2025 වසරට අදාළ අධ්‍යයන පොදු සහතික පත්‍ර උසස් පෙළ විභාගය නොවැම්බර් මස 10 වනදා සිට දෙසැම්බර් 5වන දින දක්වා පැවැත්වෙන බව විභාග දෙපාර්තමේන්තුව පවසයි.

ජාත්‍යන්තර මූල්‍ය අරමුදලේ වුවමනාවන්ට මේ රටේ කම්කරු ජනතාවගේ අයිතිවාසිකම් පාවාදීමට ජාතික ජන බලවේග ආණ්ඩුව හදිසියේම කැබිනට් මණ්ඩල අනුමැතිය ලබාගෙන කම්කරු නීතියට බරපතළ සංශෝධනයක් ගෙන ඒමට යන බව ජන අරගල සන්ධානයේ විධායක සභික පෙරටුගාමී සමාජවාදී පක්ෂයේ ප්‍රචාරක ලේකම් දුමින්ද නාගමුව පවසයි.

ඊශ්‍රායල ඉරාන යුද්ධය තෙවන ලෝක යුද්ධයක් බවට පරිවර්තනය වීම වැලැක්වීමට හදිසි සහ විධිමත් මැදිහත් වීමක් කරන්නැයි ඉල්ලා ජාතක නිදහස් පෙරමුණ විසින් එක්සත් ජාතින්ගේ සංවිධානයේ මහලේකම්වරයා වෙත ලිපියක් බාරදී තිබේ.

අමෙරිකානු ජනාධිපති ඩොනල්ඩ් ට්‍රම්ප් විසින් ප්‍රකාශයට පත් කරන ලද සටන් විරාමයට ගරු කරන්නේ ඊශ්‍රායලය ද එම කොන්දේසි පිළිපදින්නේ නම් පමණක් බව ඉරාන ජනාධිපති මසූඩ් පෙසෙෂ්කියන් පවසා ඇත.

ඊශ්‍රායල ඉරාන යුද්ධය නැවැත්වීමට වහා මැදිහත් වන ලෙස අමෙරිකානු ජනපති ඩොනල්ඩ් ට්‍රම්ප්ගෙන් ඉල්ලමින් ශ්‍රී ලංකාවේ අමෙරිකානු තානාපති කාර්යාලය වෙත ලිපියක් භාරදීම දෙවන පරපුර දේශපාලන ව්‍යාපාරය විසින් ඊයේ(24) දින සිදුකරන ලදී.

මැදපෙරදිග සහ පර්සියානු ගල්ෆ් කලාපයේ උණුසුම්කාරී තත්ත්වය උත්සන්න වීම සම්බන්ධයෙන් රුසියානු විදේශ අමාත්‍යාංශයෙන් ප්‍රකාශයක් නිකුත් කර තිබේ.

ඉරාන ආරක්ෂක අමාත්‍ය බ්‍රිගේඩියර් ජෙනරාල් අසීස් නසීර්සාදී සහ ඔහුගේ රුසියානු සහචරයා ඊයේ(23) රාත්‍රියේ කරනු ලැබූ දුරකථන සාකච්ඡාවකදී "ආක්‍රමණිකයන්ට" එරෙහිව දෙරටෙහි උපායමාර්ගික පෙළගැස්ම තහවුරු කළ බවත්, ඉරානයේ ස්වෛරීභාවයට මෑත කාලීනව එල්ල කළ ප්‍රහාර සඳහා වගකිව යුතු අයට දඬුවම් කිරීමට සම්බන්ධීකරණ ක්‍රියාමාර්ග ගන්නා බවට පොරොන්දු වී ඇතැයි ටෙහෙරාන් ටෛම්ස් පුවත් පත පවසයි.

සංවිධානාත්මක අපරාධකරුවෙකු වන හරක් කටා සම්බන්ධ පරීක්ෂණ වලදී අපරාධ පරීක්ෂණ දෙපාර්තමේන්තුවෙන් අපේක්ෂිතඅරමුණ ඉටු නොවන බවත් එහි ඇතැම් නිලධාරීන් හරක් කටාගේ අනුගාමිකයින් අත්අඩංගුවට නොගන්නා බවත් අවබෝධ වූ හෙයින් පරීක්ෂණ කොළඹ අපරාධ කොට්ඨාසයට බාර දුන් බව පොලිස්පති දේශබන්දු තෙන්නකෝන් මහතා ඔහුට එරෙහි චෝදනා විමර්ශන කෙරෙන පාර්ලිමේන්තු කමිටුව හමුවේ සාක්ෂි දෙමින් ඊයේ (23) ප්‍රකාශ කළේය.

කිසිදු සටන් විරාමයක් හෝ හමුදා මෙහෙයුම් නැවැත්වීමේ තීරණයක් සම්බන්ධයෙන් වූ ගිවිසුමක් ගෙන නොමැති බව ඉරානය පවසයි.