කොතලාවල වෛද්‍ය පීඨයට ශ්‍රී ලංකා වෛද්‍ය සභාව විසින් ලබා දී ඇති අනුමැතිය අත්හිටවන ලෙස ඉල්ලීමක්... අවම ප්‍රමිතීන් උල්ලංඝනය කරලා
කොතලාවල වෛද්‍ය පීඨයට ශ්‍රී ලංකා වෛද්‍ය සභාව විසින් ලබා දී ඇති අනුමැතිය අත්හිටවන ලෙස ඉල්ලමින් මහජන යුතුකම් කේන්ද්‍රය විසින් ශ්‍රී ලංකා වෛද්‍ය සභාවට ලිපියක් යොමුකර තිබේ.
වෛද්‍ය සභාව විසින් කොතලාවල වෛද්‍ය පීඨය පරීක්ෂා කිරීමෙන් අනතුරුව ලබාදුන් නිර්ණායක උල්ලංඝනය කරමින් කොතලාවල වෛද්‍ය පීඨය විසින් අත්තනෝමතික ලෙස සිසුන් බඳවා ගැනීමේ සුදුසුකම් ඉතාමත් පහළ දමා අවම ප්‍රමිතීන්ද උල්ලංඝනය කරමින් සිසුන් බඳවා ගැනීමට කටයුතු කර ඇති බවත් එම ලිපිය මගින් පෙන්වා දී තිබේ.
අදාළ ලිපිය පහළින්...
මහාචාර්ය වජිර දිසානායක මහතා
සභාපති
ශ්‍රී ලංකා වෛද්‍ය සභාව
නොරිස් කැනල් පාර
කොළඹ
කොතලාවල වෛද්‍ය පීඨයේ සිවිල් සිසුන් සඳහා මුදල් ගෙවා වෛද්‍ය උපාධිය ලබාදීම
මැතිතුමනි,
ශ්‍රී ලංකාවේ වෛද්‍ය ක්ෂේත්‍රයේ සහ රෝගී ජනතාවගේ ආරක්ෂකයන් වන ඔබ වෛද්‍ය සභාවේ අවධානය පහත සඳහන් කරුණු කෙරෙහි යොමු කරවමි.
1. ලෝක වෛද්‍ය සභාවේ විශේෂ අනුමැතියක් ශ්‍රී ලංකාවට හිමිව ඇත්තේ මෙතෙක් කල් ඔබ වෛද්‍ය සභාව විසින් පවත්වාගෙනු ලැබූ ප්‍රමිතිය ආරක්ෂාව වීම හේතුවෙනි. එය සුවිශේෂී තත්වයක් වන අතර ශ්‍රී ලංකාව වෛද්‍ය අධ්‍යාපනය සම්බන්ධයෙන් ලබා ගත් මිල කළ නොහැකි ගෞරවනීය තත්ත්වයකි එය ආරක්ෂා කිරීමට කටයුතු කළ ඔබ සියලු දෙනා අපගේ ගෞරවණීය පැසසුමට ලක්වේ.
2. එවන් පසුබිමක් තුළ පසුගිය කාලයේ පිහිටවනු ලැබූ සයිටම් ආයතනය ද එවැනි ප්‍රමිතියෙන් තොර ආයතනයක් බව ඔබ ආයතනයේ නිරීක්ෂණය සහ ලෝක වෛද්‍ය සභාවේ නිරීක්ෂණයට ද ලක්ව එය අසාධුගත ලේඛනයට ඇතුලත්ව ඇති බව දැන් රටට සහ ලෝකයාට රහසක් නොවේ.
3. එවන් පසුබිමක ඔබ වෛද්‍ය සභාව විසින් කොතලාවල වෛද්‍ය පීඨය පරීක්ෂා කිරීමෙන් අනතුරුව ලබාදුන් නිර්ණායක උල්ලංඝනය කරමින් කොතලාවල වෛද්‍ය පීඨය විසින් අත්තනෝමතික ලෙස සිසුන් බඳවා ගැනීමේ සුදුසුකම් ඉතාමත් පහළ දමා අවම ප්‍රමිතීන්ද උල්ලංඝනය කරමින් සිසුන් බඳවා ගැනීමට කටයුතු කර ඇත.
