ත්‍රිකුණාමලය ශ්‍රී සම්බුද්ධ ජයන්ති බෝධිරාජ විහාරයේ කොටසක් කඩා ඉවත් කරන ලෙස වෙරළ සංරක්ෂණ දෙපාර්තමේන්තුව විසින් නිකුත් කර තිබෙන නියෝගය ක්‍රියාත්මක වීම වළක්වන ආඥාවක් නිකුත් කරන ලෙස ඉල්ලා එහි විහාරාධිපති හිමියන් විසින් ගොනුකර තිබූ රිට් පෙත්සම යළි අප්‍රේල් මස 28 වැනිදා කැඳවන ලෙස අභියාචනාධිකරණය නියම කළේය.

පළාත් සභා ඡන්ද විමසීම කුමන මැතිවරණ ක්‍රමය යටතේ පැවැත්විය යුතුද යන්න සොයා බලා වාර්තා කිරීම සඳහා මෙන්ම ඒ පිළිබඳව යෝජනා සහ නිර්දේශ ඉදිරිපත් කිරීම සඳහා පාර්ලිමේන්තු විශේෂ කාරක සභාවක් පත් කර තිබේ.

අයථා ලෙස වත්කම් උපයා ගැනීමේ සිද්ධියක් සම්බන්ධයෙන් රක්ෂිත බන්ධනාගාර ගත කර සිටි හිටපු අමාත්‍යංශ ලේකම්වරයකු වන අනුෂ පැල්පිට මහතා ඇප මත මුදා හැරීමට කොළඹ මහෙස්ත්‍රාත් අධිකරණය නියම කළේය.

ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ පෙබරවාරි මස අග එක්සත් රාජධානියේ ඔක්ස්ෆර්ඩ් (Oxford Union) සහ කේම්බ්‍රිජ් (Cambridge Union) යන ශිෂ්‍ය සංගම් ඇමතීමට නියමිතව තිබූ බව වාර්තා වන අතර, ඊට එරෙහිව බ්‍රිතාන්‍යය පුරා වෙසෙන දෙමළ ඩයස්පෝරාව හා එල්ටීටීඊ හිතවාදීන් ඒකාබද්ධව දැඩි විරෝධයක් ප්‍රකාශ කර ඇති බවත් වාර්තා වේ.

ශ්‍රී ලංකාව තුළ වෙසෙන සහ මෙහි පැමිණෙන රුසියානු පුරවැසියන් බටහිර රටවල් විසින් පනවා ඇති සම්බාධක හේතුවෙන් දැඩි අපහසුතාවයට පත්ව ඇති බවත්, මෙය රුසියානු ජනතාවට එරෙහිව පනවා ඇති ‘සමූහ දඬුවමක්’ බවත් ශ්‍රී ලංකාවේ රුසියානු තානාපති ලෙවන් ජගර්යන් මහතා ප්‍රකාශ කරයි.

වත්මන් ආණ්ඩුවේ මැති ඇමැතිවරු මහා සංඝරත්නයට අපහාස කරන බව පූජ්‍ය කෙහෙල්වත්තේ විමලතිස්ස හිමි පවසති.

දිවයින පුරා වෙසෙන සංඝයා වහන්සේලාගේ වැඩම කිරීමෙන් සිදුවන මහා සඟ සමුළුව සමස්ත ලංකා බෞද්ධ මහා සම්මේලන පරිශ්‍රයේ අද (20 වැනිදා) පස්වරු 2.00ට පැවැත්වේ.

හිටපු ජනාධිපති රනිල් වික්‍රමසිංහ මහතාගේ බිරිඳ වන මෛත්‍රී වික්‍රමසිංහ මහත්මියට අද (20) මූල්‍ය අපරාධ විමර්ශන කොට්ඨාසය වෙත පැමිණීමට නියමිතව තිබේ.

නොරෙච්චෝලේ බලාගාරයට බාල ගල් අඟුරු ආනයනය ඔස්සේ මහ බැංකු වංචාවට වඩා විශාල වංචාවක් සිදුව ඇතැයි විදුලිය පාවිච්චි කරන්නන්ගේ සංගමයේ සභාපති එච්.ඩී.ආර්. අතුල මහතා පවසයි.