රාජ්‍ය බුද්ධි සේවයේ හිටපු ප්‍රධානී, විශ්‍රාමික මේජර් ජෙනරාල් සුරේෂ් සලේ අත්අඩංගුවට ගැනීම ආණ්ඩුවේ තවත් එක් රැවටීමක් බව හිටපු පාර්ලිමේන්තු මන්ත්‍රී සරත් වීරසේකර පවසයි.

ජනාධිපති අනුර කුමාර දිසානායක මහතාගේ පසුගිය යාපනය සංචාරය අතරතුර කොක්කුවිල් තාක්ෂණ විද්‍යාලයීය ක්‍රීඩාංගණයේ පැවැති එක් උත්සවයක් සඳහා පමණක් රුපියල් එක් කෝටි දස ලක්ෂ හැත්තෑ නවදහස් හැත්තෑපහයි ශත පනහක (11,079,075.50$) දැවැන්ත මුදලක් වැය කර ඇති බව තොරතුරු දැනගැනීමේ අයිතිවාසිකම යටතේ ලබාගත් වාර්තා මගින් අනාවරණය වී ඇතැයි 'තිනකුරල්' පුවත්පත වාර්තා කරයි.

කියුබානු දේශසීමා ආරක්ෂකයින් විසින් අමෙරිකා එක්සත් ජනපදයේ ලියාපදිංචි (speedboat) බෝට්ටුවකට වෙඩි තබා පුද්ගලයින් සිව්දෙනෙකු ඝාතනය කර තිබේ.

2026 පෙබරවාරි 12 වැනිදා බංග්ලාදේශ මහ මැතිවරණය පැවැත්වුණු අතර, මැතිවරණය පැවැත්වූ ආසන 299න් 212ක් දිනාගැනීමට බංග්ලාදේශ් ජාතිකවාදී පක්ෂය සමත් වූ බවත්, බංග්ලාදේශ ආණ්ඩු පෙරළියට දායක වූ ශිෂ්‍ය ව්‍යාපාරය විසින් ගොඩනගා ගත් පක්ෂය ආසන 30කට තරඟ කොට දිනාගත්තේ ආසන 6ක් පමණක් බවත් ජ්‍යෙෂ්ඨ මාධ්‍යවේදී මොහාන් සමරනායක මහතා පවසයි.

රජයේ වෛද්‍ය නිලධාරීන්ගේ සංගමය (GMOA) ලබන සඳුදා (2 වැනිදා) සිට ක්‍රියාත්මක වන පරිදි 'ආරෝග්‍යා සායන' කටයුතුවලින් ඉවත් වීමට එම සංගමය තීරණය කර ඇත.

මේ වන විට අන්තර්ජාලයේ සැරිසරන බුදුන් වහන්සේට මහා සංඝරත්නයට සහ බෞද්ධ ආගමට අපහාස කරමින් ගායනා කළ ගීතය නිර්මාණය කළ පුද්ගලයා මේ වන විට හෙළිදරව් වී ඇත.

ආන්දෝලනයට තුඩු දී ඇති ආනයනික බාල ගල්අඟු‍රු සිද්ධිය සම්බන්ධයෙන් මහජන උපයෝගිතා කොමිසම පරීක්ෂණයක් ආරම්භ කර තිබේ.

නොරච්චෝලේ ලක්විජය බලාගාරය සඳහා මෑතකදී ආනයනය කරන ලද ගල්අඟුරු ප්‍රමිතියෙන් තොර වීම හේතුවෙන් බලාගාරයේ උපරිම ජනන ධාරිතාව ලබා ගැනීමට බරපතල බාධා එල්ල වී ඇති බවත්, දැනට ගෙන්වා ඇති ගල්අඟුරුවල පවතින ගුණාත්මක භාවයේ අඩුවීම හේතුවෙන් බලාගාරය සතු උපරිම ධාරිතාවය කරා ළඟා වීමට නොහැකි තත්ත්වයක් නිරීක්ෂණය වී ඇති බවත් විදුලි ඉංජිනේරුවන් අනාවරණය කරයි.

චීන සයිබර් ආරක්ෂණ ආයතන කිහිපයක් අද(26) වාර්තාවක් නිකුත් කරමින්, ගෝලීය අථත්‍ය මුදල් වත්කම් විශාල ප්‍රමාණයක් රාජසන්තක කිරීම සඳහා එක්සත් ජනපදය එහි තාක්ෂණික සහ නියාමන බලපෑම උපයෝගී කර ගන්නා බවට චෝදනා කරනු ලැබුවේය.