රුසියාවේ හිටපු ශ්‍රී ලංකා තානාපති උදයංග වීරතුංග මහතාට සහ ශ්‍රී ලන්කන් ගුවන් සේවයේ හිටපු ප්‍රධාන විධායක නිලධාරී කපිල චන්ද්‍රසේන මහතාට ඇමෙරිකා එක්සත් ජනපදය සම්බාධක සහ වීසා සීමා තහනම් පනවා ඇතැයි වාර්තා වේ.

දේශීය සහල් වර්ග සඳහා උපරිම සිල්ලර සහ තොග මිල නියම කරමින් පාරිභෝගික කටයුතු පිළිබඳ අධිකාරිය විසින් අංක 2414/02 දරණ ගැසට් නිවේදනය සහ 2414/04 දරණ ගැසට් නිවේදනය ඊයේ(09) නිකුත් කරනු ලැබ ඇත.

ඒකාබද්ධ වෘත්තිය සමිති සන්ධානය පවසන්නේ ඉන්දියාවෙන් සහල් ආනයනය කිරීම සඳහා කටයුතු කිරීමෙන් අයුතු ලාභයක් උපයා ගැනීමට කටයුතු කර තිබෙන බවයි.

කොළඹ අපරාධ කොට්ඨාසයේ හිටපු අධ්‍යක්ෂ සහකාර පොලිස් අධිකාරි නෙවිල් සිල්වා මහතා අත්අඩංගුවට ගෙන තිබේ.

ඉන්දියාවෙන් ආනයනය කරනු ලබන නාඩු සහල් කිලෝවක් රුපියල් 150ක් වැනි මිලකට අලෙවි කිරීමේ හැකියාව තිබියදී එම කිලෝවක් රුපියල් 220ට අලෙවි කිරීමට දීමෙන් ආනයනකරුවන් අධික ලාභයක් ලබනවා යැයි ගොවිජන එකමුතුවේ සභාපති අනුරාධ තෙන්නකෝන් මහතා පැවසීය.

අර්චුනා රාමනාදන් මන්ත්‍රීවරයා සම්බන්ධයෙන් අපරාධ පරීක්ෂණ දෙපාර්තමේන්තුවට සිදු කළ පැමිණිලි සම්බන්ධයෙන් ඔහුව කැඳවා ප්‍රශ්න කිරීම සිදු නොකර පැමිණිලි කළ පාර්ශ්වය අපරාධ පරීක්ෂණ දෙපාර්තමේන්තුවට කැඳවා ප්‍රශ්න කරන බවට සමාජ ක්‍රියාකාරිකයන් චෝදනා නගයි.

2024 උසස් පෙළ (උ/පෙළ) විභාග රාජකාරිවල නිරත නිලධාරීන්ගේ ප්‍රවාහන දීමනා අඩු කිරීම සඳහා විභාග කොමසාරිස් ජනරාල්වරයා චක්‍රලේඛ දෙකක් නිකුත් කිරීම සම්බන්ධයෙන් ගැටලුවක් මතුව ඇතැයි ලංකා ගුරු සංගමයේ ප්‍රධාන ලේකම් ජෝසප් ස්ටාලින් මහතා පවසයි.

වෙළෙඳපොළේ පොල් මිල ඉහළ යාම හේතුවෙන් දිවයින පුරා බොහෝ නග්‍රවල ආපනශාලාවල පොල් සම්බෝලය සහ කිරි හොදි ලබාදීම නතර කර ඇති බව සමස්ත ලංකා ආපනශාලා ක්‍රියාකරුවන්ගේ සංගමයේ ප්‍රධානියා වන හර්ෂණ රුක්ෂාන් පවසයි.

දිවයිනේ සියලුම නාගරික ප්‍රදේශවල වාතයේ ගුණාත්මක භාවය අද(09) තරමක් අයහපත් මට්ටමකට පැමිණ ඇති බව ජාතික ගොඩනැගිලි පර්යේෂණ සංවිධානය (ණ්ඹ්ර්‍O) පැවසයි. එම ආයතනයට අනුව දිවයින පුරා නගරවල වායු තත්ත්ව දර්ශකය 100 ත් 150 ත් අතර පරාසයක පවතින බවයි.