2025 අප්‍රේල් මාසයේ සිට ක්‍රියාත්මක වන පරිදි පුද්ගල ආදායම් බදු ව්‍යුහය සඳහා සංශෝධන සිදුකිරීමට ඇමැති මණ්ඩල අනුමැතිය හිමිව තිබේ.

මැතිවරණ රැස්වීම් සඳහා සෙනග සපයන මෑන් පවර් ආයතන බිහිව ඇතැයි හිටපු අධිකරණ, බන්ධනාගාර අමාත්‍ය ජනාධිපති අපේක්ෂක විජයදාස රාජපක්ෂ මහතා පවසයි.

ජනාධිපතිවරණයේ ප්‍රචාරක කටයුතු අවසන් වීමෙන් පසුව පවතින පැය 48 ක නිහඬ කාල​යේ දී සමාජ මාධ්‍ය ඔස්සේ සිදුවන අපේක්ෂක ප්‍රචාරක කටයුතු හා මඩ ප්‍රචාර ආදිය නතර කිරීම සඳහා පුළුල් වැඩපිළිවෙළක් ක්‍රියාත්මක කිරීමට මැතිවරණ කොමිෂන් සභාව සැලසුම් කර ඇත.

රටට බලවත් ලෙස අනර්ථකාරී වන 13 වන සංශෝධනය පූර්ණ ලෙස බලාත්මක කිරීමට පවා අවකාශය සැලසෙන සත්‍ය සෙවීමේ කොමිසම පනත් කෙටුම්පත පාර්ලිමේන්තුවේ සම්මත කිරීමට පක්ෂද? විරුද්ධද යන්න ගැන තම මතය ප්‍රකාශ කරන්නැයි අපේ ජනබල පක්ෂයේ ජනාධිපති අපේක්ෂක කීර්ති වික්‍රමරත්න මහතා ජනාධිපති අපේක්ෂකයන්ගෙන් ඉල්ලීමක් කරයි.

මෙරට පළාත් 9කින් 7ක මහ ජාතිය වන සිංහල ජාතිය උතුරු සහ නැගෙනහිර පළාත්වල සුළු ජාතිය බවට පත්වී ඇති බවත්, මෙවර ජනාධිපතිවරණයේ දී ද ඔවුන්ට සාධාරණයක් ඉටුවනු ඇතැයි විශ්වාස නොකරන බවත් සිසු සෙවන සංවිධානයේ සහ සසුන රැකුමට සිංහල ගෝලීය එකමුතුවේ සභාපති කෝසල පත්තිනිගේ මහතා පවසයි.

සැප්තැම්බර් 21 පැවැත්වෙන ජනාධිපතිවරණයෙන් පසු පත්වන නව ශ්‍රී ලංකා රජය සමඟ සාකච්ඡා කර සිය වැඩසටහන යටතේ මීළඟ සමාලෝචනය සාකච්ඡා කරන බව අන්තර්ජාතික මූල්‍ය අරමුදල පවසයි.

ඩිල්මා ආයතනයේ හිටපු සභාපති මෙරිල් ජේ. ෆර්නැන්ඩු මහතා 2021 වසරේ දී ජනතා විමුක්ති පෙරමුණේ සභික වසන්ත සමරසිංහ මහතා වෙත යැවූ බව පැවසෙන ලිපියක් අන්තර්ජාලයේ සංසරණය වේ.

මෙම මස 9 වෙනිදා සිට 13 වෙනිදා දක්වා රුසියාවේ සන්නද්ධ හමුදාවන්හි සාමාන්‍ය කාර්ය මණ්ඩලයේ හමුදා ඇකඩමියේ ප්‍රධානී කර්නල් ජෙනරාල් වී.බී. සරුඩ්නිට්ස්කිගේ ප්‍රධානත්වයෙන් නියෝජිත පිරිසක් ශ්‍රී ලංකාවේ සංචාරයක නිරතවිය.

තමා අධිකරණ අමාත්‍යවරයා ලෙස කටයුතු කළ සමයේදී සූර්ය බලශක්තිය සම්බන්ධයෙන් අධිකරණය ලබාදුන් නියෝගයක් අනුව කටයුතු කිරීම වැළැක්වූ බවට අසත්‍ය ප්‍රකාශයක් කර ඇති ජනාධිපති අපේක්ෂක කීර්ති වික්‍රමරත්න සහ එම ජනමාධ්‍ය සාකච්ඡාව මෙහෙය වූ ජනමාධ්‍යවේදියාට එරෙහිව අධිකරණයට අපහාස කිරීමේ චෝදනා යටතේ නීතිමය පියවර ගන්නා ලෙස ඉල්ලා ජනාධිපති අපේක්ෂක හිටපු අධිකරණ අමාත්‍ය, පාර්ලිමේන්තු මන්ත්‍රී ආචාර්ය විජයදාස රාජපක්ෂ ඊයේ (12දා) ශ්‍රේෂ්ඨාධිකරණයට පෙත්සමක් ගොනුකළේය.