(Nicaragua's President Daniel Ortega [File: Alberto Roque) කතෝලික සභාව පාප් වහන්සේ තෝරා පත් කර ගැනීමට සාමාජිකයින්ට ඉඩ නොදීම "පරිපූර්ණ ඒකාධිපතිත්වයක්" ප්‍රදර්ශනය් කිරීමක් ලෙස නිකරගුවාවේ ජනාධිපති ඩැනියෙල් ඔර්ටේගා හඳුන්වයි.

නිකරගුවාවේ ජනාධිපති ඩැනියෙල් ඔර්ටේගා නිකරගුවා පොලිසිය පිහිටුවීමේ 43 වැනි සංවත්සරය සැමරීම වෙන්ජ්වෙන් ;අසුගිය සැප්තැම්බර් 25 වනදා පැවැති රූපවාහිනී වැඩසටහනකට එක්වෙමින් මෙසේ පැවසීය.

"පල්ලිය සියල්ල පනවනු ලබනවා. එය පරිපූර්ණ ආඥාදායකත්වයක්. එය පරිපූර්ණ කුරිරු පාලනයක්.පල්ලියට ප්‍රජාතන්ත්‍රවාදී වීමට අවශ්‍ය නම්, කතෝලිකයන්ට පාප් වහන්සේව, කාදිනල්වරුන්ව, බිෂොප්වරුන්ව පත් කිරීමට ඡන්දය දීමට ඉඩ සැලසීමෙන් පටන් ගනිමු."

2018 වර්ෂයේදී තම ආණ්ඩුවට එරෙහි විරෝධතාවලට පිටුබලය දුන් බවට 76-හැවිරිදි ඩැනියෙල් ඔටේගා චෝදනා කළ දා සිට නිකරගුවාවේ පල්ලියට නිකරගුවා ආණ්ඩුවේ පීඩනය වැඩි වෙමින් තිබේ. බටහිර මාධ්‍ය වාර්තා කරන ආකාරයට උද්ඝෝෂකයන්ට එරෙහිව නිකරගුවා ආණ්ඩුව ගෙන යන මර්දනය විසින් සිය ඝාතනයට ලක්ව තිබේ.

ඔර්ටෙගා පවසන්නේ මෙම විරෝධතා එක්සත් ජනපදයේ පිටුබලය ලබන විපක්ෂයේ කුමන්ත්‍රණයක කොටසක් ලෙසත් ඔහුව බලයෙන් පහ කිරීමට බිෂොප්වරුන් සම්බන්ධ බවත්ය.

ඔර්ටේගා සිය දේශනයේදී බිෂොප්වරුන් සහ පූජකයන් "ඝාතකයන්" සහ "කුමන්ත්‍රණකරුවන්" ලෙස හැඳින්වූයේ ඔවුන් "ඇමරිකානු අධිරාජ්‍යවාදය" වෙනුවෙන් වැඩ කරන බවට චෝදනා කරමිනි.

නිකරගුවානු කතෝලික පල්ලියේ භයානක ඉතිහාසය පිළිබඳව සඳහන් කරමින් ඔර්ටේගා පැවසුවේ “මම කතෝලික බලධාරීන්ට ගෞරවාන්විතව පාප්තුමාගේ ශිද්ධෝත්තමභාවය පිළිගනිමින් පවසන්නේ, මම කතෝලිකයෙක්. කිතුනුවකු ලෙස, මාව පල්ලියේ නියෝජනය වනවාය යන හැඟීම මට දැනෙන්නේ නැහැ."

ඔර්ටෙගා ස්පාඤ්ඤයේ සහ දකුණු ඇමරිකාවේ පැවැති පල්ලියේ "විමර්ශනයේ" සිට කැනඩාවේ ආදිවාසී ළමයින් අපයෝජනය කිරීම දක්වා වූ බොහෝ විෂයයන් විවේචනය කළේය.

කතෝලික පල්ලිය සහ නිකරගුවා ආණ්ඩුව අතර දිගුකාලීනව පැවැති ආතතීන් මාර්තු මාසයේදී මනාගුවා පරිපාලනය විසින් වතිකානු තානාපතිවරයා නෙරපා හැරීමත් සමඟ වර්ධනය විය.

