ඉකුත් වසරවල සිදුවූ අපරාධවල දත්ත සැසඳීම්, මේ වසරේ මුල් මාස දෙකේදී අපරාධවල විශේෂ වර්ධනයක් නොමැති බව මහජන ආරක්ෂක හා පාර්ලිමේන්තු කටයුතු ඇමැති ආනන්ද විජේපාල මහතා ඊයේ (27 දා) පාර්ලිමේන්තුවේදී පැවසීය.

මැතිවරණ කොමිෂන් සභාව විසින් 2025 වර්ෂයේ දේශපාලන පක්ෂ පිළිගැනීම සඳහා සුදුසුකම් ඇති ක්‍රියාකාරී පක්ෂවලින් අයදුම්පත් කැඳවන බව නිවේදනය කරනවා. ඒ අනුව, මැතිවරණ කාර්ය සඳහා පිළිගත් දේශපාලන පක්ෂයක් ලෙස සලකනු ලැබීම සඳහා වූ අයදුම්පත් හෙට (28) සිට මාර්තු මස 28 වනදා ප.ව. 3.00 දක්වා භාරගැනීම සිදුකරන බවයි එම නිවේදනයේ සඳහන්.

වර්තමාන ආණ්ඩුව වාමවාදී ආණ්ඩුවක් ලෙස සමහරුන් සිතා සිටිනමුත් මෙය වාමවාදී ආණ්ඩුවක් නොවන බව විමල් වීරවංශ මහතා පවසයි. ඔහු මේ අදහස් පළකළේ පසුගියදා රූපවාහිනී සාංාදයකට එක්වෙමිනි.

බැඳුම්කර සිද්ධියට චෝදනා ලැබ සිටින හිටපු මහ බැංකු අධිපති අර්ජුන් මහේන්ද්‍රන් මහතා මෙරටට එන ඒමට කිසිදු නීතිමය බාධාවක් නැතැයි පිවිතුරු හෙළ උරුමයේ නායක නීතිඥ උදය ගම්මන්පිල පවසනවා.

හිටපු ජනාධිපති රනිල් වික්‍රමසිංහ මහතා තම කාර්යාලයේ (පෙබරවාරි 26දින) පැවති තරුණ සැසියක් අමතමින් සදහන් කරන්නේ තමා ජනතා විමුක්ති පෙරමුණ ප්‍රජාතන්ත්‍රවාදී ප්‍රවාහයට ගෙන ඒමට කටයුතු කළ බැවින් අද එම කණ්ඩායමට ආණ්ඩු බලය ලබාගැනීමට හැකිවී ඇති බවය.

පසුගිය 24 වැනිදා ජාත්‍යන්තර මානව හිමිකම් කවුන්සිලයේ 58 වැනි සැසිය අමතමින් විදේශ අමාත්‍ය විජිත හේරත් මහතා සදහන් කරන්නේ ජාත්‍යන්තර ප්‍රජාව සමඟ දිගටම එකඟතාවය පවත්වා ගැනීමට (Engagement) මෙන්ම මානව හිමිකම් සහ ප්‍රතිසන්ධාන ක්‍රියාවලිය ඉදිරියට ගෙනයන බවට පොරොන්දුවක් ලබාදී ඇත.

අධිරාජ්‍ය විරෝධී ජාතික සංසදය විසින් ඊයේ(26) කොළඹ 7 ශ්‍රී ලංකා පදනම් ආයතනයේදී සංවිධානය කර තිබූ "යුක් රේන ප්‍රොක්සි යුද්ධය : ඇත්ත සහ බොරුව " ඡායාරූප ප්‍රදර්ශනයේ සමාරම්භක උත්සවයට සහභාගි වෙමින් ජාතික නිදහස් පෙරමුණේ නායක හිටපු අමාත්‍ය විමල් වීරවංශ මහතා පවසා සිටියේ, ඊනියා මයිදාන් සහ ගෝල් ෆේස් පන්නයේ අරගල වලින් පාර කැපෙන්නේ සෙලෙන්ස්කිලා වැනි ජනතාවට විනාශය රැගෙන එන නායකයන්ට බවයි.

මහ බැංකු බැදුම්කර ගනුදෙනුවකට අදාල විමර්ශනයක් සදහා හිටපු මහ බැංකු අධිපතිවරයෙකු වන අර්ජුන් මහේන්ද්‍රන් ශ්‍රී ලංකාවට ලබා දිය නොහැකි බව සිංගප්පූරු රජය ප්‍රකාශ කරයි. ඔහු ශ්‍රී ලංකාවේ ඉපදුන ද මේ වනවිට සිංගප්පූරු පුරවැසියෙක් බැවින් තම පුරවැසියන්ගේ ආරක්ෂාව පිළිබඳ වගකීමක් ඇතැයි ද සදහන් කර තිබේ.

ආහාර උද්ධමනය ඉහළ යෑම නිසා ලංකාවේ ජනතාව ඉදිරියේ දී මන්දපෝෂණ අර්බුදයකට මුහුණ දියහැකි අවදානමක් රට හමුවේ ඇති බව වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානයේ සභාපති වෛද්‍ය චමල් සංජීව පැවසීය.