ඊයේ (24දා) මැදියම් රාත්‍රියේ දී නත්තල උදාවූ අතර, මෙවර නත්තලේ තේමාව වූවේ දිළින්දන් සමඟ නත්තල් උත්සවය සැමරීම යන්නය.

මහජන යුතුකම් කේන්ද්‍රය නිවේදනයක් නිකුත්කරමින් පවසන්නේ මෙම වසර තුළ මේ වන විට වෛද්‍යවරුන් සහ විශේෂඥ වෛද්‍යවරුන් 1500 ක් විදේශ ගත වූ බව පසුගියදා වාර්තා වී ඇති බවත්, වෛද්‍යවරුන්ගේ රට හැර යෑම මේ වනවිට සීග්‍රයෙන් ඉහළ ගොස් ඇති බවත්ය.

ජනාධිපතිවරණයට ඉදිරිපත්වීම සඳහා තමාට සෙසු පක්‍ෂවල සහාය ලබාගන්නා ආකාරය පිළිබඳව කතාබහ ආරම්භ කරන බව ප්‍රකට ව්‍යාපාරික පාර්ලිමේන්තු මන්ත්‍රී ධම්මික පෙරේරා මහතා සති අග ජාතික පුවත්පතකට පවසා තිබේ.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පවසන්නේ උත්සව සමය වෙනුවෙන් පොලිස් නිලධාරීන් විශේෂ රාජකාරිවලට යොමු කිරීමට අවශ්‍ය බැවින් මත්ද්‍රව්‍ය ජාවාරම්කරුවන් සහ පාතාල සාමාජිකයන් සොයාකරන ‘යුක්තිය’ මෙහෙයුම අද (24) සිට දින කීපයකට අත්හිටුවන බව යි.

මොස්කව් පරිපාලන්ය “මිත්‍රශීලී නැතැයි” සලකන ජාතීන්ගේ නායකයින්ට මේ වසරේ ජනාධිපති ව්ලැඩිමීර් පුටින්ගේ සම්ප්‍රදායික අලුත් අවුරුදු සහ නත්තල් සුබ පැතුම් එවන්නේ නැති බව ක්‍රෙම්ලිනයේ ප්‍රකාශක දිමිත්‍රි පෙස්කොව් සෙනසුරාදා TASS පුවත් සේවය වෙත පසමින් අවධාරණය කර සිටියේ රුසියාවේ මිතුරන්ට සහ සංධානගත රාජ්‍ය වල නායකයන්ට පමණක් අලුත් අවුරුදු සුභ පැතුම් පණිවිඩ රුසියාවෙන් ලැබෙනු ඇති බවයි.

මහජන ආරක්ෂක අමාත්‍යංශය පවසන්නේ අද (24) අලුයම අවසන් කෙරුණු යුක්තිය පැය 24ක මෙහෙයුම් තුළින් සැකකරුවන් 1534 දෙනෙකු අත්අඩංගුවට ගෙන ඇති බවයි.

මන්නාරම නගරයේ නිවසක සඟවාගෙන සිටි ජෙලට්නයිට් නැමති පුපුරණද්‍රව්‍ය කූරු 525 ක් සහ ඩෙටනේටර් නැමති පුපුරණද්‍රව්‍ය 354 ක් සමග සැකකරුවෙකු අත්අඩංගුවට ගත් බවට මන්නාරම පොලිසිය පවසයි.

ජාතික සුරක්ෂිතතා දිනය සැමරීම සදහා මේවන විට සියලු කටයුතු සූදානම් කර ඇතිබව ආපදා කළමනාකරණ මධ්‍යස්ථානයේ අධ්‍යක්ෂ ජෙනරාල් විශ්‍රාමික මේජර් ජෙනරාල් සුදන්ත රණසිංහ මහතා පැවසීය.

හුස්ම ගැනීමට අපහසු තත්ත්වයෙන් සහ පෙනහළු ආසාදිත තත්ත්වයකින් මහනුවර ජාතික රෝහලට ඇතුළත් කළ පුද්ගලයකු මියගොස් ඇති බවත් ඔහුගේ මරණයෙන් පසු සිදු කළ පී.සීආර්. පරීක්ෂණයේදී ඔහු කොවිඩ් ආසාදිතයකු බවට තහවුරු වී ඇති බවත් මහනුවර ජාතික රෝහල් ආරංචි මාර්ග පවසයි.