ජාතික අධ්යාපන විද්යාපීඨවලට සිසුන් බදවා ගැනීමේදී ගැටලු රැසක්... සිසුන්ට බරපතළ අසාධාරණයක් වෙලා - විද්යාපීඨ කථිකාචාර්යවරුන්ගේ වෘත්තීය සංගමයෙන් චෝදනා
මෙවර විද්යා පිඨ සඳහා සිසුන් බඳවා ගැනීමේ දී සිසුන්ට බරපතල අසාධාරණයක් සිදුව ඇති බවත්, විද්යාපීඨ සඳහා බදවා ගැනීම මෙතෙක් සිදුකළ ක්රමයට පිටින් ගොස් පෞද්ගලික සමාගමක් වෙත පවරා දීම නිසා විනිවිදභාවයක් නොමැති වී ඇති බවත් විද්යාපීඨ කතිකාචාර්යවරුන්ගේ වෘත්තීය සංගමය චෝදනා නගයි.
මේ සම්බන්ධයෙන් එම සංගමය නිකුත්කර ඇති නිවේදනය පහළින්...
"අපේ රටේ වැඩ වර්ජන අවම සහ සිසුන් ගැන විශේෂයෙන් සොයා බලන අධ්යාපනයට ප්රමුඛත්වය දෙන වෘත්තීය සමිතියක් වේ නම් එය රජයේ අධ්යාපන විද්යාපීඨ ගුරුවරුන්ගේ වෘත්තීය සමිතියයි.
මෙවර විද්යා පිඨ බඳවා ගැනීමේ දී සිසුන්ට බරපතල අසාධාරණයක් සිදුව තිබේ.
1. විද්යාපීඨ බදවා ගැනීම මෙතෙක් සිදුකළ ක්රමයට පිටින් ගොස් පෞද්ගලික සමාගමක් වෙත පවරා දීම නිසා විනිවිදභාවයක් නොමැති වීම.
2. මෙවර ශාරීරික අධ්යාපන විෂයට පමණක් පැරණි ක්රමයට සම්මුඛ පරික්ෂණ දෙකක් පවතින අතර අනිත් විෂයන් සදහා online ක්රමයෙන් පමණක් අවසන් තෝරාගත් ලැයිස්තුව අන්තර්ජාලය හරහා ප්රසිද්ධ කිරීම.
3. පෙර වසරවල සම්මුඛ පරික්ෂණයට කැදවීම සිදු කරනු ලැබුවේ ලියාපදිංචි තැපැලෙන් වන අතර මෙවර අන්තර්ජාලය සහ SMS හරහා පමණක් සිසුන්ට සහතික පරික්ෂා කිරීමේ දින දැනුම් දීම තුලින් රටේ පිළිගත් ක්රමවේදය වන ලියාපදිංචි තැපෑලෙන් මෙවැනි අතිශයින් වැදගත් තොරතුරක් විධිමත් සහ සුරක්ෂිත ක්රමවේදයකට ලබා ගැනීමේ අයිතිය උල්ලංඝනය වී ඇත. බොහෝ දුෂ්කර ප්රදේශවල ජීවත්වන සිසුන්ට දැඩි අගතියකට මුහුණ පෑමට සිදුව ඇත. මෙලෙස බහුතරයක් සිසුන්ට පසු දින පැවැත්වෙන සම්මුඛ පරික්ෂණයට පැමිනෙන ලෙස දැනුම් දී ඇත්තේ SMS හරහා පෙර දින රාත්රී 9 න් පසුවය. මේ නිසා සිසුන් විශාල අපහසුතාවයන්ට පත් වී ඇත. (මෙමගින් සම්මුඛ පරීක්ෂණ සඳහා ඉදිරිපත් නොවන සිසුන් වෙනුවට සුදුසුකම් රහිත වෙනත් සිසුන් යොදා ගැනීමට හැකියාව ලැබීම)
4. onlin ක්රමවේදය හරහා ඉතා නිවැරදිව සුදුස්සන් තෝරන බව අමාත්යාංශයේ ප්රධාන කොමසාරිස්වරිය පුරසාරම් දෙඩුවද සැබෑ තත්ත්වය ඊට හාත්පසින් වෙනස් ය. ICT පළමු කැමැත්ත ලෙස ඉල්ලු ඒ සදහා ඉහලම සුදුසුකම් ඇති අපේක්ෂකයන්ට තුන්වන කැමැත්ත ලෙස ඉල්ලු ඉංග්රීසි විෂයට තෝරා ගෙන ඇත.
