පළාත් සභා මැතිවරණය හැකි ඉක්මනින් පවත්වන ලෙස ඉන්දීය රජය ශ්‍රී ලංකා රජයට නැවත වරක් දැනුම් දී ඇති බව දේශපාලන ආරංචි මාර්ග සඳහන් කරයි.

ගත වූ 78 වසරක කාලය තුළ මෙරට කිසිදු පාලකයකු හෝ ආණ්ඩුවක් සිදු නොකළ, දුෂ්ඨ ක්‍රියාවක්, වර්තමාන ආණ්ඩුව යටතේ සිදු කිරීමට අමාත්‍ය මණ්ඩලය විසින් තීන්දු කර ඇති බවත්, ඒ අනුව 2026 ජනවාරි 5 දින පැවැත් වූ අමාත්‍ය මණ්ඩලය විසින් මෙතෙක් පැවති නිදහස් සෞඛ්‍ය සේවය අවසන් කිරීමේ ආරම්භය සනිටුහන් කරමින් තීන්දු දෙකක් ප්‍රකාශයට පත් කර ඇති බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ඉරානය සහ ඊශ්‍රායලය අතර ඇතිවිය හැකි ගැටුම්කාරී තත්ත්වයක් පිළිබඳ අවදානම සැලකිල්ලට ගනිමින්, බ්‍රිතාන්‍යය ඇතුළු ප්‍රබල රාජ්‍යයන් කිහිපයක් සිය රාජ්‍ය තාන්ත්‍රික නිලධාරීන් සහ පුරවැසියන් කලාපයෙන් ඉවත් කර ගැනීමට කටයුතු කරමින් සිටින බව විදෙස් මාධ්‍ය වාර්තා කරයි.

පසුගිය කිසිම ආණ්ඩුවක් ප්‍රසම්පාදනයකින් තොරව ගල්අඟුරු ගෙන්වීමට කිසිම සමාගමකට ලබාදී නැති බවත්, ගිය ආණ්ඩුව කාලේ ගල්අඟුරු ගෙන්වීමට ලබාදී තිබූ සමාගම යෝෂිත රාජපක්ෂගේ හිතවත් සමාගමක් නොව එය මාලිමා ආණ්ඩුවේ කොළඹ නගරාධිපතිනියගේ මස්සිනා එම සමාගමේ නියෝජිතයා ලෙස කටයුතු කළ බවත් පාර්ලිමේන්තු මන්ත්‍රී ඩී.වී. චානක මහතා අන්තර්ජාල නාලිකාවකදී පවසයි.

බාල ගල්අඟුරු වංචාවේ මහමොළකරු සම්බන්ධයෙන් රජය රටට සත්‍යය අනාවරණ කළ යුතු බව විපක්ෂ නායක සජිත් ප්‍රේමදාස මහතා පවසයි.

පාස්කු ඉරුදින ත්‍රස්ත ප්‍රහාරය සම්බන්ධයෙන් සිදුකරන විමර්ශනවලට අදාළව අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් රාජ්‍ය බුද්ධි සේවයේ හිටපු අධ්‍යක්ෂ, විශ්‍රාමික මේජර් ජෙනරාල් සුරේෂ් සලේ මහතාගෙන් දින 90ක කාලයක් රඳවාගෙන් ප්‍රශ්න කිරීමට අවසර හිමිව තිබේ.

උද්ධමනය පුරෝකථනය කළ මට්මට වඩා ඉහළ යෑම සඳහා අවදානම් කිහිපයක් හේතු විය හැකි බව මහ බැංකුව පවසයි.

මේජර් ජනරාල් තුවාන් සුරේෂ් සලේ මහතා අත්අඩංගුවට ගැනීම යනු රටේ ජාතික ආරක්ෂාව සහ රාජ්‍යයේ පැවැත්ම බිඳවට්ටමින් දෙමළ ඩයස්පෝරාවේ උවමනාවන් ඉටු කිරීම සඳහා දියත් කර ඇති “දේශපාලන මෙහෙයුමක්” බව ජාතික නිදහස් පෙරමුණේ නායක විමල් වීරවංශ මහතා අද (27) ප්‍රකාශ කළේය. බත්තලමුල්ලේ පිහිටි පක්ෂ මූලස්ථානයේ පැවති මාධ්‍ය හමුවකදී ඒ මහතා මේ බව අවධාරණය කළේය.

ඊයේ (26) දින එක්සත් ජනපදයේ ෆ්ලොරිඩා ප්‍රාන්තයේ ලියාපදිංචි නාවික යාත්‍රාවක සිටි පුද්ගලයින් 10 දෙනෙකු සම්බන්ධ කර ගනිමින් ත්‍රස්තවාදී අරමුණු සඳහා කියුබාව ආක්‍රමණය කිරීමට ගත් උත්සාහය සම්බන්ධයෙන් ප්‍රකාශයක් නිකුත් කරමින් කියුබා ජනරජයේ නියෝජ්‍ය විදේශ අමාත්‍ය කාලෝස් ෆර්නැන්ඩෙස් ද කොසියෝ පවසන්නේ මෙය හුදකලා සිද්ධියක් නොවන බවත්, වසර 60 කට වැඩි කාලයක් කියුබාව ආක්‍රමණශීලීත්වයට සහ ගණන් කළ නොහැකි ත්‍රස්තවාදී ක්‍රියාවලට ගොදුරු වී ඇති අතර, ඒවායින් බොහොමයක් එක්සත් ජනපදය විසින් සංවිධානය කර, අරමුදල් සපයා සහ සිදු කර ඇති බවත් ය.