අදියර 7 ක් යටතේ, දින 44 ක් තිස්සේ පැවැති ඉන්දීය මහ මැතිවරණයේ ඡන්ද ගණන් කිරීම අද (4) ඉන්දියාවේ වේලාවෙන් උදෑසන 8.30 ට ආරම්භ වීමට නියමිත බවත්, ඒ අනුව ප්‍රතිඵල නිකුත් කිරීම ද සිදුවන බවත් වාර්තා වේ.

එක්සත් ජාතික පක්ෂ කෘත්‍යාධිකාරී මණ්ඩලය ඉදිරි මැතිවරණ ඉලක්ක කර ගනිමින් නව නිලධාරී මණ්ඩලයක් පත් කරගනු ලැබ තිබේ.

ජනාධිපතිවරණය සහ මහ මැතිවරණය ජනමත විචාරණයකින් වසර දෙකකින් කල් තබන ලෙස තමා ඉල්ලා සිටියේ ආණ්ඩුක්‍රම ව්‍යවස්ථාවට අනුකූලව යැයි එක්සත් ජාතික පක්‍ෂ මහලේකම් පාලිත රංගේ බණ්ඩාර මහතා ඊයේ (03දා) පැවසීය.

ආණ්ඩුපක්ෂයේ මන්ත්‍රී කණ්ඩායම් රැස්වීමේදී ඇතිවූ ආරවුලක් හේතුවෙන් පාර්ලිමේන්තු මන්ත්‍රී ගුණතිලක රාජපක්ෂ මහතා තුවාල ලබා රෝහල්ගතකර තිබේ.

ගාසා ජන ඝාතන වහා නවත්වන ලෙසත්, ඊශ්‍රායලය විසින් සිදුකරනු ලබන මෙම ජන සංහාරය සඳහා එක්සත් ජාතීන්ගේ ආරක්ෂක මණ්ඩලය වගකිව යුතු බවත් පවසමින් නිදහස් වෙළෙඳ කලාප සහ පොදු සේවා සේවක සංගමය නිවේදයක් නිකුත්කර තිබේ.

වෘත්තීය සමිති, සිවිල් සංවිධාන, ජාතික සංවිධාන එක්ව "යෝජිත විදුලි පනත ඇතුළු රටට එරෙහි පනත් වහාම හකුලා ගනු" යන මැයෙන් පොල්දූව මංසන්ධියේ දී(පාර්ලිමේන්තු වටරවුම අසල) සංවිධාන කරන අඛණ්ඩ සත්‍යග්‍රහයට එරෙහිව අධිකරණ නියෝගයක් ලබාදී තිබේ.

හිටපු අමාත්‍ය කෙහෙළිය රඹුක්වැල්ල ඇතුළු සැකකරුවන් 08 දෙනෙකු ජුනි මස 14 වනදා දක්වා රක්ෂිත බන්ධනගාරගතකර තිබේ.

ජූනි 1 වනදා සිට ක්‍රියාත්මක වන පරිදි කිලෝග්‍රෑම් 50ක සිමෙන්ති කොට්ටයක මිල රුපියල් 150කින් පහළ දමා තිබේ.

පවතින අයහපත් කාලගුණික තත්ත්වය මත දිස්ත්‍රික්ක කිහිපයක සහ කලාප කිහිපයක රජයේ පාසල් හෙට (04) විශේෂ නිවාඩු දිනයක් ලෙස ප්‍රකාශයට පත්කර තිබේ.