දක්ෂම යාත්‍රිකයන් නිර්මාණය කරන්නේ රළු මුහුද බවට කතාවක් ඇති බවත්, තමා කුඩා කල සිට ලැබූ අත්දැකීම් පන්නරය කරගනිමින් අද දේශපාලනික වශයෙන් යම් ගමනක් පැමිණ ඇති බවත් දෙවන පරපුර නායක උවිඳු විජේවීර මහතා පවසයි.

තේරී පත්ව සිටින අමෙරිකානු ජනාධිපති ඩොනල්ඩ් ට්‍රම්ප් සහ ටෙහෙරානය විවේචනය කරන අමෙරිකානු මාධ්‍යවේදියකු ඝාතනය කිරීමේ කුලී කොන්ත්‍රාත්තුවක් පැවරී සිටි බවට චෝදනා කෙරෙන ඉරාන ජාතිකයාට ශ්‍රී ලංකාවේ ඊශ්‍රායල සංචාරකයන් ඉලක්ක කිරීමේ වගකීම ද පැවරී තිබී ඇතැයි එක්සත් ජනපද අධිකරණ දෙපාර්තමේන්තුව පවසයි.

වෛද්‍ය මොහොමඩ් සාෆි විසින් ඉකුත් දා මහජන ආරක්ෂක අමාත්‍යංශයට පැමිණිල්ලක් සිදු කළේය.

ජනාධිපති අනුර දිසානායන මහතා හා ජාතික ජනබලවේගයෙන් කළුතර දිස්ත‍්‍රික්කයට තරග වදින නිලන්ති කොට්ටච්චි මහත්මිය සමගි ජන බලවේගයේදැයි හිටපු පාර්ලිමේන්තු මන්ත‍්‍රී උදය ගම්මන්පිල මහතා ප‍්‍රශ්න කරයි.

බැසිල් රාජපක්ෂ තමන්ට වියදම් කළා නම් ජනාධිපතිවරණයේ දී ඡන්ද කැඩීම සඳහා තමන් ඉදිරිපත් වියයුතුව තිබූ බවත්, තමන් බැසිල් රාජපක්ෂගේ බළල් අතක් බවට ගෙනයන ප්‍රචාර සාවද්‍ය බව හා තරයේ ප්‍රතික්ෂේප කරන බවත් දෙවන පරපුර නායක උවිඳු විජේවීර මහතා පවසයි.

BRICS සමූහයේ සාමාජිකත්වය ලබා ගැනීම සඳහා ශ්‍රී ලංකාව ඉදිරිපත් කළ අයදුම්පත සමූහයේ වත්මන් සාමාජිකත්වය විසින් ප්‍රතික්ෂේප කර ඇති බව වාර්තාවේ. කෙසේ වුවද BRICS හි නව සංවර්ධන බැංකුවේ (New Development Bank-NDB) සාමාජිකත්වය ලබා ගැනීම සඳහා කළ ඉල්ලීම පිළිගෙන ඇති බව කැබිනට් ප්‍රකාශකවරයා පැවසීය.

මෙරට පත්වූ ආණ්ඩුවලට රටේ ආර්ථිකය ගොඩනැගීම සඳහා කිසිඳු වැඩපිළිවෙලක්, උපාය මාර්ගික සැලැස්මක් නොතිබූ බවත්, 1948න් පසු බලයට පත්වූ සෑම ආණ්ඩුවක්ම පාහේ සිදුකළේ රට ආර්ථික වශයෙන් අගාධයකට ලක්කිරීම පමණක් බවත් ජාතික ගොවිජන එකමුතුවේ සභාපති අනුරාධ තෙන්නකෝන් මහතා පවසයි.

ඩොනල්ඩ් ට්‍රම්ප්ගේ මැතිවරණ ජයග්‍රහණය පිළිබඳව රුසියානු ජනාධිපති ව්ලැඩිමීර් පුටින් සුබ පැතුම් එක් කර ඇති බව වාර්තාවේ. එලෙසම එක්සත් ජනපදයේ තේරී පත් වූ ජනාධිපතිවරයා සමඟ සාකච්ඡා කිරීමට තමන් සූදානම් බවද පුටින් අවධාරණය කර ඇතැයිද එම වාර්තා පවසයි. ජුලි මාසයේදී ට්‍රම්ප්ව ඝාතනය කිරීමට ගත් උත්සාහයේදි සහ ඉන් පසුව ට්‍රම්ප් දැක්වූ “ධෛර්ය සම්පන්න” ප්‍රතිචාරය සම්බන්ධයෙන්ද පුටින් ප්‍රශංසා මුඛයෙන් අදහස් දැක්වූ බවද පැවසේ. ඊයේ(07) දකුණු රුසියානු නගරයක් වන සෝචි හි Valdai ජාත්‍යන්තර සාකච්ඡා සමාජයේ රැස්වීමකට එක් වෙමින් පුටින් පැවසුවේ, “ට්‍රම්ප් එක්සත් ජනපදයේ ජනාධිපති ලෙස තේරී පත්වීම සම්බන්ධයෙන් මගේ සුබ පැතුම් පිරිනැමීමට අවස්ථාවක් කරගන්නවා." යනුවෙනි. ට්‍රම්ප් යුක්රේන ගැටුම අවසන් කිරීමට අභිලාශයක් ඇති බව ප්‍රකාශ කර ඇති බවත්, එවැනි ප්‍රකාශයන් “අවම වශයෙන් අවධානය යොමු කළ යුතු” බවත් පුටින් එම රැස්වීමේ අදහස් දක්වමින් පැවසුවේය.

ඛනිජ තෙල් සංස්ථාවේ සභාපති ජානක රාජකරුණා මහතා පසුගිය දා රූපවාහිනී සංවාදයකදී පැවසූ කරුණු අනුව ඔහුට මෙම ක්ෂේත්‍රය පිළිබඳව අවබෝධයක් නොමැති බව පෙනීයන බවත්, පසුගිය ආණ්ඩුව විසින් අවාසිදායක ගිවිසුම් අත්සන්කර ඇති බව සභාපතිවරයා චෝදනා නගන බවද, එසේ නම් ඔහුට එම ගිවිසුම් අවලංගු කිරීමට හැකියාව පවතින බවද හිටපු අමාත්‍ය කංචන විජේසේකර මහතා පවසයි.