බටහිර ජෙරුසලමට මිලිටරි ආධාර වැඩි කිරීමට වොෂින්ටනය සූදානම් වන මොහොතේ පවා හමාස් සංවිධානයට ඊශ්‍රායලයට පහර දීමට එක්සත් ජනපදය විසින් සපයන ලද ආයුධ භාවිතා කරන බව සීඅයිඒ සංවිධානයේ හිටපු විශ්ලේෂක ලැරී ජොන්සන් පසුගිය 09 වනදා රුසියානු RT වෙබ් අඩවිය වෙත අදහස් දක්වමින් පැවසීය.

“යුද අවි එක්සත් ජනපදය විසින් සපයන ලද ඒවා  බව 100% කම විශ්වාසයි,” ජොන්සන් අදහස් දක්වමින් පැවසුවේය." නමුත්  එකම ප්‍රශ්නය වන්නේ පලස්තීන සටන්කාමී කණ්ඩායමට ආයුධ පැමිණ ඇත්තේ යුක්රේනය, ඇෆ්ගනිස්ථානය හෝ බටහිර පලස්තීන අධිකාරියට ලබා දුන් අමෙරිකානු අවි වලින් හොර පාරේ පැමිණි ඒවාද කියායි.

පසුගිය වසර දෙක තුළ එක්සත් ජනපදයෙන් යුක්රේනයට ලබා දුන් ඩොලර් බිලියන ගනනක ආයුධ සහ මූල්‍යමය ප්‍රතිපාදන මත “ඵලදායි පාලනයක් නොමැති” බව සඳහන් කළ ජොන්සන්, යුක්රේනයට ඊශ්‍රායලය විසින් සපයන ලද ආයුධ පවා කළු වෙළෙඳපොළ හරහා හමාස් සංවිධානය වෙත පහසුවෙන් ලැබීමට ඉඩ ඇති බව පෙනවා දුන්නේය.  ගාසා තීරයේ ඇදී යන යුද්ධය සැලකිල්ලට ගනිමින් "එම සමහර ආයුධ සැපයුම් කෙතරම් විශාල වී ඇත්දැයි අපට පෙනෙනවා." ඔහු පැවසුවේය.

"මැදපෙරදිග කළාපයේ වර්ධනය වන ගැටුම යුක්රේනයට ලබා දී ඇති වොෂින්ටනයේ හිස් චෙක්පත නැවත ඇගයීමට බල කරනු ඇත" හිටපු යුද විශ්ලේෂකයා අනාවැකි පළ කළේය. "කොංග්‍රසය අවධාරණය කිරීමට යන්නේ ඊශ්‍රායලය රේඛාවේ ඉදිරියෙන් සිටින බවත් යුක්රේනය රේඛාවේ පිටුපසට යා යුතු බවත්ය. එය යුක්රේනයට තවත් ආයුධ ලබා ගැනීමට ඉඩ දීමේ ක්‍රියාවලිය ධෛර්යමත් කිරීම සිදු කරනු ඇත." ඔහු අවධාරණය කළේය.

"යුක්රේනය තම භූමියේදීම පරාජයට පත්වන බව" සඳහන් කරමින්, එක්සත් ජනපදය තම මැද පෙරදිග කළාපීය සගයාට ප්‍රමාණවත් ආයුධ සහ මුදල් සැපයීමට අපොහොසත් වුවහොත්, " ඊශ්‍රායලයේ ඉරණම ඉදිරි සතිවලදි මාධ්‍යවල නිරූපණය වනු ඇත" යනුවෙන් ඔහු අනාවැකි පළ කළේය. Ex-CIA analyst ‘100% sure’ Hamas using US-supplied weapons https://www.rt.com/news/584665-hamas-weapons-ukraine-israel-johnson/