ඉතිහාසය ඇත්තේ හුදෙක් දත්ත හැදෑරීම සඳහා පමණක් නොවන බවත්, ඉතිහාසය විසින් අනාගතය තීන්දු කරනු ලබන බවත් මහාචාර්ය පූජ්‍ය ඉඳුරාගාරේ ධම්මරතන හිමියෝ පවසති.

ජනාධිපති අනුර දිසානායක මහතා විසින් වව්නියාවේ පැවැති රැස්වීමක දී දේශපාලන සිරකරුවන් නිදහස් කිරීමට පොරොන්දුවීම මගින් ජාත්‍යන්තර බලවේග ශ්‍රී ලංකාවට එරෙහිව එල්ල කරන චෝදනා සනාථ වෙන බවට හිටපු අධිකරණ අමාත්‍ය විජයදාස රාජපක්ෂ මහතා චෝදනා කරයි.

හැකිනම් ජනාධිපතිවරණයේ දී ජාතික ජනබලවේගය ලබාගත් ඡන්ද වලට වඩා එකක් හෝ වැඩියෙන් ඡන්ද ගෙන පෙන්වන ලෙස සර්ව ජනබලයේ කොළඹ දිස්ත්‍රික් අපේක්ෂක, පිවිතුරු හෙළ උරුමයේ නායක උදය ගම්මන්පිල මහතා ආණ්ඩුවට අභියෝග කරයි.

බදු මග හැර නීතිවිරෝධී ලෙස ආනයනය කරන ලද අඩු මිල පාවහන් ඉහළ යෑම හේතුවෙන් මෙරට පාවහන් කර්මාන්තය දැඩි අභියෝගවලට මුහුණ පා සිටී.

ප්‍රමිතියෙන් තොර ඖෂධ රජයේ රෝහල්වලට ගෙන්වා බෙදාහැරීම සම්බන්ධයෙන් පසුගිය ආණ්ඩුවේ කැබිනට් අමාත්‍යවරුන් 18 දෙනකුගෙන් ප්‍රකාශ සටහන් කරගන්නා ලෙස මාලිගාකන්ද මහේස්ත්‍රාත් අධිකරණය නියෝග කර තිබේ.

මාලිමාවේ කළුතර දිස්ත්‍රික් කණ්ඩායම් නායක වෛද්‍ය නලින්ද ජයතිස්ස මහතා ඉගෙන ගත් සී ඩබ්ලිව් ඩබ්ලිව් කන්නන්ගර මධ්‍යම මහ විද්‍යාලයේ දෙවන වාර පරීක්ෂණයේ දී උසස් පෙළ දරුවන්ට ලබා දුන් සාමාන්‍ය පොදු පරීක්ෂණයේ ප්‍රශ්න පත්‍රයට ජාතික ජන බලවේගයට සම්බන්ධ ප්‍රශ්න 5ක් අන්තර්ග කර ඇති බවත්, පාසල් දරුවන් දේශපාලනීකරණය කිරීමේ ආණ්ඩුවේ පළමු පියවර මෙයදැයි තමන් ප්‍රශ්න කරණ බවත් පිවිතුරු හෙළ උරුමය නායක සර්වජන බලය කොළඹ දිස්ත්‍රික් අපේක්ෂක නීතිඥ උදය ගම්මන්පිල මහතා පවසයි.

ආචාර්ය ගුණදාස අමරසේකර මහතා යනු වරෙක වෛද්‍යවරයකු ද, තවත් වරෙක සාහිත්‍යධරයකු ද, තවත් වරෙක ජාතික විමුක්ති ව්‍යාපාරයේ නියමුවකු බවද, මෙසේ භූමිකා කිහිපයක් නියෝජනය කරන පුද්ගලයකු දැකගැනීම ඉතාමත්ම විරල බව ද මහාචාර්ය පූජ්‍ය මල්වානේ චන්දරතන හිමියෝ පවසති.

ආචාර්ය ගුණදාස අමරසේකර මහතා විසින් රචනාකරන ලද 'ගමනක ආවර්ජනා' කෘතිය ජාතික පාසල්වලට සහ ගුරුවිද්‍යාලවග පුස්තකාල සඳහා බෙදාහැරීමට අධ්‍යාපන අමාත්‍යංශයට බාරදීමේ උත්සවය අද පැවැත්විණි.

ඩොනල්ඩ් ට්‍රම්ප් ඝාතනය කිරීමට උත්සාහ දැරීමේ කුමන්ත්‍රණයට මෙන්ම මෙරට රැඳී සිටින ඊශ්‍රායල ජාතිකයින් ඉලක්ක කරගනිමින් ප්‍රහාර එල්ල කිරීමට සැලසුම් කිරීමේ සිද්ධියට සම්බන්ධ බවට චෝදනා එල්ල වී ඇති ෆර්හාඩ් ෂකේරි නැමැත්තා සම්බන්ධයෙන් ඉරාන විදේශ අමාත්‍යංශය ප්‍රතිචාර දක්වා තිබේ.