් පුද්ගලයින් විසින් සිදු කරනු ලබන ක්රියාවන් තමන් දැඩි ලෙස හෙළා දකින බවයි.
අරුන් සිද්ධාර්ථ්, අද (2026.02.03) යාපනයේ පිහිටි ඔහුගේ කාර්යාලයේ පැවති මාධ්ය හමුවකදී මෙම අදහස් පළ කළේය.
අරුන් සිද්ධාර්ථ් තවදුරටත් පවසා සිටියේ:
“සිංහල, දෙමළ හෝ මුස්ලිම් භේදයකින් තොරව, යාපනය විශ්ව විද්යාලය ක්රියාත්මක වන්නේ සමස්ත ශ්රී ලාංකික ජනතාවගේ බදු මුදල් මත ය. එවැනි ආයතනයක අධ්යාපනය ලබමින් ශ්රී ලංකා රජය විසින් සපයනු ලබන නිදහස් අධ්යාපනය සම්පූර්ණයෙන්ම භුක්ති විඳින අතරතුර, මෙම පුද්ගලයින් මෙම ඊනියා ‘කළු දින’ නාට්යය රඟ දක්වන්නේ හුදෙක් විදෙස් රටවල සිට ක්රියාත්මක වන එල්ටීටීඊයට සම්බන්ධ ආවරණ සංවිධාන විසින් එවන ලද මුදල් ලබාගැනීම සඳහා ය.
ඔවුන්ට සැබවින්ම එවැනි විශ්වාසයක් තිබේ නම්, ඔවුන් පළමුව රාජ්ය විශ්ව විද්යාලවලින් ඉවත් වී මේ රට විසින් ලබා දී ඇති සියලුම වරප්රසාද අත්හැර, පසුව ඔවුන්ගේ විරෝධතාවල නිරත විය යුතුය. එවැන්නක් නොකර, ඔවුන් විදේශ මුදල් ප්රතිලාභ අපේක්ෂාවෙන් රාජ්ය විරෝධී ක්රියාකාරකම්වල නිරත වෙමින් සිටින පුද්ගලයින්ගේ සැබෑ මුහුණුවර ජනතාව තේරුම් ගත යුතුව ඇත.
1974 දී, එවකට අගමැතිනි සිරිමාවෝ බණ්ඩාරනායක මහත්මිය යාපනය විශ්ව විද්යාලය විවෘත කිරීමට පැමිණි අවස්ථාවේ , මේ හා සමාන ආකාරයකින් කළු කොඩි ඔසවා, යාපනයේ විශ්ව විද්යාලයක් ස්ථාපිත නොකළ යුතු බවට ඉල්ලා සිටිමින් දින දෙකක හර්තාලයක් සංවිධානය කරන ලදී. එවැනි විරුද්ධත්වයන් මැද පවා මෙම අවස්ථාවාදීන් පුද්ගලයින්ගේ චෝදනාවලට නිරතුරුව බඳුන්වූ ‘සිංහල ආණ්ඩු’ අප වෙනුවෙන් යාපනය විශ්ව විද්යාලය ස්ථාපිත කරන ලදී.
ශ්රී ලංකා රජය විසින් ලබා දෙන නිදහස් අධ්යාපනය භුක්ති විඳීන අතරතුරම, ‘විශ්ව විද්යාල සිසුන්’ ලෙස පෙනී සිටින අවස්ථාවාදීන් අතලොස්සක් විසින්, කිසිදු ලැජ්ජාවකින් තොරව, නිදහස් දින දා කළු කොඩි ඔසවන්නට ඉදිරිපත් වී සිටිති.
"උතුරේ දෙමළ ජනතාවගෙන් අපි ඉල්ලා සිටින්නේ මෙම දාමරිකකම් සහ අකටයුතුකම්වලට යටත් නොවී, ඔවුන්ගේ නිවෙස්වල, කාර්යාලවල සහ ව්යාපාරික ආයතනවල ශ්රී ලංකාවේ ජාතික ධජය ඔසවමින් නිදහස් දිනය සමරන ලෙසයි.”