4. එය ඔබ ආයතනයේ ගෞරවනීය නාමයට සහ ප්‍රමිතිය ආරක්ෂා කළ ශ්‍රී ලංකාවේ සමස්ත සෞඛ්‍ය සේවයට කළ බරපතල කැළලක් බව අපගේ විශ්වාසයයි
තවද එමගින් ශ්‍රී ලංකාවේ වෛද්‍ය සේවයට බොහෝ උගතුන් බිහිකළ මෙරට ජාතික පාසල් පද්ධතියේ ඉගෙනුම ලබන සිසුන්ගේ අයිතිවාසිකම් ද බරපතල ලෙස උල්ලංඝනය කර ඇත.
විභාග පැවැත්වීම වෛද්‍ය විද්‍යාල වලට බඳවා ගැනීම විභාග ප්‍රතිඵල ලබාදීම වැනි කරුණු නිසා ජාතික පාසල් පද්ධතියේ ශිෂ්‍යයකුගේ කාලයට වඩා වසර 05 ක (පහක) අඩු කාලයකින් අඩු සුදුසුකම් ලබන ජාත්‍යන්තර පාසලක සිසුවෙක් හට මුදල් නිසාම ශ්‍රී ලංකාවේ වෛද්‍ය සේවයට එක්වීමේ හැකියාවක් ඇත එමගින් ප්‍රමිතිය ආරක්ෂා වී නොමැත.
මුදල් නිසාම අඩු සුදුසුකම් සහිත සිසුන් සෞඛ්‍ය සේවයට එක්වීම හේතුවෙන් සෞඛ්‍ය සේවයේ ප්‍රමිතිය බරපතළ ලෙස උල්ලංඝනය වී ශ්‍රී ලංකාවේ සෞඛ්‍ය සේවය බරපතල ලෙස කඩා වැටීමකට ලක්විය හැක.
එය ශ්‍රී ලංකාවේ තවත් අභ්‍යන්තර ගැටුමකට මූලික මානව අයිතිවාසිකම් උල්ලංඝනය වීමකට මුල් විය හැක.
එබැවින් ඔබ විසින් මීට පෙර පරීක්ෂා කර බලා කොතලාවල වෛද්‍ය පීඨයට වෛද්‍ය සිසුන් පුහුණු කිරීමට ලබා දුන් අවසරය ඔබගේ ප්‍රමිතීන් ඔබ දැනුවත් නොකර ඉතා තදබල ලෙස උල්ලංඝනය කර ඇති බැවින් විශේෂ කරුණු විමසීමකින් තොරව අදාළ වෛද්‍ය පීඨයට ලබා දී ඇති අවසරය අහෝසි කරන ලෙසත් එමගින් මේ රටේ වෛද්‍ය අධ්‍යාපනය සහ ශ්‍රී ලංකාවේ රෝගීන්ගේ ආරක්ෂාව තහවුරු කරන ලෙසත් මින් කාරුණිකව ඉල්ලා සිටිමි.
ස්තුතියි
වසන්ත අල්විස්
කැඳවුම්කරු
මහජන යුතුකම් කේන්ද්‍රය
සම්බන්ධිත පුවත් | Related News
ප්‍රධාන පුවත්
පළාත් පාලන ආයතන ඡන්ද විමසීම ඇරඹෙයි
දේශීය ඖෂධ කර්මාන්තය බිඳවැටෙන අවදානමක් - ඇමති නලින්දගේ හැසිරීම ගැන සංගම් තුනකින් විරෝධය..
දැඩි බෞද්ධ විරෝධය මැද ශාක්‍යයන්ට අයත්ව තිබූ බෞද්ධ ධාතු හොංකොංවලදී වෙන්දෙසි කිරීමේ සූදානමක්..
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)
ගිවිසුම් 7ක් මගින් ලංකාව යටත් කර ඉන්දියානු ව්‍යාප්තවාදයේ ගොදුරක් බවට පත් කිරීමේ ඉන්දියානු මෙහෙයුම මේ මොහොතේ නිවැරදිව හඳුනාගත යුතුයි - මහාචාර්ය පූජ්‍ය මැදගොඩ අභයතිස්ස හිමි (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)
ලෝක කම්කරු දිනය අදයි..
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම්වලට විරෝධය පළ කරමින් ජාත්‍යන්තර පෙත්සමක් අත්සන් තබති.. (ඡායාරූප)