ජනපති ලේකම්වරයාගේ උපදෙස් මාලාවෙන් ඇමතිලාට නියෝජ්‍ය ඇමතිලාට මසකට ඉන්ධන ලීටර 900ක්! දුරකථන දීමනාව රුපියල් 30000ක්!

Jan 23, 2025 at 10:21 AM

|

Lanka Leader

නව රජයේ අමාත්‍යවරුන්ගේ කාර්යයන්ට සහ ප්‍රතිපත්ති ප්‍රසම්පාදන ක්‍රියාවලිය ශක්තිමත් කිරීම වෙනුවෙන් පහසුකම් සැලසීම සඳහා  ජනාධිපති ලේකම් සනත් කුමානායක මහතාගේ අත්සනින් යුතුව අමාත්‍යංශ ලේකම්වරුන් වෙත උපදෙස් මාලාවක් නිකුත් කර තිබේ.

එම උපදෙස්මාලාවට අනුව  අමාත්‍යංශ සඳහා උපදේශකවරුන් පත් කර ගැනීම අමාත්‍යවරුන් සහ නියෝජ්‍ය අමාත්‍යවරුන්ගේ සහායක කාර්ය මණ්ඩලයට පත් කර ගැනීම, වාහන සහ ඉන්ධන දුරකථන සබඳතා ආදිය සම්බන්ධයෙන් නිකුත් කර ඇති නිශ්චිත උපදෙස් අනුගමනය කළ යුතුය.

ඒ අනුව අමාත්‍යවරුන් සහ නියෝජ්‍ය අමාත්‍යවරුන්ගේ පරිහරණය සඳහා උපරිම වශයෙන් නිල වාහන දෙකක් භාවිත කළ හැකිය. එම වාහන සඳහා මාසිකව ඉන්ධන ලීටර 900ක් උපරිම වශයෙන් ලබා ගත හැකි බව පැවසේ.

අමාත්‍යවරුන් සහ නියෝජ්‍ය අමාත්‍යවරුන්ගේ ස්ථාවර දුරකථන සඳහා මාසිකව  රුපියල් 20000ක උපරිමයක් සහ ජංගම දුරකථනය සඳහා මාසිකව රුපියල් දස දහසක් වෙන් කර ඇති බවද පැවසේ.

සෑම අමාත්‍යවරයෙකුටම උපදේශකවරයෙක් හෝ කණ්ඩායමක් පත් කර ගැනීමට හැකියාව පවතින අතර උපරිමය දෙදෙනෙකු නොඉක්මවන පරිදි එම උපදේශක පත් කිරීම් සිදු කළ යුතු බවද උපදෙස් මාලාව මගින් අවධාරණය කෙරේ.

අමාත්‍යවරුන් සඳහා පෞද්ගලික කාර්ය මණ්ඩලය 15ක් හිමිවේ. එලෙසම නියෝජ්‍ය ඇමති කාර්ය මණ්ඩලය 14 ක් වේ.

ජනාධි ලේකම් වරයාගේ උපදෙස් වල්ට අනුව මෙම තනතුරු සඳහා අමාත්‍යවරයාගේ හෝ නියෝජ්‍ය අමාත්‍යවරයාගේ පවුලේ සාමාජිකයින් හෝ සමීප ඥාතීන් පත් නොකර ගත යුතු බවට උපදෙස් දී තිබේ.

ඇමති කාර්ය මණ්ඩලයේ 4 දෙනෙකුට වාහන 4ක් හිමි බව උපදෙස් මාලාවෙන් පැවසේ. ඇමැතිවරුන්ට අමතරව ඔහුගේ කාර්ය මණ්ඩලයේ පෞද්ගලික ලේකම්, සම්බන්ධීකරණ ලේකම්, මාධ්‍ය ලේකම්, මහජන සම්බන්ධීකරණ නිලධාරීන්ටද මාසික දුරකථන  දීමනා  හිමි වන බව එම උපදෙස් මාලාව පවසයි. ජනාධිපති ලේකම්වරයා නිකුත් කළ උපදෙස් මාලාව පහතින්...