එකම සිසුවා වසර දෙකකින්ම විද්යාපීඨ සදහා තේරි ඇති අතර ඒ නිසා වෙනත් සිසුන් රාශියකට අවස්ථාව අහිමි වී ඇත. පෙර වසරවල මේ ආකාරයට එකම නම දෙවරක් එකම විෂය වෙනුවට තේරීම වැලැක්වීමට හරස් පරික්ෂාව නම් ක්රමය යොදා ගනියි මෙවර එවැනි ක්රමයක් නැති නිසා සිසුන්ට දැඩි අසාධාරණයක් සිදුවේ.
එසේම සිසුන්ට ගැසට් එක අනුව පළමු කැමැත්ත දෙවන කැමැත්ත ආදි ලෙස ඉල්ලුම් කළ හැකි අතර නමුත් මෙම ඔන්ලයින් ක්රමවේදය යටතේ ඒ ක්රමවේදය ක්රියාත්මක කිරීමට අවශ්ය මෘදුකාංගය ලියවී නැති බව පෙනේ.
එසේම මෙම ක්රමවේදය විනිවිදභාවයෙන් අඩු බැවින් තේරි පත්වූ අයගේ නාම ලේඛනය පමණක් නොව සමස්ත දත්ත ගොණුවම සෑම අපේක්ෂකයෙකුටම පිවිස පරික්ෂා කිරීමට ඉඩ දිය යුතුය.
මෙහි වඩාත් සැක සහිත කාරණය වන්නේ සම්මුඛ පරික්ෂණ අවසන් වීමටත් මත්තෙන් වහාම සිසුන් බදවා ගන්නා ලෙස පීඨාධිපතිවරුන්ට බලපැම් කිරීමට ප්රධාන කොමසාරිස්වරිය කටයුතු කිරීමයි. එමගින් දූෂණයට ඉඩ ඇති අතර ඇය අමාත්යවරයාගෙන් ලකුණු දමා ගෙන දැනට දරණ වැඩ බලන ප්රධාන කොමසාරිස්කම ස්ථිර කර ගැනීමට උත්සාහ කරන බව පෙනේ
එසේම පීඨ බහුතරයක මේ වන විට පළමු වසර සිසුන් බදවා ගැනීමට අවශ්ය පහසුකම් සංවිධානය වී නැත. නිල්වලා පීඨයේ භෝජනාගාරය අලුත් වැඩියා කරමින් පවති. මුලුතැන් ගෙය අලුත්වැඩියා කරමින් පවති දැනට පීඨ තුළ සිටින සිසුන් සදහා ආහාර සකස් කරන්නේද ඉතා අපහසුවෙනි. බොහෝ පීඨවල හොස්ටල් අලුත්වැඩියා කරමින් පවතින අතර පීඨාධිපතිවරුන් සත්ය තත්ත්වය වසන් කරන්නේ ප්රධාන කොමසාරිස්ගෙන් ලකුණු දමා ගැනීමටය. විවිධ චෝදනාවලට විගණන විමර්ශනවලට ලක්ව සිටින පීඨාධිපතිවරුන් කිහිප දෙනෙකු ප්රධාන කොමසාරිස්ගේ අණට යටත්ව පීඨවල පවතින සත්ය තත්ත්වය වසන් කර පහසුකම් ඇති නිසා ඕනෑම වෙලාවක සිසුන් බදවා ගත හැකි යැයි පුරසාරම් දොඩන්නේ තම වරදවල්වලට අමාත්යාංශයේ සමාව ලබා ගැනීමට බව පද්ධතියේ සියලු දෙනා දනිති.
එසේම දැනට විද්යාපීඨ ඉගෙනුම ලබන සිසුන්ට ආහාර සදහා රුපියල් 8000ක් දෙන බව ප්රධාන කොමසාරිස් ඇතුලු අධ්යාපන අමාත්යාංශයේ අය මාධ්ය මගින් පුරසාරම් දෙඩුවද ඊට සතියකට පසු ඔවුන් පැවසුවේ මුදල් නොමැති නිසා රුපියල් 4800 පමණක් දිගටම ලබා දෙන බවත් ඉන් පුලුවන් විදිහට ශික්ෂණලාභීන්ට කන්න දෙන ලෙසත්ය. මේ තත්ත්වය තුළ ශික්ෂණලාභීන් කණ්ඩායම් දෙකක් වූ විට කෑම ලබා දීම කෙසේ කරන්නේද?