ඔහු තවදුරටත් මෙසේ ද පැවසීය:
“යම් අයෙකු ව්යාපාර හිමියන්ට තර්ජනය කිරීමෙන් හෝ බලහත්කාරයෙන් ඔවුන්ගේ වෙළඳසැල් වසා දැමීමට හෝ බිය ගැන්වීමට උත්සාහ කරන්නේ නම්, වහාම අප දැනුම්වත් කරන ලෙස ඉල්ලා සිටිමු. එවැනි පුද්ගලයින්ට එරෙහිව නීතිමය පියවර ගැනීමට සහ ඔවුන් නීතියේ රැහැනට හසුකිරීම සහතික කිරීමට අවශ්ය සහාය අපි ලබා දෙන්නෙමු.”
සම්බන්ධිත පුවත් | Related News
ප්රධාන පුවත්
එක්සත් ජාතීන්ගේ 63 වන මානව හිමිකම් වාර්තාව ශ්රී ලංකාවේ ස්වෛරීභාවයට එල්ල වූ තර්ජනයක්.. – ගෝලීය ශ්රී ලාංකික සංසදයෙන් නිවේදනයක්..
ඉරානය සම්බන්ධයෙන් ඇමරිකාව ඉදිරිපත් කළ ජාත්යන්තර පරමාණුක බලශක්ති ඒජන්සියේ යෝජනාවට චීනය විරෝධය පළ කරයි.. – යළි සංවාදයට පැමිණෙන ලෙස ඉල්ලයි
ඥානසාර හිමිට පිරිනැමූ ජනාධිපති සමාව නීතියට පටහැනි බවට ශ්රේෂ්ඨාධිකරණ තීන්දුවක්..
නාමල් අත්අඩංගුවට ගැනීම පිටුපස ඇති දේශපාලන ගණිතය කුමක්ද?
ආනයන මුළුමනින්ම තහනම් කරන දැඩි වෙළෙඳ යුද්ධයකට ට්රම්ප් සැරසෙයි..
ජර්මනියේ AFD ජයග්රහණය යුරෝපයම වෙනස් කරයිද?.. - ආචාර්ය ජගත් චන්ද්රවංශගෙන් අනාවරණයක්
සරල ගිවිසුම් අත්සන් කරන්න ඉන්දීය ආරක්ෂක ඇමැති එන්නේ නෑ.. සැබෑ ගිවිසුම් වහා රටට හෙළිකරනු! - පුබුදු ජයගොඩ
"ඉන්දියාවේ ආරක්ෂක අභිමතයන්ට විරුද්ධ කිසිදු ක්රියාකාරකමකට ශ්රී ලංකා භූමිය කිසිවිටෙකත් භාවිතා කිරීමට ඉඩක් නෑ" - ජනපති අනුර ඉන්දීය ආරක්ෂක ඇමති හමුවේ පැවසු බවට එරට ආරක්ෂක අමාත්යංශයෙන් නිවේදනයක්..
ඉන්දු - ශ්රී ලංකා ගිවිසුම් තුනකට අත්සන් තබයි..
පර්සියානු බොක්කේ නෞකා රැසකට ඉරානයෙන් ප්රහාර..
අධිකරණයට බලපෑම්.. දේශපාලන පළිගැනීම් සහ තෝරාගත් පුද්ගලයන් ඉලක්ක කර ගනිමින් නීතිය ක්රියාත්මක කිරීම්.. ශ්රී ලංකාවට වහා මැදිහත් වන්න..- මිලින්ද රාජපක්ෂ ජිනීවා අමතමින් කියයි
උතුරු කොරියාව සහ රුසියාව යාකරමින් කිලෝමීටරයක් දිග පාලමක්..
ආණ්ඩුවේ නායකයින් ගනුදෙනුකරුවන් සතුටු කිරීම සඳහා ඕනෑම දෙයක් කරන අසරණ වෛශ්යාවන් ලෙස කටයුතු කරනවා.. - ජාතික සංවිධානවලින් චෝදනා..
ලොවක් සුවපත් කරන කියුබාවේ වෛද්ය ජාත්යන්තරවාදය, අනතුරේ!
කළුතර ප්රා. සභාවේ පන්සිල්, ජාතික ගීය සහ රණවිරු සැමරුම් තහනම්.. - නියෝගය කොමසාරිස්ගෙන්..
එක්සත් ජාතීන්ගේ මානව හිමිකම් මණ්ඩලයේ 63 වන සැසිය ඇරඹේ.. - මෙරට ගැන වාර්තාවක් අද..