ක්‍රිෂ් ගනුදෙනුව සම්බන්ධයෙන් සිදු කරනු ලබන විමර්ශනයට අදාලව රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂ සහ එම සමාගමේ හිටපු අධ්‍යක්ෂිකා ජානකී සිරිවර්ධන ලබන 23 දක්වා තවදුරටත් රක්ෂිත බන්ධනාගාරගත කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම අද (16) නියෝග කළේය.

ජනාධිපති ලේකම් කාර්යාලය, ජනාධිපති මන්දිරය සහ මුදල් අමාත්‍යාංශය ඇතුළු ස්ථාන කිහිපයකට ඇතුළුවීම මෙන්ම පදික වේදිකා අවහිර කිරීම තහනම් කරමින් කොටුව මහේස්ත්‍රාත් පසන් අමරසේන විසින් නියෝගයක් නිකුත් කර තිබේ.

සෞදි අරාබියේ ක්‍රියාත්මක වන දැවැන්ත හරිත ව්‍යාපෘතියක් සඳහා ශ්‍රී ලංකාවෙන් අපනයනය කිරීමට සැලසුම් කර තිබූ ඇමරිකානු ඩොලර් මිලියන 130.16ක කොහුබත් ව්‍යාපෘතියක්, රාජ්‍ය ආයතනයක නිලධාරියකු විසින් නීතිවිරෝධී ලෙස අල්ලස් ඉල්ලීමක් සිදුකළ බවට එල්ල වූ චෝදනාවක් හේතුවෙන් සම්පූර්ණයෙන්ම අවලංගු වී ඇති බව වාර්තා වේ.

මහනුවර රාජධානිය ඉංග්‍රීසීන් විසින් යටත් කරගැනීමේ දී රජ්ජුරුවන්ව අත්අඩංගුවට ගෙන වීදි දිගේ කොළඹට රැගෙන ඒමේදී මතු නොවූ ජනතා විරෝධයක් භික්ෂූන් වහන්සේලාව සිරගත කිරීමට වීදි මැදින් රැගෙන ඒමේදී දියත්වූ බව ඉංග්‍රීසීන්ගේ වාර්ථාවක සඳහන්ව ඇති බවත්, වසර දහස් ගණනක් තිස්සේ මෙරට සමාජයේ මුල් බැසගත් සංස්කෘතික මූලයන් ඇති බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි.

ගලගොඩඅත්තේ ඥානසාර හිමියන්ට වහා නිදහස ලබාදෙන ලෙස ඉල්ලා මහා සංඝරත්නයේ මූලිකත්වයෙන් ආරම්භ වූ 'සිවුරට යුක්තිය - නිදහසේ පා ගමනට' එක්වූ භික්ෂූන් වහන්සේලා ඇතුළු පිරිස අද (16) උදෑසන වනවිටත් ජනාධිපති ලේකම් කාර්යාලය ඉදිරිපිට මාර්ගයේ රැඳී සිටිති.

යේමනයේ දකුණුදිග වරාය නගරයක් වන ආඩන් (Aden) හි පිහිටි අල්-මාෂික් (al-Maashiq) ජනාධිපති මන්දිරය ඉලක්ක කරගනිමින් හූති කැරලිකරුවන් එල්ල කළ බැලස්ටික් මිසයිල ප්‍රහාරයකින් පුද්ගලයින් පස්දෙනෙකු ජීවිතක්ෂයට පත්ව තවත් 16 දෙනෙකු තුවාල ලබා ඇති බව විදෙස් මාධ්‍ය වාර්තා කරයි.

මහනුවර සිට කොළඹ දක්වා පාගමනින් පැමිණ ජනාධිපති කාර්යාලය අසල සාමකාමී විරෝධතාවයක නිරත වෙමින් සිටින භික්ෂුන් වහන්සේලාට එරෙහිව ගෙන ඇති මර්දනකාරී ක්‍රියාමාර්ග විපක්ෂ නායක සජිත් ප්‍රේමදාස මහතා දැඩි ලෙස හෙළා දැක තිබේ.

පූජ්‍ය ගලගොඩ අත්තේ ඥානසාර හිමියන්ගේ නිදහස වෙනුවෙන් මහා සංඝරත්නය සහ ජනතාව ඊයේ මහනුවර සිට කොළඹට පාගමනින් පැමිණ ජනාධිපති කාර්යාලය අසලට පැමිණි අතර, එහිදී උණුසුම් තත්ත්වක් නිර්මාණය විය.

තමන් වහන්සේගේ ඡන්දය මාලිමාවට ලබාදීම ගැන කණගාටු වන බවත්, ජනාධිපතිවරයා භික්ෂූන් වහන්සේලාගේ පාගමන ගැන නොදැන සිටියා නම්, ඔහු රටේ නායකයාද, නැතිනම් පැලවත්තේ නායකයාදැයි මහාචාර්ය පූජ්‍ය පාතේගම ඤානිස්සර හිමියෝ ප්‍රශ්න කරති.