සිංහල දෙමළ අලුත් අවුරුද්දෙන් පසු මැතිවරණය පවත්වන බවත්, බැසිල් වෙහෙස නොබලා කටයුතු කරන්නේ තම පක්‍ෂයේ ජයග්‍රහණය තහවුරු කිරීමට මිස රනිල් යළි බලයේ පිහිටුවීමට නොවන බවත් පවසමින් රුසියාවේ හිටපු ශ්‍රී ලංකා තානාපති උදයංග වීරතුංගගේ සමාජ මාධ්‍ය සටහනක් තබා තිබේ.

පාර්ලිමේන්තු මන්ත්‍රී ගාමිණී වලේබොඩ මහතාගේ ප්‍රධානත්වයෙන් ආර්ථික අර්බුදයේ බලපෑම සමනය කිරීම සඳහා වූ ආංශික අධීක්ෂණ කාරක සභාව පසුගිය බ්‍රහස්පතින්දා පාර්ලිමේන්තු සංකීර්ණයේදී රැස්වූ අවස්ථාවේදී අනාවරණය වී ඇත්තේ පසුගිය වසර තුළ රට පුරා විදුලිය විසන්ධි කිරීම් මිලියනයකට අධික සංඛ්‍යාවක් සිදු කරඇති බවයි.

බෙලිඅත්ත පංච පුද්ගල ඝාතනයට ආධාර අනුබල දුන් ඌරගහ මයිකල් සහ බූස්සේ හර්ෂ යන දෙදෙනා සහ වෙඩි තැබීම සිදුකළ බවට සැක කෙරෙන දෙදෙනෙකු ඩුබායිහි දී එරට පොලීසිය විසින් අත්අඩංගුවට ගෙන ඇත.

දෙදහස් නවයේ විදුලිබල පනතේ 30 වැනි වගන්තිය අනුව විදුලිබල මණ්ඩලයට ලාභ ලැබිය නොහැකි බැවින් එම මණ්ඩලය ලැබුවා යැයි කියන රුපියල් බිලියන හැටකට ආසන්න ලාභය මෙම රටේ සමස්ත විදුලි පාරිභෝගිකයන් අතරේ රුපියල් දොළොස්දහස බැගින් බෙදා දිය යුතු යැයි විදුලිය පාවිච්චි කරන්නන්ගේ සංගමයේ ලේකම් සංජීව ධම්මික මහතා පවසයි.

‘ශක්තිමත් ආර්ථිකයක් – ජයග්‍රාහී ගමනක්’ තේමාව යටතේ නව සන්ධානයේ දෙවන ජන රැළිය අද (24දා) ප.ව. 2.30ට කොළඹ හයිඩ් පිටියේදී පවත්වන බව එහි නිර්මාතෘ හිටපු ඇමැති පාර්ලිමේන්තු මන්ත්‍රී නිමල් ලන්සා මහතා පවසයි.

ජල සම්පාදන හිටපු රාජ්‍ය අමාත්‍ය සනත් නිශාන්ත මහතාගේ මරණයට හේතූව මේ අවස්ථාවේ දී ප්‍රකාශයට පත් කිරීමට හැකියාවක් නැතැයි වැලිසර මහෙස්ත්‍රාත් තුසිත ධම්මික උඩුවවිදාන මහතා සඳහන් කර තිබේ.

කොක්කුතුඩුවායි සමූහ මිනිවළ 1994 - 1996 දක්වා කාලයට අයත්විය හැකි බවට සමූහ මිනිවළ සම්බන්ධයෙන් කැනීම් කටයුතුවලට එක්වු පුරාවිද්‍යා නිලධාරීන් නිගමනය කරන බවට මුලතිව් මහේස්ත්‍රාත් අධිකරණයට වාර්තාවක් මඟින් දන්වා ඇතැයි, මුලතිව් දිස්ත්‍රික් රෝහලේ විශේෂඥ අධිකරණ වෛද්‍ය නිලධාරි කනකසභාපති වාසුදේව පවසයි.

විශ්‍රාමික මේජර් ජෙනරාල් සත්‍යප්‍රිය ලියනගේ මහතා සමගි ජන බලවේගය සමඟ එක්වී තිබේ.

ජාතික මතවාදය වෙනුවෙන් සැමවිටම පෙනීසිටිමින් ජාත්‍යන්තර වශයෙන් හා දේශීය වශයෙන් ඒ වෙනුවෙන් තම හඬ අවදිකරමින් රට වෙනුවෙන් තම මාධ්‍ය භාවිතාව හැසිරවූ ප්‍රවීන මාධ්‍යවේදිනී ෂෙනාලි වඩුගේ මහත්මියගේ ආදරණීය මෑණියන් වූ ශ්‍රීමා වඩුගේ මහත්මිය ඉකුත් දා අභාවප්‍රාප්ත විය.