රුසියාව සිය උපායමාර්ගික න්‍යෂ්ටික බලවේග අත්හදා බැලීමේ අරමුණින් දැවැන්ත අභ්‍යාසයක් පවත්වා ඇති බව ක්‍රෙම්ලිනය ඊයේ(25) ප්‍රකාශ කළේය. මෙම අභ්‍යාසවලට රුසියානු හමුදාවේ න්‍යෂ්ටික බලකායේ  කොටස් ත්‍රිත්වය වන අන්තර් මහද්වීපික බැලස්ටික් මිසයිල ඒකකය, න්‍යෂ්ටික සන්නද්ධ සබ්මැරීන ඒකකය සහ උපාය මාර්ගික බෝම්බ හෙලන යානා ඒකකය සම්බන්ධ වී ඇති බව රුසියානු පුවත් සේවා පවසයි.  

මෙම අභ්‍යාසයට රුසියාවේ අති නවීන ‍‍යර්ස් අන්තර් මහද්වීපික බැලස්ටික් මිසයිලය රටේ උතුරේ ඵ්ලෙසෙට්ස්ක් Cඔස්මොඩ්‍රොමෙ වෙතින් දියත් කිරීමට සම්බන්ධ විය. මිසයිලය රුසියාවේ ඈත පෙරදිග ඛම්චට්ක අර්ධද්වීපයේ, මිසයිල දියත් කරන ස්ථානයේ සිට කිලෝමීටර් 5,700 කට වඩා වැඩි දුරකින් පිහිටි  ඛුර මිසයිල පරීක්ෂණ පරාසයේ සිය ඉලක්කයට සාර්ථකව පහර දුන්නේය.

අභ්‍යාසය රුසියානු ජනාධිපති ව්ලැඩිමීර් පුටින් විසින් පුද්ගලිකව අධීක්ෂණය කරන ලද අතර  මොස්කව්හි රුසියානු ජාතික ආරක්ෂක මෙහෙයුම් මධ්‍යස්ථානය විසින් අර්ධ වශයෙන් සම්බන්ධීකරණය කරන ලදී.

2000 දී රුසියාව විසින් අනුමත කරන ලද, 1996 වර්ෂයේ ඉදිරිපත් වුණු විස්තීර්ණ න්‍යෂ්ටික-පරීක්ෂණ-තහනම් ගිවිසුම (Cඨ්ඹ්ඨ්) තවමත් බලාත්මක වී නැත. මක් නිසාද යත්  එහි නියමයන් එක්සත් ජනපදය ඇතුළු ජාතීන් සමූහයක් විසින් අනුමත කළ යුතු බැවිනි. ගිවිසුම අනුමත නොකළ නමුත් “අත්සන් කළ අයට දේශන පැවැත්වීම සුදුසු යැයි සලකන” වොෂින්ටනයේ ආස්ථානය පෙන්වා දෙමින් මොස්කව් ගිවිසුමෙන් ඉවත් වීමට ගත් තීරණය සම්බන්ධයෙන් මීට පෙර මොස්කව් පරිපාලනය පැහැදිලි කළේය.

කෙසේ වුවද න්‍යෂ්ටික අත්හදා බැලීම් එක්සත් ජනපදය විසින් ප්‍රථමයෙන් සිදු නොකරන්නේ නම්, නෛතික බැඳීම් ඉවත් කිරීමෙන් පසුව ද, න්‍යෂ්ටික අත්හදා බැලීම් කිරීමෙන් වැළකී සිටින බවට මොස්කව් පරිපාලනය ප්‍රතිඥා දී ඇත.