මහ නගර සභා සහ නගර සභා ආඥාපනත යටතේ සිදු කරන ලද පරීක්ෂණවලින් අනතුරුව, වවුනියාව නගරාධිපති සුන්දරලිංගම් කන්දීපන් සහ චාවකච්චේරි නගර සභා උප සභාපති ඥානප්‍රගාසම් කිෂෝර් යන දෙදෙනා වහාම ක්‍රියාත්මක වන පරිදි ඔවුන්ගේ තනතුරුවලින් සහ සභා සාමාජිකත්වයෙන් ඉවත් කිරීමට උතුරු පළාත් ආණ්ඩුකාර එන්. වේදනායගන් පියවර ගෙන තිබේ.

වෙනිසියුලාවේ කැරකස් අගනුවරට ආසන්නව ප්‍රබල භූමිකම්පාවක් හට ගෙන ඇති අතර, එහි බලපෑම කොලොම්බියාවට ද දැනී තිබේ.

‘ගොවියාගෙන් කෙහෙල්කැනත් කපාගෙන, ගොවියාගෙන්ම ප්ලේන්ටියකුත් බීලා, ගොවියාගේ වී ටිකත් හාල් ටිකත් අරගෙන, ඔය ඔබ තමුන්නාන්සේලා කියන විදිහටම ගොවියාගේ කසිප්පු ටිකත් බීලා, දැන් පාර්ලිමේන්තුව ඇවිල්ලා ගොවියාට කසිප්පුකාරයා කියනවා ගොවියා තමන්ගේ වී ටික විකුණාගන්න බැරුව පාරට බැස්සම, තමන්ගේ පොහොර ටික ඉල්ලලා පාරට බැස්සම කසිප්පුකාරයෝ වෙනවා’ යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

මැතිවරණවලදී ඡන්දය ප්‍රකාශ කිරීමෙන් පසු ඇඟිලිවල තීන්ත ආලේප කිරීමේ (ඇඟිලි ආලේපකය) ක්‍රියාවලිය නැවැත්වීමට ඇති හැකියාව පිළිබඳව හිටපු මැතිවරණ කොමසාරිස් මහින්ද දේශප්‍රිය මහතා අදහස් දක්වා තිබේ.

කිසිදු අයුරකින් විදේශයන්ගෙන් සහල් ආනයනය නොකරන බවට ජනාධිපතිවරයා කලකට පෙර සිදුකළ ප්‍රකාශයක් මේ වන විට සමාජ මාධ්‍ය තුළ සංසරණය වේ.

මෙරට ඇතැම් දිස්ත්‍රික්ක සහ ප්‍රදේශවල ඩෙංගු මදුරු කීට ඝනත්වය මනින 'බිටෝ දර්ශකය' (Breteau Index) සාමාන්‍ය මට්ටම මෙන් පස් ගුණයකින් ඉහළ ගොස් ඇති බව රජයේ වෛද්‍ය නිලධාරීන්ගේ සංගමය අනතුරු අඟවයි.

අයි.ඩී.එච්.ඩෙංගු යුනිට් එක සෙනසුරාදා - ඉරිදා වසා දමා ඇතැයි පාර්ලිමේන්තු මන්ත්‍රී චාමර සම්පත් දසනායක මහතා පාර්ලිමේන්තුවේදී පැවසීය.

පාස්කු ඉරුදින ත්‍රස්ත ප්‍රහාර සිද්ධිය සම්බන්ධයෙන් සිදුකරන විමර්ශනවලට අදාළව තමන්ව අත්අඩංගුවට ගැනීම වළක්වාලන නියෝගයක් නිකුත් කරන ලෙස ඉල්ලා හිටපු ජනාධිපති ගෝඨාභය රාජපක්ෂ මහතා ඉදිරිපත් කළ පෙත්සමේ වැඩිදුර කරුණු දැක්වීම් ජූලි මස 06 වනදා දක්වා කල් තබා තිබේ.

වයස අවුරුදු 16ට අඩු දරුවන්ගේ සමාජ මාධ්‍ය භාවිතය සීමා කිරීමේ පනත් කෙටුම්පත ජනාධිපති නීතිඥ පා.ම. ෆයිසර් මුස්තාෆා මහතා විසින් අද (24) පාර්ලිමේන්තුවට ඉදිරිපත් කළේය.