කතෝලික පල්ලියේ නායක ෆ්‍රැන්සිස් පාප්තුමාගේ කනස්සල්ලට හේතු වූයේ “අස්ථාවර සහ ප්‍රකෝපකාරී” ක්‍රියාකාරකම් සඳහා පොලිසිය විසින් හඳුන්වනු ලැබූ “ආණ්ඩුව විවේචනය කරන බිෂොප්වරයෙකු වූ රොලැන්ඩෝ අල්වාරෙස්ව අගෝස්තු මාසයේදී නිවාස අඩස්සියේ තැබීමේ සිද්ධියයි.

එහිදී අවම වශයෙන් පූජකවරුන් හතර දෙනෙකු සහ දීශකවරුන් දෙදෙනෙකු ද අත්අඩංගුවට ගත් නමුත් පොලිසිය ඔවුනට චෝදනා නිශ්චිතව දක්වා නැත.

ෆ්‍රැන්සිස් පාප් වහන්සේ මේ මස මුලදී අවධාරනය කළේ නිකරගුවා ආණ්ඩුව සමඟ "කිසිම විටෙක සංවාදය නතර නොකිරීමේ" වැදගත්කමයි.

“වාදයක් තියෙනවා.නමුත්  අපි නිකරගුවානු රජය සමඟ කතා කරනවා,” පාප් වහන්සේ පැවසීය. "එයින් අදහස් කරන්නේ අපි රජය කරන සෑම දෙයක්ම අනුමත කරන බව හෝ අප අනුමත නොකරන බව නොවේ." උන් වහන්සේ වැඩිදුරටත් පැවසුවේය.

පසුගිය සැප්තැම්බර් 25 වනදා ඔර්ටෙගා එක්සත් ජනපද සහකාර රාජ්‍ය ලේකම් බ්‍රයන් නිකොල්ස් සහ චිලී රජයද විවේචනය කළේය. චිලී ජනාධිපති ගේබ්‍රියෙල් බෝරික් මානව හිමිකම් කඩකිරීම් සම්බන්ධයෙන් නිකරගුවා ජනාධිපතිවරයාව විවේචනය කළේය.

යුරෝපා සංගමය සහ එක්සත් ජනපදයද නිකරගුවාවේ නිලධාරීන්ට එරෙහිව පසුගිය වසර හතර පුරාම මානව අයිතිවාසිකම් උල්ලංඝනය කිරීම උලුප්පා දක්වමින් සම්බාධක පනවා ඇත.

ඔර්ටේගා 1979 සිට 1990 දක්වා නිකරගුවාව පාලන බලය හෙබවූවේ එක්සත් ජනපදයේ පිටුබලය ලත් නායක ඇනස්ටේසියෝ සොමෝසා නෙරපා හැරීමෙන් පසුවය. 2007 දී ඔහු නැවත බලයට පත්විය.

සැප්තැම්බර් 25 වනදා  නිකරගුවාවේ විදේශ අමාත්‍ය ඩෙනිස් මොන්කාඩා විසින් මනාගුවා හි යුරෝපා සංගම් තානාපති බෙටිනා මුෂෙයිඩ් නෙරපා හැරීම පිළිබඳව නිවේදනය කළ බව රොයිටර් පුවත් ඒජන්සිය වාර්තා කළේය.

මුෂෙයිඩ් විදේශ අමාත්‍යාංශයට කැඳවන ලද අතර එහිදී ඇයට “පෙර්සොන නොන් ග්‍රට” ප්‍රකාශ කර නිකරගුවාවෙන් පිටවන ලෙස දන්වන ලදී. එක් රාජ්‍ය තාන්ත්‍රික මූලාශ්‍රයකට අනුව, මනගුවා පරිපාලනය ගත් තීරණය සාකච්ඡා කිරීමට වෙනත් ක්‍රමයක් මගින් ඇය ඉල්ලා සීටියද ඇය තවදුරටත් නිකරගුවාවට සාදරයෙන් නොපිළිගන්නා බව දන්වනු ලැබ තිබේ.