පරාටේ නීතියෙන් දේපොළ අහිමිවූ 127දෙනෙක් දිවි නසාගෙනලු
ඇතිවූ ආර්ථික අර්බුදයට මුහුණ දීමට නොහැකිව පරාටේ නීතිය යටතේ තමන්ගේ දේපොල අහිමිවූ මේ රටේ සුළු හා මධ්‍ය පරිමාණ ව්‍යවසායකයන් 127 දෙනකුට ආසන්න පිරිසක් මේ වනවිට සියදිවි හානිකරගෙන ඇතැයි දිස්ත්‍රික් ඒකාබද්ධ ව්‍යවසාය සංවිධානයේ සභාපති චම්ලි කුමාරසිරි කුරුණෑගලදී ඊයේ (3වැනිදා) පැවැති එම සංගමයේ රැස්වීමකදී සඳහන් කළේය.
තවත් පිරිසක් ඉදිරියේදී සියදිවි හානිකර ගැනීමේ තත්ත්වයක සිටින බවද එහිදී අනාවරණය විය.
දිස්ත්‍රික් ඒකාබද්ධ ව්‍යවසාය සංවිධානයට සම්බන්ධ දිස්ත්‍රික්ක 17 ක නියෝජිතයෝ විශාල පිරිසක් මේ අවස්ථාවට සහභාගි වූහ. ඉදිකිරීම්, වැවිලි, සංචාරය, සහල්, කුකුළු ගොවිපළ ව්‍යාපාරික ක්ෂේත්‍රයන්ට අයත් සුළු හා මධ්‍ය පරිමාණ ව්‍යවසායකයෝ මීට සහභාගි වූහ.
පාස්කු ප්‍රහාරය, කොවිඩ් අර්බුදය සහ රටේ පැවැති මූල්‍ය අර්බුදය හමුවේ වසර හතරක පමණ කාලයක සිට මේ රටේ සුළු හා මධ්‍ය පරිමාණ කර්මාන්ත සියල්ලම විශාල ඇදවැටීමකට ලක් වුණා. නමුත් මේ සම්බන්ධයෙන් අවධානය යොමු කර සහනයක් දීමට මෙතෙක් පැවැති කිසිදු රජයක් ක්‍රියා නොකළ බව ද චම්ලි කුමාරසිරි මෙහිදී අවධාරණය කළේය.
මෙම අර්බුදකාරි තත්ත්වය යටතේ ව්‍යාපාර සඳහා ලබාගත් ණය ගෙවීමට නොහැකි වීම හේතුවෙන් මේ වනවිට අධිකරණ නියෝග ලබාගෙන ව්‍යාපාරිකයන් තමන්ගේ ව්‍යාපාරික ස්ථානවලින් එළියට ඇද දැමීම නිසා ඔවුන් අද මෙවැනි අවාසනාවන්ත තත්ත්වයකට ගොදුරු වී සිටින බවත්, පරාටේ නීතියට යටත් කළ කිසිම ව්‍යාපාරිකයකුට කොපමණ ඉල්ලීම් කළත් බැංකුවලින් සහනයක් නොලැබුණ බවත්, හෙතෙම පෙන්වා දුන්නේය.
එබැවින් පසුගිය කාලයේදී සමස්ත රටටම මුහුණ දීමට සිදුවූ ආර්ථික අර්බුදයෙන් විපතට පත් සුළු හා මධ්‍ය පරිමාණ ව්‍යවසායකයන් ගොඩ ගැනීම සඳහා වැඩපිළිවෙළක් සකස් කරන ලෙස වත්මන් ජනාධිපතිවරයාගෙන් ද ඉල්ලා සිටින බවත්, චම්ලි කුමාරසිරි පැවැසීය.
දිස්ත්‍රික් ඒකාබද්ධ ව්‍යවසාය සංවිධානයේ ජාතික සංවිධායක අනිල් නිරෝෂණ සහ එහි ලේකම් සාගරිකා වීරසිංහ ද මෙහිදී අදහස් දැක්වූහ.
