ඉස්ලාමීය සහයෝගිතා සංවිධානය ඉරානය සම්බන්ධයෙන් අමෙරිකාවේ හැසිරීමට එරෙහි දැඩි විරොධය
ඉරාන ඉස්ලාමීය ජනරජයේ විදේශ කටයුතු අමාත්‍යාංශය, ඉරානයේ සාමකාමී න්‍යෂ්ටික පහසුකම්වලට එරෙහිව එක්සත් ජනපදය විසින් සිදු කරන ලද කුරිරු මිලිටරි ආක්‍රමණික ප්‍රහාරය දැඩි ලෙස හෙළා දකී. එය එක්සත් ජාතීන්ගේ ප්‍රඥප්තියේ සහ ජාත්‍යන්තර නීතියේ මූලික මූලධර්ම බරපතල හා පෙර නොවූ විරූ ලෙස උල්ලංඝනය කිරීමකි. මෙම අතිශය ආක්‍රමණශීලී ක්‍රියාවේ සහ දරුණු අපරාධයේ භයානක ප්‍රතිවිපාක සහ දුරදිග යන ඇඟවුම් සඳහා ඇමරිකා එක්සත් ජනපදයේ යුදවාදී සහ නීති විරෝධී පාලන තන්ත්‍රය සම්පූර්ණයෙන්ම වගකිව යුතුයි. ජන සංහාරක ඊශ්‍රායල තන්ත්‍රය සමඟ හවුල් වී සිදු කරන ලද එක්සත් ජාතීන්ගේ සාමාජික රාජ්‍යයක භෞමික අඛණ්ඩතාව සහ ජාතික ස්වෛරීභාවයට එරෙහි එක්සත් ජනපද මිලිටරි ආක්‍රමණය, ඇමරිකානු විදේශ ප්‍රතිපත්තිය පාලනය කරන දුෂ්චරිතයේ ගැඹුර නැවත වරක් හෙළිදරව් කළ අතර, සාමය සොයන සහ නිදහසට ආදරය කරන ඉරාන ජනතාවට එරෙහිව එක්සත් ජනපද පාලක සංස්ථාපිතය විසින් ඇති කර ඇති සතුරුකමේ තරම හෙළි කළේය. එක්සත් ජනපදයේ සාපරාධී ආක්‍රමණයට එරෙහිව ඉරානයේ භූමිය, ස්වෛරීභාවය, ආරක්ෂාව සහ ජනතාව සියලු බලයෙන් සහ මාධ්‍යයන්ගෙන් ආරක්ෂා කිරීමට ඉරාන ඉස්ලාමීය ජනරජය අධිෂ්ඨාන කරගෙන සිටී. ඉරානයට එරෙහි ඊශ්‍රායල මිලිටරි ආක්‍රමණයේ 10 වන දින අලුයම සිදු වූ ඉරානයේ සාමකාමී න්‍යෂ්ටික මධ්‍යස්ථානවලට එක්සත් ජනපදය විසින් සිදු කරන ලද නීති විරෝධී ප්‍රහාරය, ඉරානයට එරෙහිව යුද්ධයක් සංවිධානය කිරීම සහ දියත් කිරීම සඳහා සියොන්වාදී තන්ත්‍රය සමඟ වොෂින්ටනයේ සාපරාධී හවුල්කාරිත්වයේ තරම නිසැකවම හෙළිදරව් කර ඇත. ආරක්ෂක මණ්ඩලයේ ස්ථිර සාමාජිකයෙකු විසින් ඉරානයේ සාමකාමී න්‍යෂ්ටික මධ්‍යස්ථානවලට එරෙහිව සිදු කරන ලද මෙම ආක්‍රමණශීලී ක්‍රියාව එක්සත් ජාතීන්ගේ ප්‍රඥප්තිය - විශේෂයෙන් 2(4) වගන්තිය යටතේ බලය යෙදවීම තහනම් කිරීම සහ රාජ්‍යයන්ගේ භෞමික අඛණ්ඩතාව සහ ස්වෛරීභාවයට ගරු කිරීමේ බැඳීම - බරපතල ලෙස උල්ලංඝනය කිරීමක් පමණක් නොව, එක්සත් ජාතීන්ගේ ආරක්ෂක මණ්ඩල යෝජනාව 2231 උල්ලංඝනය කිරීමක් මෙන්ම ගෝලීය අවිහිංසාවාදී තන්ත්‍රයට විනාශකාරී පහරක් ද වේ. එවැනි පැහැදිලි ආක්‍රමණ හමුවේ නිහඬව සිටීම ලෝකය පෙර නොවූ විරූ මට්ටමකට සහ අවුල් සහගත තත්ත්වයකට ඇද දමනු ඇත. ඉරාන ඉස්ලාමීය ජනරජය එකසත් ජාතීන්ගේ සංවිධානය වෙත, ආරක්ෂක මණ්ඩලය වෙත, එක්සත් ජාතීන්ගේ මහලේකම් වෙත , ජාත්‍යන්තර පරමාණුක බලශක්ති ඒජන්සිය වෙත සහ අනෙකුත් අදාළ ජාත්‍යන්තර ආයතන වෙත