මේ පිළිබඳ සොයා බලා මේ රටේ අනාගතය තීරණය කරන සිසු දරුවන්ට උගන්වන ගුරු සිසු දරුවන්ට වූ අසාධාරණයට සාධාරණයක් ඉටුකර දෙන ලෙස ඉල්ලා සිටිමු."
විද්යාපීඨ කථිකාචාර්යවරුන්ගේ වෘත්තීය සංගමය
එවා ඇති SMS පණිවිඩ පහළින්...
සම්බන්ධිත පුවත් | Related News
ප්රධාන පුවත්
බාලවයස්කරුවන්ගේ ලිංගික වෙනස්කම් කිරීමේ ප්රතිකාර වෙනුවෙන් ඇමෙරිකානු රෝහල් ඩොලර් මිලියන 120ක් අයකරලා- ඇමෙරිකානු සෞඛ්ය හා මානව සේවා දෙපාර්තමේන්තුව
87-89 භීෂණ සමයේ සත්ය සොයා පාර්ලිමේන්තු තේරීම් කාරක සභාවක් සහ ස්වාධීන කොමිසමක් පත් කරන්න..- උවිඳු විජේවීර ජනපති අනුරගෙන් ඉල්ලයි..
යාපනය ආරක්ෂක සේනා මූලස්ථානය වෙනත් ස්ථානයකට ගෙන යාමේ සූදානමක්.. ජාතික ආරක්ෂාවට එල්ල වන අවදානම ගැන හිටපු හමුදා ප්රධානීහු සහ ආරක්ෂක විශ්ලේෂකයෝ අනතුරු අඟවති..
නැගෙනහිරට යැවූ ලක්ෂ 8ක පාසල් පෙළපොත් බෝතල් පත්තරකාරයකුට විකුණලා..
ඉරානයට අත තියපු ඇමරිකාවට දැන් මොකද වෙලා තියෙන්නේ?.. - ආචාර්ය ජගත් චන්ද්රවංශයන්ගෙන් විශ්ලේෂණයක්
22 සංශෝධනය ලබන 18 වැනිදා පාර්ලිමේන්තුවට..
කන්නියා උණුවතුර ලිං පුරාවිද්යා භූමිය, චෛත්යය සංරක්ෂණය නැවතත් අත්හිටුවයි?..
අධිකරණ පද්ධතියේ ස්වාධීනත්වයට බලපාන කරුණුවලදී අවදානම් ගැනීම කිසිසේත්ම අනුමත කරන්න බැහැ.. - රජීව් අමරසූරිය
කියුබානු විප්ලවයේ ශත සංවත්සරයට “ෆිදෙල්: උරුමය සහ අනාගතය” ජාත්යන්තර සමුළුව උත්කර්ෂවත්ව පවත්වයි.
LGBTQ+ සංකල්ප ඇතුළත් අධ්යාපන පැකේජය යළි පාසල් පද්ධතියට ඇතුළත් කරන්නට සූදානම් වන්නේ නම් ඊට එරෙහිව පාරට බහිනවා.. - ජාතික ගුරු ව්යාපාරය
විනිසුරුවරුන්ගේ විශ්රාම වයස දීර්ඝ කිරීම: ප්රශ්නය තියෙන්නෙ එක තැනක.. උත්තර දීල තියෙන්නේ වෙනත් තැනකට.. මේක වැරදියි.. - නීතිඥ සංගමයේ සභාපති රජිව් අමරසූරිය
කුච්චවේලි පිච්චමල් විහාරය අනතුරේ.. බෞද්ධ නටඹුන් විනාශයි..
විනිසුරුවරුන්ගේ විශ්රාම වයස දීර්ඝ කිරීමේ යෝජනාවෙන් අධිකරණයේ ස්වාධීනත්වයට බරපතළ බලපෑමක්..
විනිසුරුවරුන්ගේ විශ්රාම වයස දීර්ඝ කිරීමේ යෝජනාවට එක්සත් ජාතීන්ගේ සංවිධානය කනස්සල්ලෙන්..
ජනපතිට යැවූ ලිපියට පිළිතුරු නොලැබීම ගැන මල්වතු මහනාහිමි කනස්සල්ල පළ කරයි..
අධිකරණ ඇමති දන්නෙ නෑ කිව්ව මහ නායක හිමිකරුන් ජනාධිපතිට යැවූ ලිපිය මෙන්න..