- අරුණ
සම්බන්ධිත පුවත් | Related News
ප්‍රධාන පුවත්
කන්නන්ගර මහතා නොසිටියා නම් අද ශ්‍රී ලංකාවේ අධ්‍යාපනය සිංහල නොවෙයි.. භාෂාවත් සිංහල නොවෙයි.. - ස්වභාෂා අධ්‍යාපනයට සිදුවූ දේ මහාචාර්ය පූජ්‍ය ඉඳුරාගාරේ ධම්මරතන හිමි හෙළිකරති..
යුරෝපයේ මහා පරිමාණ සංක්‍රමණය: අනාගතයේ දැඩි ජනගහන අර්බුදයක්.. ස්වදේශික ජනතාව සුළුතරයක් වීමේ අවදානමක්..
මහ බැංකු මොනිටරින් බෝර්ඩ් එකේ මූල්‍ය සමාගම්වල පිල්ලි; සුජාතභාවය ගැන සැකයක්..
කතානායක ජගත් වික්‍රමරත්නට එරෙහි දෝෂාභියෝගයේ චෝදනා 50 එළියට.. ජනාධිපතිගේ රැකවරණයත් අහිමි වෙයි?
ප්‍රංශය ගිනිතියන ගැටවුන්ගේ අරගලය සහ ගෝලීය අර්බුදය.. - උවිඳු විජේවීරගෙන් අනාවරණයක්..
ඥානසාර හිමියන්ගේ චීවරය ඉවත් කිරීමේ සිද්ධිය සහ කුරුන්දි ඇතුළු පුරාවිද්‍යා ස්ථාන සම්බන්ධ පෙත්සම් අද අභියාචනාධිකරණයේදී විභාගයට..
කළු ජූලියෙන් පමණක් ඉතිහාසය අවසන් කළ නොහැකියි.. - ලයනල් බෝපගේ සහ අතුල සුමතිපාල විපක්ෂ නායකවරයාට ලියති..
අගමැතිතුමිය ජාත්‍යන්තරයෙන් පැවරූ වැඩේ වේගයෙන් කරගෙන යනවා.. ඥානසාර හාමුදුරුවෝ හිතළුවක් කළා නෙමේ.. මේවට අවශ්‍ය කස මීට කලින් හැඩවුණා.. - සඳුන් බණ්ඩාර බෝදරගම
2010 වසරෙන් පසු පළමු වරට ලෝක දරිද්‍රතාව ඉහළට! චීනය වේගයෙන් දරිද්‍රතාවය පහළ දැමූ රටයි! – එක්සත් ජාතීන්ගේ සංවිධානය
ආර්ථික අර්බුදයෙන් ගොඩ එනවා වෙනුවට ආණ්ඩුව රට වැරදි දිශාවකටයි ගෙන යන්නේ.. මේ ගමනේ අවසානය රටේ ඒකීයභාවයට තර්ජනයක්.. - විමල් වීරවංශ
ඇමරිකානු අභ්‍යන්තර දේශපාලනයේ බලපෑමෙන් රුසියානු-ඇමරිකානු සබඳතාවල නව හැරවුමක්.. කියෙව් පාලනය සහ යුරෝපය දැඩි කම්පනයක..
ආණ්ඩුක්‍රම ව්‍යවස්ථාවේ පළමු පරිච්ඡේදය රට.. දෙවන පරිච්ඡේදය ආගම නොව බුද්ධාගමයි.. - මහාචාර්ය පූජ්‍ය ඉඳුරාගාරේ ධම්මරතන හිමි
මේ රටේ බෞද්ධයාගේ ඉවසීම පරීක්ෂා කරන්න යන්න එපා.. බොර්න් අගේන් කල්ලියකට අවශ්‍ය විදිහටයි අද මේ රට නටවන්නේ.. - විමල් වීරවංශ
අඛණ්ඩ ඉන්ධන සැපයුමකට රජයෙන් පැහැදිලි සැලසුමක් නෑ.. - පෞද්ගලික ඉන්ධන සමාගම් පවසයි..
තවත් IMF වැඩසටහනකට යන්න රජය සූදානම්.. මේ දිනවල එය සාකච්ඡා කරනවා.. - ජනපති
ඥානසාර හිමිට දුන් දඬුවම නීති විරෝධියි.. - හිටපු අගවිනිසුරු සරත් එන්. සිල්වාගෙන් සැර ප්‍රකාශයක්..