මතක් කර දෙන්නේ මෙම භයානක ජාත්‍යන්තර නීතිය උල්ලංඝනය කිරීමට ප්‍රතිචාර වශයෙන් හදිසි සහ තීරණාත්මක ක්‍රියාමාර්ග ගැනීම ඔවුන්ගේ වගකීමක් බවයි. ඒ අනුව එක්සත් ජාතීන්ගේ සංවිධානයේ ආරම්භක සාමාජිකයෙකු ලෙස, ඉරාන ඉස්ලාමීය ජනරජය, ඉරානයට එරෙහිව එක්සත් ජනපදය විසින් සිදු කරන ලද නීති විරෝධී ඒකපාර්ශ්වික ක්‍රියා හමුවේ ඔවුන්ගේ වගකීම් ඉටු කරන ලෙස එම සංවිධානයෙන් සහ එහි වගකිවයුතු සාමාජික රටවලින් ඉල්ලා සිටී. ඉරානයට එරෙහිව එක්සත් ජනපදය විසින් සිදු කරන ලද මෙම සාපරාධී ආක්‍රමණශීලී ක්‍රියාව නිසැකවම හෙළා දැකීමට සහ එක්සත් ජාතීන්ගේ ප්‍රඥප්තියේ මූලික මූලධර්ම සහ ජාත්‍යන්තර නීතියේ සම්මතයන් දැඩි ලෙස උල්ලංඝනය කිරීම සම්බන්ධයෙන් එක්සත් ජනපදය වගකිව යුතු බවට හදිසි සැසියක් කැඳවන ලෙස අපි එක්සත් ජාතීන්ගේ ආරක්ෂක මණ්ඩලයෙන් ඉල්ලා සිටිමු. යුදවාදී පාර්ශ්වයන්ට පක්ෂව පැහැදිලි පක්ෂග්‍රාහීත්වයක් හරහා, මෙම මෑත කාලීන ව්‍යසනයට මග පෑදූ ජාත්‍යන්තර පරමාණුක බලශක්ති ඒජන්සිය සහ එහි අධ්‍යක්ෂ ජනරාල්වරයාගේ වගකීම දැන් කවරදාටත් වඩා පැහැදිලිය. ඉරානයේ සාමකාමී න්‍යෂ්ටික මධ්‍යස්ථානවලට එල්ල කරන ලද මෙම භයානක එක්සත් ජනපද ප්‍රහාරයට ප්‍රතිචාර වශයෙන් වහාම රැස්වී එහි නීතිමය වගකීම ඉටු කරන ලෙස අපි ජාත්‍යන්තර පරමාණුක බලශක්ති ඒජන්සියේ පාලක මණ්ඩලයෙන් ඉල්ලා සිටිමු. මක් නිසාද යත් ඉරානයේ පවතින න්‍යෂ්ඨික මධ්‍යස්ථාන සියල්ල ඒජන්සියේ පූර්ණ ආරක්ෂාව සහ අධීක්ෂණය යටතේ පවතී. රාජ්‍ය තාන්ත්‍රික ක්‍රියාවලියක් මධ්‍යයේ, ඉරාන ජාතිය මත ආක්‍රමණශීලී යුද්ධයක් පැනවීමට ජන සංහාරක සහ නීති කඩ කරන ඊශ්‍රායල තන්ත්‍රයට සහාය දීමෙන් රාජ්‍ය තාන්ත්‍රිකභාවය පාවා දුන්නේ එක්සත් ජනපදය බව ලෝකය අමතක නොකළ යුතුය. දැන්, එම පාලන තන්ත්‍රයේ නීති විරෝධී සහ සාපරාධී ක්‍රියාවන් සම්පූර්ණ කරමින්, එක්සත් ජනපදයම ඉරාන ඉස්ලාමීය ජනරජයට එරෙහිව භයානක යුද්ධයක් දියත් කර ඇත. ආරක්ෂක මණ්ඩලයේ ස්ථිර සාමාජිකත්වයක් භුක්ති විඳින අමෙරිකා එක්සත් ජනපද පාලන තන්ත්‍රය කිසිදු මූලධර්මයකට හෝ සදාචාරයකට බැඳී නොමැති බවත්, ජන සංහාරක, වෙනත් ජාතියකට අයත් භූමියක වාඩිලා සිටින පාලන තන්ත්‍රයක අරමුණු ඉටු කර ගැනීම සඳහා කරන විරෝධී ක්‍රියාවකට හෝ අපරාධයකට ඔවුන් විරෝධය නොදක්වන බවත් දැන් ලෙඔක ජනයාට ඕනෑවටත් වඩා පැහැදිලි වී තිබේ.
සම්බන්ධිත පුවත් | Related News
ප්‍රධාන පුවත්
පනාමුරේ තිලකවංශ නාහිමියන්ට ජීවිත ආරක්ෂාව ඉල්ලමින් මහජන ආරක්ෂක නියෝජ්‍ය අමාත්‍යවරයාට ලිපියක්..
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..