සිරිල් ගාමිනි පියතුමන් පැදවු රථයක් හැපී අයෙක් රෝහලට.. දේශබන්දුට කතාකරලා ගොඩදාගත්ත - ටිරාන් අලස් කියයි... පොලිස් ඇමැති කිව්වේ පට්ටපල් බොරුවක් - කතෝලික සභාව කියයි

Dec 22, 2023 at 06:05 PM

|

Lanka Leader

අගරදගුරු නිල නිවසේ මාධ්‍ය ප්‍රකාශක සිරිල් ගාමිණී පියතුමන් විසින් පසුගිය දිනෙක ධාවනය කළ මෝටර් රථය යතුරු පැදියක හැපී අනතුරක් සිදුව ඇති බවත්, එහිදී එම තුවාලකරු රෝහල් ගත කර සිරිල් ගාමිණි පියතුමා පොලිස් අත්අඩංගුවට පත්ව ඇති බවත් මහජන ආරක්ෂක ඇමැති ටිරාන් අලස් මහතා ප්‍රකාශකර තිබිණි.

එම අවස්ථාවේ දී අගරදගුරු මැල්කම් රංජිත් කාදිනල්තුමන්ගේ සමීපතමයෙකු එවකට ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් අමතා උදව් ඉල්ලා ඇති බව ටිරාන් අලස් මහතා සඳහන් කළේය.

අනතුරුව පොලිස් විමර්ශනයෙන් පසු සිරිල් ගාමිණී පියතුමාට ඇප ලැබී ඇති අතර පසුදා උදෑසන සිරිල් ගාමිණී පියතුමා දේශබන්දු තෙන්නකෝන් මහතා අමතා ස්තුතිය පළ කර ඇති බව ද ඇමතිවරයා පැවසීය.

තමන්ට ප්‍රශ්න ඇතිවූ අවස්ථාවල මේ ආකාරයෙන් හැසිරෙන අය පසුව තමන් කිසිම අවස්ථාවක පොලිසියට කතා නොකළ අයුරින් හැසිරෙන බවද ඔහු පෙන්වා දෙයි.

ඒ මහතා මෙම අදහස් පල කරන ලද්දේ ජනාධිපති කාර්යාලයේ පැවැති මාධ්‍ය හමුවක් අමතමිනි.

මේ අතර, රිය අනතුරකින් පසු සිරිල් ගාමිණි පියතුමාව පොලීසියට රැගෙන ගිය අවස්ථාවේදී පියතුමාව බේරාදෙන්නැයි වැඩබලන පොලිස්පති දේශබන්දු තෙන්නකෝන් මහතාට ආයාචනයක් නොකළ බව කොළඹ අගරදගුරු පදවි, ජන සන්නිවේදන අධ්‍යක්ෂ ජූඩ් ක්‍රිශාන්ත ප්‍රනාන්දු පියතුමා පවසයි.

අමාත්‍ය ටිරාන් අලස් මහතා කළ එම චෝදනාවට අද (22) මාධ්‍ය සාකච්ඡාවක් කැඳවමින් පිළිතුරු දෙමින් ජූඩ් ක්‍රිශාන්ත පියතුමන් මේ බව පැවසීය.

ජූඩ් ක්‍රිශාන්ත ප්‍රනාන්දු පියතුමා වැඩිදුරටත් සඳහන් කළේ ආයාචනා කළ සිද්ධිය සම්පූර්ණයෙන් බොරුවක් බවය.

ෙ